ജീപ്പ് കോംപസ് അഞ്ചാം വാർഷിക പതിപ്പ് എത്തി
Synopsis
ജീപ്പ് കോംപസ് അഞ്ചാം വാർഷിക പതിപ്പ് 1.4 എൽ മൾട്ടിഎയർ പെട്രോൾ, 2.0 എൽ മൾട്ടിജെറ്റ് ഡീസൽ എഞ്ചിനുകളിൽ ലഭ്യമാണ്. ഡിസിടി ഓട്ടോമാറ്റിക് ഗിയർബോക്സോട് കൂടിയ പെട്രോൾ പതിപ്പിന് 25.24 ലക്ഷം രൂപയാണ് വില.
ഐക്കണിക്ക് അമേരിക്കന് വാഹന ബ്രാന്ഡായ ജീപ്പ് ജനപ്രിയ മോഡലായ കോംപസ് എസ്യുവിയുടെ അഞ്ചാം വാർഷികം ആഘോഷിക്കുന്നതിന്റെ ഭാഗമായിഒരു പ്രത്യേക വാർഷിക പതിപ്പ് അവതരിപ്പിച്ചു. ജീപ്പ് കോംപസ് അഞ്ചാം വാർഷിക പതിപ്പ് 1.4 എൽ മൾട്ടിഎയർ പെട്രോൾ, 2.0 എൽ മൾട്ടിജെറ്റ് ഡീസൽ എഞ്ചിനുകളിൽ ലഭ്യമാണ്. ഡിസിടി ഓട്ടോമാറ്റിക് ഗിയർബോക്സോട് കൂടിയ പെട്രോൾ പതിപ്പിന് 25.24 ലക്ഷം രൂപയാണ് വില. ഡീസൽ മാനുവൽ, DCT 4X2 വേരിയന്റുകൾക്ക് 24.44 ലക്ഷം രൂപയും ഡീസൽ DCT 4X4 പതിപ്പിന് 28.24 ലക്ഷം രൂപയുമാണ് വില. മേൽപ്പറഞ്ഞ എല്ലാ വിലകളുംഎക്സ്-ഷോറൂം വിലകല് ആണ്.
മഹീന്ദ്ര 'റാഞ്ചിയ' പേരിന് പകരം പുതിയ പേരില് 'ശരിക്കും മുതലാളി' ഉടനെത്തും!
ജീപ്പ് കോംപസ് അഞ്ചാം വാർഷിക പതിപ്പിൽ ചില സൗന്ദര്യവർദ്ധക മെച്ചപ്പെടുത്തലുകൾ വരുത്തിയിട്ടുണ്ട് . പുതിയ അഞ്ചാം വാർഷികം ബാഡ്ജ്, ന്യൂട്രൽ ഗ്രേ റിംഗോടുകൂടിയ പുതിയ ഗ്ലോസ് ബ്ലാക്ക് ഗ്രിൽ, ഗ്രാനൈറ്റ് ക്രിസ്റ്റൽ ഫിനിഷുള്ള 18 ഇഞ്ച് അലോയ് വീലുകൾ എന്നിവ ഇതിൽ ഉൾപ്പെടുന്നു. ബോഡി-കളർ/സാറ്റിൻ ഗ്രാനൈറ്റ് ക്രിസ്റ്റൽ ലോവർ ഫ്രണ്ട് ഫാസിയ, ബോഡി-കളർ ഫെൻഡർ ഫ്ലെയറുകൾ, ബോഡി കളർ സിൽ മോൾഡിംഗും ക്ലാഡിംഗും, ബ്ലാക്ക് ഡേ ലൈറ്റ് ഓപ്പണിംഗ് മോൾഡിംഗുകളും ആക്സന്റ് കളർ റൂഫ് റെയിലുകളും പോലുള്ള സവിശേഷതകൾ സ്റ്റാൻഡേർഡ് മോഡലിൽ നിന്ന് ഇതിനെ കൂടുതൽ വേർതിരിക്കുന്നു. ലൈറ്റ് ടങ്സ്റ്റൺ ആക്സന്റ് സ്റ്റിച്ചിംഗ്, പിയാൻ ബ്ലാക്ക്, ആനോഡൈസ്ഡ് ഗൺ മെറ്റൽ ഇന്റീരിയർ ആക്സന്റുകൾ, ബ്ലാക്ക് ഹെഡ്ലൈനർ എന്നിവയുള്ള ലെതർ സീറ്റുകൾ ജീപ്പ് കോമ്പസ് അഞ്ചാം വാർഷിക പതിപ്പിന്റെ ഇന്റീരിയർ മെച്ചപ്പെടുത്തുന്നു . ഓട്ടോമാറ്റിക് ഡിം റിയർവ്യൂ ഇന്റീരിയർ മിററും ഇതിന് ലഭിക്കുന്നു.
ഇന്ത്യയില് 130 ശതമാനം വളര്ച്ചയുമായി ജീപ്പ്, അമ്പരന്ന് വാഹനലോകം!
