കീശ ചോരാതെ വാങ്ങാം, വില 10 ലക്ഷത്തില്‍ താഴെ; ഈ ജനപ്രിയ കാറുകള്‍ ഉടനെത്തും!

ഒരു പുതിയ കാർ വാങ്ങാൻ നിങ്ങൾ പദ്ധതിയിടുകയാണെങ്കിൽ, അടുത്ത രണ്ട് വർഷത്തിനുള്ളിൽ ഇന്ത്യയിൽ അവതരിപ്പിക്കാൻ ഉദ്ദേശിക്കുന്ന 10 ലക്ഷത്തിൽ താഴെ വിലയുള്ള കാറുകളുടെ ഒരു പട്ടിക ഇതാ. 

പത്ത് ലക്ഷം രൂപയില്‍ താഴെ വിലയുള്ള ഫോർ വീലർ വിപണി ഇന്ത്യയിലെ ഏറ്റവും ജനപ്രിയമായ വാഹന സെഗ്‌മെന്റുകളിലൊന്നാണ്. ഏറ്റവും കൂടുതൽ വിറ്റഴിക്കപ്പെടുന്ന ചില മോഡലുകൾ ഈ വിൽപ്പനയുടെ വലിയൊരു പങ്ക് വഹിക്കുന്നു. ഹോണ്ട സിറ്റി, മാരുതി വിറ്റാര ബ്രെസ തുടങ്ങിയ മോഡലുകളാണ് ഈ വിഭാഹം ഭരിക്കുന്നത്. ഈ വർഷം തന്നെ ഏറെ പ്രതീക്ഷയോടെ കാത്തിരിക്കുന്ന ചില വാഹനങ്ങളുടെ ലോഞ്ച് നമ്മള കണ്ടുകഴിഞ്ഞു. അടുത്ത രണ്ട് വർഷങ്ങളിൽ ഇനിയും ഒരുപാട് മോഡലുകള്‍ വരാനിരിപ്പുണ്ട്. ഒരു പുതിയ കാർ വാങ്ങാൻ നിങ്ങൾ പദ്ധതിയിടുകയാണെങ്കിൽ, അടുത്ത രണ്ട് വർഷത്തിനുള്ളിൽ ഇന്ത്യയിൽ അവതരിപ്പിക്കാൻ ഉദ്ദേശിക്കുന്ന 10 ലക്ഷത്തിൽ താഴെ വിലയുള്ള കാറുകളുടെ ഒരു പട്ടിക ഇതാ. 

1. പുതിയ മാരുതി സ്വിഫ്റ്റ്
2022 ഡിസംബറിൽ ആഗോളതലത്തിൽ അരങ്ങേറ്റം കുറിക്കുമെന്ന് പ്രതീക്ഷിക്കുന്ന അടുത്ത തലമുറ സ്വിഫ്റ്റ് ഹാച്ച്ബാക്ക് സുസുക്കി പരീക്ഷിക്കാൻ തുടങ്ങി. 2023 ജനുവരിയിൽ നടക്കുന്ന ദില്ലി ഓട്ടോ എക്‌സ്‌പോയിൽ അടുത്ത തലമുറ സ്വിഫ്റ്റ് ഹാച്ച്ബാക്ക് ഇന്ത്യയിൽ അരങ്ങേറും എന്നാണ് റിപ്പോര്‍ട്ടുകള്‍. ഇതിന് കാര്യമായ ഡിസൈൻ മാറ്റങ്ങളും നവീകരിച്ച ക്യാബിനും ലഭിക്കും. പുതിയ ബലേനോ ഹാച്ച്‌ബാക്കിന് അടിവരയിടുന്ന പരിഷ്‌ക്കരിച്ചതും ശക്തവുമായ HEARTECT പ്ലാറ്റ്‌ഫോമിനെ അടിസ്ഥാനമാക്കിയായിരിക്കും പുതിയ മോഡൽ. മൈൽഡ് ഹൈബ്രിഡ് സാങ്കേതികവിദ്യയുള്ള 1.2L NA പെട്രോൾ എഞ്ചിനും 1.2L NA പെട്രോൾ എഞ്ചിനും ഇത് വാഗ്ദാനം ചെയ്യും. മാനുവൽ, എഎംടി ഗിയർബോക്സുകൾ ഓഫറിൽ ലഭിക്കും.

