ഔദ്യോഗിക വരവിനു മുന്നോടിയായി, മോഡലിന് 55,000-ത്തില്‍ അധികം ബുക്കിംഗുകൾ ലഭിച്ചു എന്നാണ് കണക്കുകള്‍.
രാജ്യത്തെ വാഹന വിപണി ഏറെ പ്രതീക്ഷയോടെ കാത്തിരിക്കുന്ന മാരുതി സുസുക്കി ഗ്രാൻഡ് വിറ്റാര എസ്യുവി 2022 സെപ്റ്റംബർ 26-ന് ഇന്ത്യയിൽ വിൽപ്പനയ്‌ക്കെത്തും. ഔദ്യോഗിക വരവിനു മുന്നോടിയായി, മോഡലിന് 55,000-ത്തില്‍ അധികം ബുക്കിംഗുകൾ ലഭിച്ചു എന്നാണ് കണക്കുകള്‍. വാഹനത്തിന്റെ ശക്തമായ ഹൈബ്രിഡ് വേരിയന്റുകൾക്ക് ഉയർന്ന ഡിമാൻഡാണ്. സിഗ്മ, ഡെൽറ്റ, സീറ്റ, സീറ്റ പ്ലസ്, ആൽഫ, ആൽഫ പ്ലസ് എന്നിങ്ങനെ ആറ് ട്രിമ്മുകളിൽ ഇത് വരും.
പുതിയ മാരുതി ഗ്രാൻഡ് വിറ്റാരയെ മൂന്ന് ഡ്യുവൽ ടോൺ, ആറ് മോണോടോൺ കളർ ഓപ്ഷനുകളിൽ കാർ നിർമ്മാതാവ് വാഗ്ദാനം ചെയ്യും. ഒപ്യുലന്റ് റെഡ്, സ്‌പ്ലെൻഡിഡ് സിൽവർ, ഗ്രാൻഡിയർ ഗ്രേ, ആർട്ടിക് വൈറ്റ്, ചെസ്റ്റ്നട്ട് ബ്രൗൺ, നെക്‌സ ബ്ലൂ എന്നിവ സിംഗിൾ പെയിന്റ് സ്‌കീമുകളിൽ ഉൾപ്പെടുന്നു. ബ്ലാക്ക് റൂഫുള്ള ആർട്ടിക് വൈറ്റ്, ബ്ലാക്ക് റൂഫുള്ള സ്‌പ്ലെൻഡിഡ് സിൽവർ, ബ്ലാക്ക് റൂഫുള്ള ഓപ്പുലന്റ് റെഡ് എന്നിവയാണ് ഡ്യുവൽ ടോൺ ഷേഡുകൾ.
രണ്ട് ഹൈബ്രിഡ് പവർട്രെയിനുകളോട് കൂടിയ പുതിയ മാരുതി ഗ്രാൻഡ് വിറ്റാര വാങ്ങുന്നവർക്ക് ലഭിക്കും . 1.5L K15C മൈൽഡ് ഹൈബ്രിഡ്, 1.5L TNGA അറ്റ്കിൻസൺ സൈക്കിൾ എന്നിവയാണവ. ആദ്യത്തേത് 137Nm ഉപയോഗിച്ച് 103bhp സൃഷ്ടിക്കുമ്പോൾ രണ്ടാമത്തേത് 115bhp മൂല്യമുള്ള പവർ നൽകുന്നു. മൈൽഡ് ഹൈബ്രിഡ് വേരിയന്റുകളിൽ അഞ്ച് സ്പീഡ് മാനുവൽ, ആറ് സ്പീഡ് ഓട്ടോമാറ്റിക് ഗിയർബോക്‌സുകള്‍ ലഭിക്കും. ശക്തമായ ഹൈബ്രിഡ് eCVT-യിൽ ലഭ്യമാകും. സുസുക്കിയുടെ AllGrip AWD സിസ്റ്റം ആൽഫ മാനുവൽ ട്രിമ്മിൽ മാത്രമേ ലഭ്യമാകൂ എന്നത് ശ്രദ്ധിക്കേണ്ടതാണ്.
