വിദേശത്തുനിന്ന് ഉള്‍പ്പടെയെത്തുന്ന സഞ്ചാരികളുമായി ഇടപഴകുമ്പോള്‍ പാലിക്കേണ്ട കാര്യങ്ങള്‍ സംബന്ധിച്ച വീഡിയോയാണ് എറണാകുളം ജില്ലാ ഇന്‍ഫര്‍മേഷന്‍ ഓഫീസറുടെ ഫെയ്‌സ്ബുക്ക് പേജിലൂടെ പങ്കുവച്ചിരിക്കുന്നത്.
കൊച്ചി: ലോകം കൊറോണ ഭീതിയിലാണ്. വൈറസ് അപകടകരമായ വിധത്തില്‍ വ്യാപിക്കുന്ന പശ്ചാത്തലത്തില്‍ ടൂറിസ്റ്റ് ഡ്രൈവര്‍മാര്‍ക്ക് സുരക്ഷാ നിര്‍ദേശങ്ങളുമായി ആരോഗ്യ വകുപ്പിന്റെ വീഡിയോ സന്ദേശം. വിദേശത്തുനിന്ന് ഉള്‍പ്പടെയെത്തുന്ന സഞ്ചാരികളുമായി ഇടപഴകുമ്പോള്‍ പാലിക്കേണ്ട കാര്യങ്ങള്‍ സംബന്ധിച്ച വീഡിയോയാണ് എറണാകുളം ജില്ലാ ഇന്‍ഫര്‍മേഷന്‍ ഓഫീസറുടെ ഫെയ്‌സ്ബുക്ക് പേജിലൂടെ പങ്കുവച്ചിരിക്കുന്നത്.
വാഹനത്തില്‍ യാത്രക്കാരായെത്തുന്നവര്‍ എവിടെ നിന്നാണ് വരുന്നതെന്ന വിശദമായ വിവരശേഖരം നടത്തണം. ഈ വിവരത്തിന്റെ അടിസ്ഥാനത്തില്‍ വൈറസ് ബാധിത പ്രദേശങ്ങളില്‍ നിന്നാണ് സഞ്ചാരികള്‍ വരുന്നതെങ്കില്‍ ഇവരുമായി ഇടപഴകുമ്പോള്‍ ചില മുന്‍ കരുതല്‍ നിര്‍ബന്ധമായും സ്വീകരിക്കണമെന്നാണ് വിഡിയോയില്‍ നിര്‍ദ്ദേശിക്കുന്നത്.