പ്രതീക്ഷിക്കുന്ന വില – 6 ലക്ഷം മുതൽ 10 ലക്ഷം വരെ
പ്രതീക്ഷിക്കുന്ന ലോഞ്ച് – 2023
എഞ്ചിൻ ഓപ്ഷനുകൾ – 1.2L NA പെട്രോൾ

2. ഹ്യൂണ്ടായ് ഗ്രാൻഡ് ഐ10 നിയോസ് ഫെയ്‌സ്‌ലിഫ്റ്റ്
10 ലക്ഷത്തിൽ താഴെയുള്ള വിലയുള്ള വരാനിരിക്കുന്ന കാറുകളുടെ പട്ടികയിലെ അടുത്ത മോഡൽ ഹ്യൂണ്ടായ് ഗ്രാൻഡ് i10 നിയോസ് ഫെയ്‌സ്‌ലിഫ്റ്റാണ്. ഇത് ഇതിനകം തന്നെ ഇന്ത്യയിൽ പരീക്ഷണം നടത്തിക്കഴിഞ്ഞു. പുതുക്കിയ ഫ്രണ്ട് ഗ്രിൽ, പുതുക്കിയ ഹെഡ്‌ലാമ്പ് സജ്ജീകരണം, ടെയിൽ-ലൈറ്റുകൾ, പുതുക്കിയ ബമ്പറുകൾ, പുതിയ അലോയി വീലുകൾ എന്നിവയുടെ രൂപത്തിൽ പരിഷ്‌കരിച്ച മോഡലിന് സൂക്ഷ്‍മമായ ഡിസൈൻ മാറ്റങ്ങൾ ലഭിക്കും. i10 നിയോസ് ഫെയ്‌സ്‌ലിഫ്റ്റിന്റെ ഇന്റീരിയറിന് വിപുലമായ കണക്റ്റിവിറ്റി സവിശേഷതകളും പുതിയ കളർ സ്കീമും ലഭിക്കും. നിലവിലെ അതേ 83bhp, 1.2L NA പെട്രോൾ, 110bhp, 1.0L ടർബോ പെട്രോൾ എഞ്ചിൻ എന്നിവയിൽ ഇത് നൽകുമെന്ന് പ്രതീക്ഷിക്കുന്നു. ഹാച്ച്ബാക്കിന് സിഎൻജി ഇന്ധന ഓപ്ഷനും ലഭിക്കും.

പ്രതീക്ഷിക്കുന്ന വില - 5.8 ലക്ഷം മുതൽ 9 ലക്ഷം വരെ
പ്രതീക്ഷിക്കുന്ന ലോഞ്ച് - 2022-23
എഞ്ചിൻ ഓപ്ഷനുകൾ - 1.2 ലിറ്റർ പെട്രോൾ, 1.0 ലിറ്റർ ടർബോ പെട്രോൾ

3. ഹോണ്ട കോംപാക്ട് എസ്‌യുവി
ജാപ്പനീസ് വാഹന നിർമ്മാതാക്കളായ ഹോണ്ട, 2023-ൽ ഇന്ത്യൻ വിപണിയിൽ ഒരു പുതിയ കോംപാക്റ്റ് എസ്‌യുവി അവതരിപ്പിക്കുമെന്ന് ഔദ്യോഗികമായി പ്രഖ്യാപിച്ചു. ജനുവരിയിൽ നടക്കുന്ന ഓട്ടോ എക്‌സ്‌പോ 2023-ൽ പുതിയ മോഡൽ അരങ്ങേറ്റം കുറിക്കും. അതേസമയം ലോഞ്ച് അടുത്ത വർഷം പകുതിയോടെ നടക്കുമെന്നാണ് റിപ്പോർട്ടുകള്‍. സിറ്റി പ്ലാറ്റ്‌ഫോമുമായി പൊതുവായ കാര്യങ്ങൾ പങ്കിടുന്ന, പരിഷ്‌ക്കരിച്ച അമേസിന്റെ പ്ലാറ്റ്‌ഫോമിലാണ് ഇത് രൂപകൽപ്പന ചെയ്‌ത് വികസിപ്പിക്കുന്നത്. 2022 GIIAS-ൽ അരങ്ങേറിയ ഹോണ്ട RS എസ്‌യുവി കൺസെപ്റ്റിൽ നിന്ന് പുതിയ മോഡൽ സ്റ്റൈലിംഗ് സൂചനകൾ ലഭിക്കും. 1.5L i-VTEC പെട്രോൾ അല്ലെങ്കിൽ e-HEV ഹൈബ്രിഡ് സാങ്കേതികവിദ്യയുള്ള 1.5L അറ്റ്കിൻസൺ സൈക്കിൾ എഞ്ചിൻ എന്നിങ്ങനെ രണ്ട് എഞ്ചിൻ ഓപ്ഷനുകളിൽ ഇത് വാഗ്ദാനം ചെയ്യപ്പെടുമെന്ന് പ്രതീക്ഷിക്കുന്നു - 

പ്രതീക്ഷിക്കുന്ന വില – 8 ലക്ഷം മുതൽ 13 ലക്ഷം വരെ
പ്രതീക്ഷിക്കുന്ന ലോഞ്ച് – 2023
എഞ്ചിൻ ഓപ്ഷനുകൾ – 1.5L പെട്രോൾ, 1.5L പെട്രോൾ e:HEV

