വമ്പൻ വിലക്കിഴിവിൽ ഹ്യുണ്ടായി എക്സ്റ്റർ സ്വന്തമാക്കാം

ഹ്യുണ്ടായിയുടെ ഏറ്റവും വലിയ ഡിമാൻഡുള്ള മൈക്രോ എസ്‌യുവിയാണ് എക്‌സ്റ്റർ. വാഹനത്തിന് ഇപ്പോൾ വിലക്കിഴിവ് പ്രഖ്യാപിച്ചിരിക്കുകയാണ് കമ്പനി. നിലവിൽ, എക്‌സ്റ്ററിന് 55,000 വരെ പരമാവധി ആനുകൂല്യങ്ങൾ കമ്പനി നൽകുന്നു. ഈ എസ്‌യുവിയുടെ എക്സ്-ഷോറൂം വില  5.99 ലക്ഷം മുതൽ  10.43 ലക്ഷം വരെയാണ്. 

ടാറ്റ പഞ്ച് പോലുള്ള മറ്റ് കാറുകളുമായി മത്സരിക്കുന്ന, ഹ്യുണ്ടായിയുടെ ഏറ്റവും വലിയ ഡിമാൻഡുള്ള മൈക്രോ എസ്‌യുവിയാണ് എക്‌സ്റ്റർ. വാഹനത്തിന് ഇപ്പോൾ വിലക്കിഴിവ് പ്രഖ്യാപിച്ചിരിക്കുകയാണ് കമ്പനി. നിലവിൽ, എക്‌സ്റ്ററിന് 55,000 വരെ പരമാവധി ആനുകൂല്യങ്ങൾ കമ്പനി നൽകുന്നു. ഈ എസ്‌യുവിയുടെ എക്സ്-ഷോറൂം വില  5.99 ലക്ഷം മുതൽ  10.43 ലക്ഷം വരെയാണ്. 

82 bhp കരുത്തും 113.8 Nm ടോർക്കും ഉത്പാദിപ്പിക്കുന്ന 1.2 ലിറ്റർ കപ്പ 4-സിലിണ്ടർ പെട്രോൾ യൂണിറ്റാണ് ഹ്യുണ്ടായി എക്‌സ്‌റ്ററിന് കരുത്തേകുന്നത്. അഞ്ച് സ്പീഡ് മാനുവൽ, AMT ഓപ്ഷനുകളും ഇതിൽ ഉൾപ്പെടുന്നു. 68 bhp കരുത്തും 95.2 Nm ടോർക്കും ഉത്പാദിപ്പിക്കുന്ന ഒരു ഓപ്ഷണൽ സിഎൻജി വേരിയന്റും ഉണ്ട്. കൂടാതെ കൂടുതൽ കാർഗോ സ്ഥലത്തിനായി ഡ്യുവൽ-സിലിണ്ടർ സിഎൻജി സാങ്കേതികവിദ്യയും ഉണ്ട്.

അതേസമയം കമ്പനി അടുത്തിടെ എക്സ്റ്റർ ലൈനപ്പ് കൂടുതൽ വികസിപ്പിച്ചിരുന്നു. എസ് സ്മാർട്ട്, എസ് എക്സ് സ്മാർട്ട് എന്നിങ്ങനെ കൂടുതൽ താങ്ങാവുന്ന വിലയുള്ള രണ്ട് വേരിയന്‍റുകൾ കമ്പനി എക്സ്റ്ററിന് പുതുതായി നൽകി.  7.68 ലക്ഷം രൂപ മുതൽ 9.18 ലക്ഷം രൂപ വരെയാണ് വില. രണ്ട് ട്രിമ്മുകളും 1.2 ലിറ്റർ, 4-സിലിണ്ടർ പെട്രോൾ, സിഎൻജി പവർട്രെയിൻ ഓപ്ഷനുകളിൽ ലഭ്യമാണ്. പെട്രോൾ എഞ്ചിൻ പരമാവധി 83 ബിഎച്ച്പി പവറും 114 എൻഎം ടോർക്കും നൽകുന്നു, അതേസമയം സിഎൻജി പതിപ്പ് 69 ബിഎച്ച്പി പവറും 95.2 എൻഎം ടോർക്കും നൽകുന്നു. ട്രാൻസ്മിഷൻ ഓപ്ഷനുകളിൽ 5-സ്പീഡ് മാനുവലും 5-സ്പീഡ് എഎംടിയും ഉൾപ്പെടുന്നു.