ഗ്രാൻഡ് വിറ്റാര മൈൽഡ് ഹൈബ്രിഡ് മാനുവൽ, ഓട്ടോമാറ്റിക് 2WD എന്നിവ യഥാക്രമം 21.11kmpl, 20.58kmpl ഇന്ധനക്ഷമത വാഗ്ദാനം ചെയ്യുന്നുവെന്ന് കാർ നിർമ്മാതാവ് ഇതിനകം സ്ഥിരീകരിച്ചിട്ടുണ്ട്. ഓള്‍ഗ്രിപ്പ് AWD മാനുവൽ, ഇസിവിടി ഗിയർബോക്‌സുള്ള ശക്തമായ ഹൈബ്രിഡ് യഥാക്രമം 19.38kmpl ഉം 27.97kmpl ഉം നൽകുന്നു.
"യാ മോനേ.." വില്‍പ്പനയില്‍ വമ്പന്‍ വളര്‍ച്ചയുമായി മാരുതി!
ലെതറെറ്റ് സ്റ്റിയറിംഗ് വീൽ, ബ്ലാക്ക് ലെതറെറ്റ് സീറ്റുകൾ, വെന്റിലേറ്റഡ് ഫ്രണ്ട് സീറ്റുകൾ, നവീകരിച്ച സൗണ്ട് സിസ്റ്റം, 360 ഡിഗ്രി ക്യാമറ, പുഡിൽ ലാമ്പുകൾ, ടയർ പ്രഷർ മോണിറ്ററിംഗ് സിസ്റ്റം തുടങ്ങിയ ഫീച്ചറുകൾ ടോപ്പ് എൻഡ് ആൽഫ പ്ലസ് വേരിയന്റിൽ മാത്രം ലഭ്യമാണ്.
സെറ്റ പ്ലസ് ട്രിമ്മിൽ 7.0 ഇഞ്ച് ഫുൾ ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് ചാർജർ, ഹെഡ്-അപ്പ് ഡിസ്‌പ്ലേ, ഡാഷ്‌ബോർഡ് ആംബിയന്റ് ലൈറ്റിംഗ്, പനോരമിക് സൺറൂഫ്, ഗോൾഡ് ആക്‌സന്റുകളോട് കൂടിയ ബ്ലാക്ക് ഇന്റീരിയർ, ഡാർക്ക് ഗ്രേ ഫ്രണ്ട്, റിയർ സ്‌കിഡ് പ്ലേറ്റുകൾ, സിൽവർ റൂഫ് റെയിലുകൾ, ഡ്യുവൽ-ടോൺ കളർ ഓപ്ഷനുകൾ എന്നിവയും ഉണ്ട്.
സുരക്ഷയുമായി ബന്ധപ്പെട്ട്, പുതിയ മാരുതി ഗ്രാൻഡ് വിറ്റാരയിൽ ഒന്നിലധികം എയർബാഗുകൾ, ഹിൽ ഹോൾഡുള്ള ഇലക്ട്രോണിക് സ്റ്റെബിലിറ്റി പ്രോഗ്രാം, റിയർ പാർക്കിംഗ് സെൻസറുകൾ, ഇബിഡി ഉള്ള എബിഎസ്, ഐസോഫിക്സ് മൗണ്ട്, എല്ലാ സീറ്റുകൾക്കും മൂന്ന് പോയിന്റ് സീറ്റ്ബെൽറ്റുകൾ, റിവേഴ്‍സ് പാർക്കിംഗ് ക്യാമറ, ഹിൽ ഡിസന്റ് കൺട്രോൾ എന്നിവയും വാഗ്ദാനം ചെയ്യുന്നു.