മോഡലിൽ മറ്റ് മാറ്റങ്ങളൊന്നും വരുത്തിയിട്ടില്ല. സ്റ്റാൻഡേർഡ് പതിപ്പിന് സമാനമായി, അഞ്ചാം വാർഷിക പതിപ്പിൽ 360 ഡിഗ്രി ക്യാമറ,
ഇലക്ട്രോണിക് സ്റ്റെബിലിറ്റി കൺട്രോൾ, അഡാപ്റ്റീവ് ബ്രേക്ക് ലൈറ്റ്, ഇലക്ട്രോണിക് പാർക്കിംഗ് ബ്രേക്ക്, മൾട്ടിപ്പിൾ എയർബാഗുകൾ, ഇലക്ട്രോണിക് റോൾ മിറ്റിഗേഷൻ, റിവേഴ്സ് പാർക്കിംഗ് സെൻസറുകൾ, ഹിൽ സ്റ്റാർട്ട് അസിസ്റ്റ്, ടയർ പ്രഷർ മോണിറ്ററിംഗ് സിസ്റ്റം എന്നിവയുണ്ട്.
"നിരവധി ഇന്ത്യക്കാരുടെ ഹൃദയത്തിൽ സാഹസികതയും ഓഫ്-റോഡിംഗും പ്രോത്സാഹിപ്പിക്കുന്ന ഒരു ഐക്കണിക് എസ്യുവിയാണ് ജീപ്പ് കോംപസ്. 2017-ൽ ഇവിടെ അരങ്ങേറ്റം കുറിച്ചതു മുതൽ ജീപ്പ് കോമ്പസ് അതിന്റെ രൂപകല്പന, കാര്യക്ഷമത, കഴിവ്, വിശ്വാസ്യത എന്നിവയ്ക്കുവേണ്ടി നേടിയ നിരവധി വ്യതിരിക്തമായ അവാർഡുകളും ബഹുമതികളും ഇതിന് തെളിവാണ്.." ജീപ്പ് ബ്രാൻഡ് ഇന്ത്യയുടെ തലവൻ നിപുൻ ജെ മഹാജൻ പറഞ്ഞു. രാജ്യത്തെ മുൻനിര പ്രീമിയം കോംപാക്റ്റ് എസ്യുവികളായി ജീപ്പ് കോമ്പസ് ഉറച്ചുനിൽക്കുന്നു എന്നുംവാർഷിക പതിപ്പ് തങ്ങളുടെ സെലിബ്രേറ്ററി ഓഫറാണ് എന്നും അത് കഴിവുള്ള ജീപ്പ് കോമ്പസിനെ തനതായ രൂപത്തിൽ സംയോജിപ്പിക്കുന്നു എന്നും അദ്ദേഹം വ്യക്തമാക്കി.
ജീപ്പ് കോംപസ് എന്നാല്
ഇന്ത്യന് വാഹന വിപണിയുടെ മുഖച്ഛായ തന്നെ മാറ്റിക്കൊണ്ട് 2017 ജൂലൈ 31നാണ് അമേരിക്കൻ എസ്യുവി നിർമ്മാതാക്കളായ ജീപ്പ് കോംപസ് എന്ന മോഡലുമായി ഇന്ത്യയില് എത്തിയത്. പൂണെയിലെ രംഞ്ജന്ഗോവന് പ്ലാന്റില് ഏഴുപത് ശതമാനത്തിലേറെ പ്രാദേശികമായാണ് കോംപസിന്റെ നിര്മാണം പൂര്ത്തീകരിച്ചത്. നിരത്തിലിറങ്ങി ചുരുങ്ങിയ കാലത്തിനുള്ളില് ഏറെ ഹിറ്റായി മാറിയ വാഹനമാണ് കോംപസ്. ക്രാഷ് ടെസ്റ്റില് ഉള്പ്പെടെ കിടിലന് പ്രകടനം കാഴ്ച വച്ച കോംപസ് വില്പ്പനയിലും ചരിത്രം സൃഷ്ടിച്ചിരുന്നു.
ഇതാ, ഇന്ത്യയിലെ ഏറ്റവും മികച്ച മൈലേജുള്ള 10 എസ്യുവികൾ
സ്പോര്ട്ട്, സ്പോര്ട്ട് പ്ലസ്, ലോഞ്ചിട്യൂഡ്, ലിമിറ്റഡ്, ലിമിറ്റഡ് പ്ലസ് എന്നീ വേരിയന്റുകളാണ് കോംപസിനുള്ളത്. ഇതിന് പുറമേ കോംപസ് ബെഡ്റോക്ക്, കോംപസ് ബ്ലാക്ക് പാക്ക്, ട്രെയ്ല്ഹോക്ക് തുടങ്ങിയ സ്പെഷ്യല് എഡിഷനുകളും കോംപസിലുണ്ട്. 2021ല് ആദ്യമാണ് വാഹനത്തിന്റെ ബിഎസ്6 പതിപ്പ് നിരത്തിലെത്തിയത്. വാഹനത്തില് മെക്കാനിക്കൽ മാറ്റങ്ങളൊന്നും വരുത്തിയില്ല. എന്നാൽ നിരവധി ഫീച്ചർ കൂട്ടിച്ചേർക്കലുകളും പ്രധാന സൗന്ദര്യവർദ്ധക മാറ്റങ്ങളും ഉണ്ടായിരുന്നു. കോംപസിന്റെ എക്സ്ഷോറൂം വില ആരംഭിക്കുന്നത് 18.04 ലക്ഷം രൂപ മുതല് 29.59 ലക്ഷം രൂപ വരെയാണ്.