ഹ്യുണ്ടായി എക്‌സ്റ്റർ എസ് സ്മാർട്ട്, എസ്‌എക്സ് സ്മാർട്ട് വേരിയന്റുകൾ അവതരിപ്പിച്ചതോടെ സൺറൂഫ് കൂടുതൽ താങ്ങാനാവുന്ന വിലയുള്ളതായി മാറി. എസ് സ്മാർട്ട് വേരിയന്റിൽ റിയർ എസി വെന്റുകൾ, ടയർ പ്രഷർ മോണിറ്ററിംഗ് സിസ്റ്റം, എൽഇഡി ഡിആർഎൽ, എൽഇഡി ടെയിൽലാമ്പുകൾ, 15 ഇഞ്ച് സ്റ്റീൽ വീലുകൾ എന്നിവയും ലഭ്യമാണ്. എസ്‌എക്സ് സ്മാർട്ട് ട്രിമിൽ പ്രൊജക്ടർ ഹെഡ്‌ലാമ്പുകൾ, ഷാർക്ക് ഫിൻ ആന്റിന, പുഷ് ബട്ടൺ സ്റ്റാർട്ട്/സ്റ്റോപ്പ് ഫീച്ചറുള്ള കീലെസ് എൻട്രി, ലെതറെറ്റ് സീറ്റ് അപ്ഹോൾസ്റ്ററി, റിയർ പാർക്കിംഗ് ക്യാമറ എന്നിവയും ലഭ്യമാണ്. എക്‌സ്റ്ററിന് പിന്നിൽ എൽഇഡി ടെയിൽ-ലൈറ്റുകൾ, ഷാർക്ക്-ഫിൻ ആന്റിന, റൂഫ് റെയിലുകൾ, സിംഗിൾ-പാനൽ സൺറൂഫ് എന്നിവയുണ്ട് - സെഗ്‌മെന്റിലെ ആദ്യ സവിശേഷത. അകത്തളത്തിൽ, ഹ്യുണ്ടായിയുടെ ബ്ലൂലിങ്ക് കണക്റ്റിവിറ്റി സ്യൂട്ടിന് കീഴിൽ 60-ലധികം കണക്റ്റഡ് കാർ സവിശേഷതകളുള്ള 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഒടിഎ അപ്‌ഡേറ്റുകൾ എന്നിവയും കാറിന് ലഭിക്കുന്നു. ഫാക്ടറി ഫിറ്റഡ് ഡ്യുവൽ-മോണിറ്ററിംഗ് ഡാഷ്‌ബോർഡ് ക്യാമറയും എക്‌സ്റ്ററിൽ ക്രൂയിസ് കൺട്രോളും ഹ്യുണ്ടായി വാഗ്ദാനം ചെയ്യുന്നു.

അതേസമയം ഹ്യുണ്ടായി എക്സ്റ്റർ കഴിഞ്ഞ ദിവസം വിൽപ്പനയിൽ ഒരു വലിയ റെക്കോർഡ് സൃഷ്ടിച്ചു. 2025 ഏപ്രിൽ വരെ കമ്പനി എക്സ്റ്ററിന്‍റെ 1.5 ലക്ഷം യൂണിറ്റുകൾ വിറ്റഴിച്ചു. അതായത് ഈ കാർ ആഭ്യന്തര വിപണിയിൽ വളരെ വേഗത്തിൽ വിറ്റുതീരുന്നു. പുറത്തിറങ്ങി വെറും 21 മാസത്തിനുള്ളിൽ 1.5 ലക്ഷം യൂണിറ്റ് വിറ്റഴിച്ചത് റെക്കോർഡ് വിൽപ്പനയിലേക്കാണ് വിരൽ ചൂണ്ടുന്നത്. ഈ കാർ 2023 ജൂലൈ 10-നാണ് ഇന്ത്യൻ വിപണിയിൽ ലോഞ്ച് ചെയ്തത്. 2025 ഏപ്രിൽ 30 വരെ ആകെ 1,54,127 യൂണിറ്റുകൾ വിറ്റു.

ലോഞ്ച് ചെയ്ത് വെറും 13 മാസത്തിനുള്ളിൽ, അതായത് 2024 ഓഗസ്റ്റിൽ, ഒരു ലക്ഷം യൂണിറ്റുകൾ വിറ്റഴിച്ചതിന്റെ റെക്കോർഡ് ഹ്യുണ്ടായി എക്‌സ്റ്റർ കൈവരിച്ചിരുന്നു. അതേസമയം, ലോഞ്ച് ചെയ്ത് വെറും എട്ട്  മാസത്തിന് ശേഷം 50,000 യൂണിറ്റുകൾ വിറ്റഴിച്ചു. രാജ്യത്തെ ചെറു എസ്‌യുവി വിപണിയിൽ ഒരു യുദ്ധം നടക്കുകയാണ്. ടാറ്റ പഞ്ചും ഹ്യുണ്ടായി എക്‌സ്റ്ററും നേരിട്ടുള്ള എതിരാളികളാണ്. ഒപ്പം ഈ മത്സരിത്തിൽ കിയ സോനെറ്റ്, ഹ്യുണ്ടായി വെന്യു, മഹീന്ദ്ര XUV300 എന്നിവയുണ്ട്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.