4. ടൊയോട്ട ക്രോസ്ഓവർ
ബലെനോ ക്രോസ് അധിഷ്ഠിത ക്രോസ്ഓവറും ടൊയോട്ട ഇന്ത്യൻ വിപണിയിൽ അവതരിപ്പിക്കും. ഈ മോഡല്‍ ടൊയോട്ട ടെയ്‌സർ എന്ന് വിളിക്കപ്പെടും എന്നാണ് അഭ്യൂഹങ്ങൾ. പുതിയ ക്രോസ്ഓവർ അടുത്ത വർഷം ആദ്യം പുറത്തിറക്കുമെന്ന് പ്രതീക്ഷിക്കുന്നു. ഫ്രണ്ട് ഗ്രിൽ, ഹെഡ്‌ലാമ്പ് സജ്ജീകരണം, ടെയിൽഗേറ്റ് ഡിസൈൻ എന്നിവ ഉൾപ്പെടെയുള്ള ചില ഡിസൈൻ സൂചനകൾ പുതിയ മോഡൽ യാരിസ് ക്രോസുമായി പങ്കിടുമെന്ന് പ്രതീക്ഷിക്കുന്നു. ടൊയോട്ട ക്രോസ്ഓവർ ഗ്ലാൻസ ഹാച്ച്ബാക്കുമായി ക്യാബിൻ സവിശേഷതകൾ പങ്കിടും. ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് കണക്റ്റിവിറ്റി, ഓട്ടോമാറ്റിക് എസി, ഹെഡ്-അപ്പ് ഡിസ്‌പ്ലേ അല്ലെങ്കിൽ എച്ച്‌യുഡി തുടങ്ങിയ സവിശേഷതകളോടെയാണ് ഇത് വരുന്നത്. ബലേനോ ക്രോസുമായി ക്രോസ്ഓവർ 1.0L ബൂസ്റ്റർജെറ്റ് പെട്രോളും 1.2L ഡ്യുവൽജെറ്റ് പെട്രോൾ എഞ്ചിനും പങ്കിടും.

പ്രതീക്ഷിക്കുന്ന വില - 7 ലക്ഷം മുതൽ 11 ലക്ഷം വരെ
പ്രതീക്ഷിക്കുന്ന ലോഞ്ച് - 2023
എഞ്ചിൻ ഓപ്ഷനുകൾ - 1.2 എൽ പെട്രോൾ, 1.0 എൽ ബൂസ്റ്റർജെറ്റ് ടർബോ പെട്രോൾ

5. മാരുതി ബലേനോ ക്രോസ്
മാരുതി സുസുക്കി അടുത്ത വർഷം ആദ്യം ഇന്ത്യൻ വിപണിയിൽ ഒരു പുതിയ ക്രോസ്ഓവർ അവതരിപ്പിക്കും. മിക്കവാറും 2023 ഫെബ്രുവരിയിൽ. പ്രോജക്ട് YTB എന്ന് കോഡുനാമത്തില്‍ വിളിക്കപ്പെടുന്ന ഈ പുതിയ ക്രോസ്ഓവർ ജനുവരിയിൽ നടക്കുന്ന 2023 ഓട്ടോ എക്‌സ്‌പോയിൽ അനാച്ഛാദനം ചെയ്യും. ബലേനോ ഹാച്ച്ബാക്കിന് അടിവരയിടുന്ന സുസുക്കിയുടെ ഭാരം കുറഞ്ഞ ഹാർട്ട്‌ക്റ്റ് പ്ലാറ്റ്‌ഫോമിനെ അടിസ്ഥാനമാക്കിയായിരിക്കും പുതിയ മോഡൽ. NEXA പ്രീമിയം ഡീലർഷിപ്പ് നെറ്റ്‌വർക്ക് വഴിയാണ് ഇത് വിൽക്കുന്നത്. പുതിയ ബലേനോ ക്രോസ് ഹ്യുണ്ടായ് വെന്യു, കിയ സോനെറ്റ്, നിസാൻ മാഗ്നൈറ്റ്, റെനോ കിഗർ എന്നിവയ്‌ക്ക് എതിരാളിയാകും. രണ്ട് എഞ്ചിൻ ഓപ്ഷനുകളോടെയാണ് പുതിയ മോഡൽ വാഗ്ദാനം ചെയ്യുന്നത് - 1.0-ലിറ്റർ ബൂസ്റ്റർജെറ്റ് ടർബോ പെട്രോളും 48V മൈൽഡ് ഹൈബ്രിഡ് SHVS സിസ്റ്റവും ഇന്റഗ്രേറ്റഡ് സ്റ്റാർട്ടർ ജനറേറ്ററും 1.2 ലിറ്റർ ഡ്യുവൽജെറ്റ് പെട്രോൾ എഞ്ചിനും. മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷനുകൾ ഓഫറിൽ ലഭിക്കും.

പ്രതീക്ഷിക്കുന്ന വില - 7 ലക്ഷം മുതൽ 11 ലക്ഷം വരെ
പ്രതീക്ഷിക്കുന്ന ലോഞ്ച് - 2023
എഞ്ചിൻ ഓപ്ഷനുകൾ - 1.2 എൽ പെട്രോൾ, 1.0 എൽ ബൂസ്റ്റർജെറ്റ് ടർബോ പെട്രോൾ