2022 ജനുവരി മുതൽ മാർച്ച് വരെ രാജ്യത്ത് ഏറ്റവും കൂടുതൽ വിറ്റഴിയുന്ന അഞ്ച് മോഡലുകളെക്കുറിച്ച് കൂടുതല്‍ അറിയാം
2021-22 സാമ്പത്തിക വർഷം (FY'21-22) അവസാനിച്ചപ്പോള്‍ രാജ്യത്തെ വാഹന വിപണയില്‍ കുറച്ച് കാർ മോഡലുകൾ വിൽപ്പനയിൽ മികച്ച വളർച്ച രേഖപ്പെടുത്തി. ഇത് വാഹന വിപണയില്‍ വരാനിരിക്കുന്ന മികച്ച നാളുകളെ സൂചിപ്പിക്കുന്നു. 2021-2022 സാമ്പത്തിക വർഷത്തിന്റെ നാലാം പാദത്തിൽ ഇന്ത്യയിൽ വിറ്റഴിച്ച മികച്ച അഞ്ച് കാറുകൾ ബജറ്റ് ഹാച്ച്ബാക്കുകൾ മുതൽ ഒരു കോംപാക്റ്റ് എസ്യുവി വരെയാണ്. 2022 ജനുവരി മുതൽ മാർച്ച് വരെ രാജ്യത്ത് ഏറ്റവും കൂടുതൽ വിറ്റഴിയുന്ന അഞ്ച് മോഡലുകളെക്കുറിച്ച് കൂടുതല്‍ അറിയാം.
നെഞ്ചാകെ സ്വിഫ്റ്റല്ലേ എന്ന് ജനം, തോല്‍പ്പിക്കാനാകില്ല മക്കളേ എന്ന് എതിരാളികളോട് മാരുതി!
മാരുതി സുസുക്കി വാഗൺ ആർ
സിഎൻജി ഓപ്ഷൻ തേടുന്ന കാർ വാങ്ങുന്നവർക്കിടയിൽ വാഗൺ ആർ എപ്പോഴും ഒരു ജനപ്രിയ ചോയിസാണ്. രാജ്യത്ത് ഇന്ധനവില തുടർച്ചയായി വർധിച്ചതോടെ കഴിഞ്ഞ പാദത്തിൽ രാജ്യത്ത് ഏറ്റവുമധികം വിറ്റഴിക്കപ്പെടുന്ന വാഹനമായി വാഗൺ ആർ ഉയർന്നു. 2021 ലെ ഇതേ കാലയളവിൽ 54,650 യൂണിറ്റ് വിൽപ്പനയുമായി താരതമ്യം ചെയ്യുമ്പോൾ ഹാച്ച്ബാക്ക് 59,637 യൂണിറ്റ് വിൽപ്പന രേഖപ്പെടുത്തി, അതുവഴി ഒമ്പത് ശതമാനം വളർച്ച രേഖപ്പെടുത്തി. കമ്പനി അടുത്തിടെ രാജ്യത്ത് 2022 വാഗൺ ആർ പുറത്തിറക്കി.
മാരുതി സുസുക്കി സ്വിഫ്റ്റ്
മാരുതി സുസുക്കി സ്വിഫ്റ്റിന്റെ എല്ലാ തലമുറകളും രാജ്യത്തെ കാർ വാങ്ങുന്നവർക്കിടയിൽ ഒരു ജനപ്രിയ ചോയിസാണ്. 12 ശതമാനം ഇടിവുണ്ടായെങ്കിലും രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന രണ്ടാമത്തെ മോഡലായി സ്വിഫ്റ്റ് ഉയർന്നു. അർദ്ധചാലകങ്ങളുടെ വിതരണത്തിലെ ദൗർലഭ്യമാണ് വിൽപ്പനയിലെ ഇടിവിന് കാരണം. കഴിഞ്ഞ വർഷം ഇതേ കാലയളവിലെ 59,158 യൂണിറ്റ് വിൽപ്പനയുമായി താരതമ്യം ചെയ്യുമ്പോൾ 21-22 സാമ്പത്തിക വർഷത്തിലെ നാലാം പാദത്തിൽ 51,933 യൂണിറ്റുകൾ വിറ്റു.
Ertiga Facelift : 8.35 ലക്ഷം രൂപയ്ക്ക് മാരുതി സുസുക്കി എർട്ടിഗ ഫെയ്‌സ്‌ലിഫ്റ്റ് പുറത്തിറക്കി
മാരുതി സുസുക്കി ഡിസയർ
ഈ പട്ടികയിലെ മൂന്നാമത്തെ മാരുതി സുസുക്കി മോഡൽ ഇതാ. ഡിസയർ കോംപാക്ട് സെഡാൻ കഴിഞ്ഞ വർഷം ഇതേ കാലയളവിലെ 38,460 യൂണിറ്റ് വിൽപ്പനയെ അപേക്ഷിച്ച് 51,028 യൂണിറ്റ് വിൽപ്പനയുമായി 33 ശതമാനം വളർച്ച രേഖപ്പെടുത്തി. നേരത്തെ മാർച്ചിൽ, ഡിസയർ സിഎൻജി അവതരിപ്പിച്ചിരുന്നു, ഇത് അതിന്റെ ശക്തമായ വോളിയത്തിന് പിന്നിലെ ഒരു കാരണമാണ്.
ടാറ്റ നെക്സോൺ
ഈ ലിസ്റ്റിലെ ഒരേയൊരു മാരുതി സുസുക്കി ഇതര മോഡലാണ് നെക്സോൺ. കഴിഞ്ഞ പാദത്തിൽ ഇന്ത്യയിൽ ടാറ്റ മോട്ടോഴ്‌സിന്റെ ബെസ്റ്റ് സെല്ലറാണ് നെക്സോൺ എന്നതിന് പുറമെ , രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന നാലാമത്തെ മോഡൽ കൂടിയാണ് കോംപാക്റ്റ് എസ്യുവി. കഴിഞ്ഞ വർഷം ഇതേ കാലയളവിലെ 24,837 യൂണിറ്റ് വിൽപ്പനയുമായി താരതമ്യം ചെയ്യുമ്പോൾ 22 സാമ്പത്തിക വർഷത്തിന്റെ നാലാം പാദത്തിൽ 40,390 യൂണിറ്റ് വിൽപ്പനയുമായി ടാറ്റ നെക്സോൺ 63 ശതമാനം വളർച്ച രേഖപ്പെടുത്തി. നെക്സോൺ ഇവി മൊത്തത്തിലുള്ള വിൽപ്പനയിൽ ശക്തമായ സംഭാവന നൽകുന്നതും ആരോഗ്യകരമായ പ്രതിമാസം വളർച്ച രേഖപ്പെടുത്തുന്നതുമാണ്.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
മാരുതി സുസുക്കി ബലേനോ
വിൽപനയിൽ 42 ശതമാനം ഇടിവുണ്ടായെങ്കിലും ആദ്യ അഞ്ച് റാങ്കുകളിൽ ഇടം നേടാൻ ബലെനോയ്ക്ക് കഴിഞ്ഞു. 2022 ജനുവരി മുതൽ മാർച്ച് വരെ കമ്പനി 33,881 യൂണിറ്റ് ബലെനോകള്‍ രാജ്യത്ത് വിറ്റു. 2021 ലെ ഇതേ കാലയളവില്‍ 57,937 യൂണിറ്റായിരുന്നു വിൽപ്പന. 2022 ബലെനോയുടെ ലോഞ്ചിനു മുന്നോടിയായി ആസൂത്രണം ചെയ്‍ത സ്റ്റോക്ക് തിരുത്തൽ പ്രവർത്തനമാണ് ഈ കുറഞ്ഞ സംഖ്യയ്ക്ക് കാരണം. ഫെബ്രുവരി 23 നാണ് പുതുക്കിയ മോഡൽ രാജ്യത്ത് അവതരിപ്പിച്ചത്.
Source : Car Wale
സുരക്ഷ ഉറപ്പാക്കാന്‍ മാരുതി, ഈ കാറുകള്‍ക്ക് ഇനി ഇരട്ട എയര്‍ബാഗുകള്‍ ഉറപ്പ്!