വലിയ ഫാമിലികൾക്ക് കോളടിച്ചു, ഈ ജനപ്രിയ മാരുതി കാറിന് വൻ വിലക്കിഴിവ്, ഒറ്റയടിക്ക് കുറഞ്ഞത് 1.40 ലക്ഷം

ജൂലൈയിൽ മാരുതി സുസുക്കി ഇന്ത്യ തങ്ങളുടെ എംപിവി ഇൻവിക്ടോയ്ക്ക് 1.40 ലക്ഷം രൂപ വരെ കിഴിവ് പ്രഖ്യാപിച്ചു. ഈ ഹൈബ്രിഡ് വാഹനം രണ്ട് വേരിയന്റുകളിൽ ലഭ്യമാണ്. 

ജൂലൈയിൽ മാരുതി സുസുക്കി ഇന്ത്യ തങ്ങളുടെ ഏറ്റവും വിലയേറിയതും ആഡംബരപൂർണ്ണവുമായ എംപിവി ഇൻവിക്ടോയ്ക്ക് വലിയ കിഴിവ് കൊണ്ടുവന്നു. ഈ കാറിന് കമ്പനി 1.40 ലക്ഷം രൂപ കിഴിവ് നൽകുന്നു. ഈ കാർ രണ്ട് വേരിയന്റുകളിൽ മാത്രമേ ലഭ്യമാകൂ. രണ്ടിലും 186 എച്ച്പി പെട്രോൾ-ഇലക്ട്രിക് ഹൈബ്രിഡ് പവർട്രെയിൻ സജ്ജീകരിച്ചിരിക്കുന്നു. ഇൻവിക്ടോയുടെ ടോപ്പ്-സ്പെക്ക് ആൽഫ + ട്രിമ്മിൽ ആകെ 1.40 ലക്ഷം രൂപ വരെ കിഴിവ് നൽകുന്നു. 7-സീറ്റർ, 8-സീറ്റർ ലേഔട്ടുകളിൽ ലഭ്യമായ സീറ്റ + ട്രിമിന് 1.15 ലക്ഷം രൂപ വരെ കിഴിവ് ലഭിക്കുന്നു. ഇൻവിക്ടോയുടെ നിലവിലെ വില 25.51 ലക്ഷം മുതൽ 29.22 ലക്ഷം രൂപ വരെയാണ്.

മാരുതി ഇൻവിക്റ്റോയ്ക്ക് ഇന്റലിജന്റ് ഇലക്ട്രിക് ഹൈബ്രിഡ് സിസ്റ്റമുള്ള 2.0 ലിറ്റർ TNGA എഞ്ചിൻ ലഭിക്കും. ഇത് ഒരു E-CVT ഗിയർബോക്സുമായി ബന്ധിപ്പിച്ചിരിക്കുന്നു. ഇത് 183 bhp പവറും 1250 Nm ടോർക്കും ഉത്പാദിപ്പിക്കുന്നു. ഈ കാറിന് 9.5 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയും. അതേസമയം, ഒരു ലിറ്റർ പെട്രോളിൽ 23.24 കിലോമീറ്റർ വരെ മൈലേജ് കൈവരിക്കാൻ കഴിയും. ടൊയോട്ട ഇന്നോവയെപ്പോലെ, ഇത് 7 സീറ്റർ കോൺഫിഗറേഷനിലാണ് വരുന്നതെന്ന് നമുക്ക് നിങ്ങളോട് പറയാം.

മസ്‌കുലാർ ക്ലാംഷെൽ ബോണറ്റ്, ഡിആർഎല്ലുകളുള്ള സ്ലീക്ക് എൽഇഡി ഹെഡ്‌ലൈറ്റുകൾ, ക്രോം ചുറ്റപ്പെട്ട ഗ്രിൽ, വീതിയേറിയ എയർ ഡാം, സിൽവർ സ്‌കിഡ് പ്ലേറ്റുകൾ എന്നിവ ഇതിൽ ഉൾപ്പെടുന്നു. ഡ്യുവൽ-ടോൺ ഡാഷ്‌ബോർഡ്, ലെതർ അപ്ഹോൾസ്റ്ററിയോടുകൂടിയ പവർഡ് ഓട്ടോമൻ സീറ്റുകൾ, ഇന്റഗ്രേറ്റഡ് മൂഡ് ലൈറ്റിംഗുള്ള പനോരമിക് സൺറൂഫ്, മൾട്ടി-സോൺ ക്ലൈമറ്റ് കൺട്രോൾ, മൾട്ടി-ഫങ്ഷണൽ സ്റ്റിയറിംഗ് വീൽ എന്നിവയാണ് ക്യാബിനിലെ സവിശേഷതകൾ.

മാരുതി സുസുക്കി ഇൻവിക്ടോയിൽ വൺ-ടച്ച് പവർ ടെയിൽഗേറ്റ് ഉണ്ടാകും. അതായത്, ടെയിൽഗേറ്റ് ഒറ്റ ടച്ച് ഉപയോഗിച്ച് തുറക്കും. കമ്പനിയുടെ അടുത്ത തലമുറ സുസുക്കി കണക്റ്റിനൊപ്പം ആറ് എയർബാഗുകളുടെ സുരക്ഷയും ഇൻവിക്ടോയിൽ ലഭിക്കുന്നു. ഇതിന്റെ നീളം 4755 എംഎം ആണ്. വീതി 1850 എംഎം ആണ്. 1795 എംഎം ആണ് ഉയരം. എട്ട് തരത്തിൽ ക്രമീകരിക്കാവുന്ന പവർ വെന്റിലേറ്റഡ് സീറ്റുകളും കാറിൽ ഉണ്ട്. മുൻ സീറ്റുകൾ, രണ്ടാം നിരയിലെ ക്യാപ്റ്റൻ സീറ്റുകൾ, സൈഡ് ഫോൾഡബിൾ ടേബിൾ, മൂന്നാം നിരയിലേക്ക് എളുപ്പത്തിൽ പ്രവേശിക്കാൻ വൺ-ടച്ച് വാക്ക്-ഇൻ സ്ലൈഡ്, മൾട്ടി-സോൺ താപനില ക്രമീകരണങ്ങൾ നൽകിയിട്ടുണ്ട്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.