11,000 രൂപ ടോക്കൺ അടച്ച് വേഗം ബുക്ക് ചെയ്തോ..! കാത്തിരിപ്പ് അവസാനിപ്പിക്കാം, ഹോണ്ട എസ്‌യുവിയുടെ വില ഉടൻ അറിയാം

പുതിയ എലിവേറ്റിന്റെ വേരിയന്റ് വിശദാംശങ്ങൾ ഹോണ്ട വെളിപ്പെടുത്തിയിട്ടില്ല. എങ്കിലും, പുതിയ മോഡൽ SV, V, VX, ZX എന്നീ 4 ട്രിം ലെവലുകളിൽ വിശാലമായി ലഭ്യമാകുമെന്ന് ചോർന്ന ബ്രോഷർ വെളിപ്പെടുത്തുന്നു

ഏറെ പ്രതീക്ഷയോടെ കാത്തിരിക്കുന്ന എലിവേറ്റ് മിഡ്-സൈസ് എസ്‌യുവിയുടെ വില 2023 സെപ്റ്റംബറിൽ പ്രഖ്യാപിക്കുമെന്ന് ഹോണ്ട പ്രഖ്യാപിച്ചു. ലോഞ്ചിന് മുന്നോടിയായി പുതിയ ഹോണ്ട എലിവേറ്റ് എസ്‌യുവി ഉപഭോക്തൃ പ്രിവ്യൂവിനായി ഡീലർഷിപ്പുകളിൽ എത്തിത്തുടങ്ങി എന്നാണ് പുതിയ റിപ്പോര്‍ട്ടുകള്‍. ഡീലർഷിപ്പുകളിലുടനീളം പുതിയ എസ്‌യുവിയുടെ ടെസ്റ്റ് ഡ്രൈവുകളും ആരംഭിച്ചിട്ടുണ്ട്. താൽപ്പര്യമുള്ള ഉപഭോക്താക്കൾക്ക് 11,000 രൂപ ടോക്കൺ തുക നൽകി ഓൺലൈനിലോ അംഗീകൃത ഡീലർഷിപ്പുകളിലോ പുതിയ എലിവേറ്റ് ബുക്ക് ചെയ്യാം.

പുതിയ എലിവേറ്റിന്റെ വേരിയന്റ് വിശദാംശങ്ങൾ ഹോണ്ട വെളിപ്പെടുത്തിയിട്ടില്ല. എങ്കിലും, പുതിയ മോഡൽ SV, V, VX, ZX എന്നീ 4 ട്രിം ലെവലുകളിൽ വിശാലമായി ലഭ്യമാകുമെന്ന് ചോർന്ന ബ്രോഷർ വെളിപ്പെടുത്തുന്നു. അടിസ്ഥാന വേരിയന്റിൽ നിന്ന് എൽഇഡി പ്രൊജക്ടർ ഹെഡ്‌ലാമ്പുകളും എൽഇഡി ടെയിൽ ലാമ്പുകളും പുഷ് ബട്ടൺ സ്റ്റാർട്ട്-സ്റ്റോപ്പും ഓട്ടോമാറ്റിക് എസിയും സ്റ്റാൻഡേർഡായി ഹോണ്ട നൽകുന്നു. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, മൾട്ടി-ഫങ്ഷണൽ സ്റ്റിയറിംഗ് വീൽ, കണക്റ്റഡ് കാർ ടെക്, റിവേഴ്‌സിംഗ് ക്യാമറ എന്നിവയുള്ള 8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീനാണ് V വേരിയന്റിന് ലഭിക്കുന്നത്.

ലെയ്ൻ വാച്ച് ക്യാമറ, 17-ഇഞ്ച് ഡ്യുവൽ-ടോൺ അലോയ്, സിംഗിൾ-പേൻ സൺറൂഫ്, 7-ഇഞ്ച് സെമി-ഡിജിറ്റൽ ഇൻസ്ട്രുമെന്റ് കൺസോൾ, എൽഇഡി പ്രൊജക്ടർ ഫോഗ് ലാമ്പുകൾ, ഓട്ടോ-ഫോൾഡിംഗ് ORVM-കൾ, വയർലെസ് ഫോൺ ചാർജിംഗ്, 6- എന്നിവ എലിവേറ്റിന്റെ VX ട്രിമ്മിൽ സജ്ജീകരിച്ചിരിക്കുന്നു. ടോപ്പ്-സ്പെക്ക് ZX ട്രിമ്മിൽ എഡിഎഎസ്, വലിയ 10.25-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീൻ, 8-സ്പീക്കർ സൗണ്ട് സിസ്റ്റം, 6 എയർബാഗുകൾ, ക്രോം ചെയ്ത ഡോർ ഹാൻഡിലുകൾ, ലെതറെറ്റ് അപ്‌ഹോൾസ്റ്ററി, ഓട്ടോ-ഡിമ്മിംഗ് ഐആര്‍വിഎം എന്നിവ ലഭിക്കുന്നു.

121 bhp കരുത്തും 145 Nm ടോര്‍ക്കും ഉത്പാദിപ്പിക്കുന്ന 1.5 ലിറ്റർ 4-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് പുതിയ എലിവേറ്റിന് കരുത്തേകുന്നത്. ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവലും 7-സ്പീഡ് സിവിടി ഓട്ടോമാറ്റിക്കും ഉൾപ്പെടുന്നു. എസ്‌യുവിയുടെ ഹൈബ്രിഡ് പതിപ്പ് ഹോണ്ട അവതരിപ്പിക്കില്ല. അതേസമയം 2025-ഓടെ ഒരു ഓൾ-ഇലക്‌ട്രിക് മോഡൽ അവതരിപ്പിക്കും. എലിവേറ്റിന്റെ മാനുവൽ പതിപ്പ് 15.31kmpl മൈലേജ് നൽകുമ്പോൾ, ഓട്ടോമാറ്റിക് മോഡൽ 16.92kmpl എന്ന സർട്ടിഫൈഡ് ഇന്ധനക്ഷമത നൽകുന്നുവെന്ന് കമ്പനി പറയുന്നു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം