വാഹന വിപണിയിലെ അദൃശ്യ ഭാരം: വിലകൾ കുതിക്കുന്നു

രാജ്യത്തെ ഓട്ടോമൊബൈൽ കമ്പനികൾ സ്റ്റീൽ, പ്ലാസ്റ്റിക് തുടങ്ങിയ അസംസ്കൃത വസ്തുക്കളുടെ വില കുത്തനെ ഉയർന്നതിനെ തുടർന്ന് കടുത്ത ചെലവ് പ്രതിസന്ധി നേരിടുകയാണ്. ഈ വിലവർദ്ധനവ് കമ്പനികളുടെ ലാഭത്തെ ബാധിക്കുകയും വാഹന വില ഉയർത്താൻ നിർബന്ധിതരാക്കുകയും ചെയ്യുന്നതായി സിയാം റിപ്പോർട്ട് വ്യക്തമാക്കുന്നു.

രാജ്യത്തെ ഓട്ടോമൊബൈൽ കമ്പനികൾ ചെലവ് പ്രതിസന്ധി നേരിടുന്നതായി റിപ്പോർട്ട്. സ്റ്റീൽ, മെറ്റൽ, പ്ലാസ്റ്റിക് തുടങ്ങിയ അവശ്യ അസംസ്കൃത വസ്തുക്കളുടെ വില 2026 മാർച്ച് മുതൽ കുത്തനെ ഉയർന്നു. ഇത് കമ്പനികളുടെ ലാഭത്തെ ബാധിക്കുകയും വാഹന ആവശ്യകത കുറയ്ക്കുകയും ചെയ്യുമെന്ന് സൊസൈറ്റി ഓഫ് ഇന്ത്യൻ ഓട്ടോമൊബൈൽ മാനുഫാക്ചറേഴ്‌സിന്റെ (സിയാം) ഏറ്റവും പുതിയ ഡാറ്റ വ്യക്തമാക്കുന്നു.

പശ്ചിമേഷ്യയിൽ യുദ്ധത്തിന്റെ നേരിട്ടുള്ള ആഘാതം ടൈംസ് ഓഫ് ഇന്ത്യയിലെ ഒരു റിപ്പോർട്ട് അനുസരിച്ച്, പശ്ചിമേഷ്യയിലെ യുദ്ധം സ്റ്റീൽ വിലയിൽ വർദ്ധനവിന് കാരണമായി. 2026 മാർച്ചിൽ, സ്റ്റീൽ വില ഏകദേശം 10 ശതമാനം ഉയർന്ന് ടണ്ണിന് 60,000 രൂപ ആയി. അതേസമയം, സ്റ്റെയിൻലെസ് സ്റ്റീൽ വില 16 ശതമാനം ഉയർന്ന് ടണ്ണിന് 200,000 രൂപ കവിഞ്ഞു, ഇത് വാഹന ബോഡി പാർട്‌സുകളുടെയും മറ്റ് ഘടകങ്ങളുടെയും വില വർദ്ധിപ്പിച്ചു.

ലോഹങ്ങൾക്ക് വില കൂടി

സ്റ്റീൽ ഉൽപാദനത്തിൽ ഉപയോഗിക്കുന്ന കോക്കിംഗ് കൽക്കരിയുടെ വില 31 ശതമാനം ഉയർന്നു. അലുമിനിയം (27 ശതമാനം), ചെമ്പ് (28 ശതമാനം) എന്നിവയുടെ വില ഏകദേശം മൂന്നിലൊന്നായി ഉയർന്നു. വാഹന ഇന്റീരിയറുകളിലും പാർട്സുകളിലും ഉപയോഗിക്കുന്ന പ്ലാസ്റ്റിക്കുകളുടെ വില കൂടുതൽ കുത്തനെ ഉയർന്നു. പോളിപ്രൊഫൈലിൻ പോലുള്ള തെർമോപ്ലാസ്റ്റിക്കുകൾ 34 ശതമാനം വർദ്ധിച്ച് കിലോയ്ക്ക് 136.2 രൂപ ആയി (കഴിഞ്ഞ വർഷം 102 രൂപയിൽ നിന്ന്), പോളികാർബണേറ്റ് ഒമ്പത് ശതമാനം ഉയർന്ന് കിലോയ്ക്ക് 227 ശതമാനം ആയി.

വാഹന മലിനീകരണ നിയന്ത്രണ സംവിധാനങ്ങളിൽ ഉപയോഗിക്കുന്ന വിലയേറിയ ലോഹങ്ങളുടെ വിലയും കുതിച്ചുയർന്നു. പ്ലാറ്റിനം ഗ്രാമിന് 124 ശതമാനം ഉയർന്ന് 6,196 രൂപ ആയി, റോഡിയം ഗ്രാമിന് 121 ശതമാനം ഉയർന്ന് 33,000 രൂപയിൽ അധികമായി, പല്ലേഡിയം ഗ്രാമിന് 74 ശതമാനം ഉയർന്ന് 4,712 രൂപ ആയി. ഇത് കാറുകളിലെ എമിഷൻ നിയന്ത്രണ ഉപകരണങ്ങളുടെ വില ഗണ്യമായി വർദ്ധിപ്പിച്ചു.

രൂപയുടെ ദുർബലത

 കൂടുതൽ ബുദ്ധിമുട്ടുകൾ വർദ്ധിപ്പിക്കും വില വർധനവ് ആവശ്യകതയെ ഉടനടി ബാധിക്കില്ലെന്നാണ് വിദഗ്ധരുടെ അഭിപ്രായം, പക്ഷേ സമ്മർദ്ദം തുടർന്നാൽ ആളുകൾ കാർ വാങ്ങുന്നത് വൈകിപ്പിച്ചേക്കാം. ലോഹം, പോളിമർ, വിലയേറിയ ലോഹങ്ങൾ എന്നിവയുടെ വിലയിലെ വർദ്ധനവ് കാർ നിർമ്മാതാക്കളുടെ ലാഭം കുറയ്ക്കുന്നു എന്നാണ് റിപ്പോർട്ടുകൾ. രൂപയുടെ ദുർബലത പ്രശ്നം കൂടുതൽ വഷളാക്കി, കമ്പനികൾ അവരുടെ ലാഭം സംരക്ഷിക്കാൻ വാഹന വില ഉയർത്താൻ നിർബന്ധിതരായി.

മൊത്തം ഇൻപുട്ട് ചെലവിന്റെ 50 മുതൽ 60 ശതമാനം വരെ ഉരുക്ക്

 മൂല്യ ശൃംഖലയിലുടനീളം ഇതിന്റെ ആഘാതം വ്യക്തമായി കാണാമെന്ന് വ്യവസായ വിദഗ്ധർ പറയുന്നു. ഒരു വാഹനത്തിന്റെ മൊത്തം ഇൻപുട്ട് ചെലവിന്റെ 50 മുതൽ 60 ശതമാനം വരെ സ്റ്റീൽ മാത്രമാണ് വഹിക്കുന്നതെന്നും ആണ് റിപ്പോർട്ടുകൾ.