ജിഎസ്‍ടി തുണച്ചു, ഥാർ പ്രേമികൾക്ക് കോളടിച്ചു! മഹീന്ദ്ര ഥാറിന്‍റെ ഈ വേരിയന്‍റിന് ലക്ഷങ്ങൾ വിലക്കുറവ്

പുതിയ ജിഎസ്ടി പരിഷ്കരണത്തെത്തുടർന്ന് മഹീന്ദ്ര ഥാറിന്റെ വിലയിൽ ഗണ്യമായ കുറവ്. 4WD വേരിയന്റുകൾക്ക് 5.75% വരെയും 1.5L RWD മാനുവൽ വേരിയന്റുകൾക്ക് 10.3% വരെയും കുറവ്.

കേന്ദ്ര സർക്കാരിന്‍റെ ജിഎസ്‍ടി പരിഷ്‍കരണത്തിന്റെ ഫലം ഇപ്പോൾ ഓട്ടോമൊബൈൽ മേഖലയിൽ വ്യക്തമായി കാണാൻ തുടങ്ങിയിരിക്കുന്നു. ഇതിന്‍റെ ഫലമായി ജനപ്രിയ എസ്‍യുവിയായ മഹീന്ദ്ര ഥാറും മുമ്പത്തേക്കാൾ താങ്ങാനാവുന്ന വിലയിൽ എത്തിയിരിക്കുന്നു. 2025 സെപ്റ്റംബർ 22 മുതൽ ബാധകമായ പുതിയ നിരക്കുകൾ ഔദ്യോഗികമായി സ്വീകരിച്ചുകൊണ്ട് കമ്പനി ഇതിനകം തന്നെ പുതിയ വിലകളിൽ ഥാറിനെ ലഭ്യമാക്കാൻ തുടങ്ങിയിട്ടുണ്ട്. ഏതൊക്കെ ഥാർ വേരിയന്റുകളിൽ എത്ര കുറവ് വരുത്തിയെന്നും പഴയതും പുതിയതുമായ വിലകൾ തമ്മിലുള്ള വ്യത്യാസം എന്താണെന്നും പരിശോധിക്കാം.

പുതിയ ജിഎസ്ടി പരിഷ്കരണത്തിന് കീഴിൽ, 4WD വേരിയന്റുകൾക്ക് ഏകദേശം 5.4 ശതമാനും മുതൽ 5.75 ശതമാനം കുറവ് ഉണ്ടായിട്ടുണ്ട്. അതേസമയം, 1.5L RWD മാനുവൽ വേരിയന്റുകൾക്ക് ഏറ്റവും വലിയ നേട്ടം ലഭിച്ചു. അതിന്റെ വില ഏകദേശം 10.3 ശതമാനം കുറഞ്ഞു. മൊത്തത്തിൽ, ഥാറിന്റെ വിലയിൽ 1.35 ലക്ഷം വരെ കുറവ് കാണുന്നു. മഹീന്ദ്ര ഥാർ റോക്‌സിന്റെയും മഹീന്ദ്ര ഥാറിന്റെയും വേരിയന്റ് തിരിച്ചുള്ള വിലകൾ പരിശോധിക്കാം.

മഹീന്ദ്ര ഥാർ പഴയതും പുതിയതുമായ വില താരതമ്യം

1.5 ലിറ്റർ ടർബോ ഡീസൽ-മാനുവൽ 2WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

AX (O) ഹാർഡ് ടോപ്പ് 11,50,001 രൂപ -1,18,300 രൂപ 10,31,701 രൂപ -10.29%

എൽഎക്സ് ഹാർഡ് ടോപ്പ് 13,16,000 രൂപ -1,35,400 രൂപ 11,80,600 രൂപ -10.29%

2.2L ടർബോ ഡീസൽ-മാനുവൽ 4WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

എൽഎക്സ് 4WD ഹാർഡ് ടോപ്പ് 16,12,000 രൂപ - 86,900 രൂപ 15,25,100 രൂപ -5.39%

2.2L ടർബോ ഡീസൽ-ഓട്ടോ (TC) 4WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

എൽഎക്സ് 4WD ഹാർഡ് ടോപ്പ് 17,62,000 രൂപ -1,01,400 രൂപ 16,60,600 രൂപ -5.75%

2.0L ടർബോ പെട്രോൾ-മാനുവൽ 4WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

എൽഎക്സ് 4WD ഹാർഡ് ടോപ്പ് 15,20,000 രൂപ -83,100 രൂപ 14,36,900 രൂപ -5.47%

2.0L ടർബോ പെട്രോൾ-ഓട്ടോ (TC) 2WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

എൽഎക്സ് 2ഡബ്ല്യുഡി ഹാർഡ് ടോപ്പ് 14,42,000 രൂപ -81,400 രൂപ 13,60,600 രൂപ -5.64%

2.0L ടർബോ പെട്രോൾ-ഓട്ടോ (TC) 4WD

വകഭേദങ്ങൾ നിലവിലെ വില -വ്യത്യാസം -പുതിയ വില - കുറവ് ശതമാനത്തിൽ എന്ന ക്രമത്തിൽ

എൽഎക്സ് 4WD ഹാർഡ് ടോപ്പ് 16,80,000 രൂപ -96,300 രൂപ 15,83,700 രൂപ -5.73%

ആദ്യമായി ഥാർ വാങ്ങുന്നവർക്ക് ഇതൊരു സുവർണ്ണാവസരമാണ്. കാരണം 1.5L RWD വേരിയന്റുകൾ ഇപ്പോൾ കൂടുതൽ ബജറ്റ് സൗഹൃദമായി മാറിയിരിക്കുന്നു. ഓഫ്-റോഡിംഗ് പ്രേമികൾക്ക്, 4WD വേരിയന്റുകളിലും കാര്യമായ ആശ്വാസം ലഭിച്ചിട്ടുണ്ട്. ഉത്സവ സീസണിന് തൊട്ടുമുമ്പുള്ള ഈ വിലക്കുറവ് ഉപഭോക്തൃ ആവശ്യം കൂടുതൽ വർദ്ധിപ്പിക്കും.

പുതിയ ജിഎസ്ടി പരിഷ്കരണം മഹീന്ദ്ര ഥാറിനെ കൂടുതൽ ആകർഷകമാക്കി. താങ്ങാനാവുന്ന വിലയിൽ ആർഡബ്ലയുഡി വേരിയന്റോ ശക്തമായ 4WD ഓഫ്-റോഡറോഡോ തിരയുകയാണെങ്കിലും, രണ്ട് ഓപ്ഷനുകളും ഇപ്പോൾ മുമ്പത്തേക്കാൾ കൂടുതൽ മൂല്യമുള്ളതാണ്. അതിനാൽ നിങ്ങൾ വളരെക്കാലമായി ഒരു ഥാർ വാങ്ങണമെന്ന് സ്വപ്‍നം കാണുന്നുണ്ടെങ്കിൽ ഇത് നിങ്ങൾക്ക് ഏറ്റവും മികച്ച അവസരമായി മാറിയേക്കാം.