ഈ പുതിയ ഹോണ്ട ഡബ്ല്യുആർ-വി എസ്‌യുവിയെ ആസിയാൻ എൻസിഎപി ക്രാഷ് ടെസ്റ്റ് ചെയ്യുകയും ടെസ്റ്റിൽ മികച്ച വിജയം നേടുകയും ചെയ്‍തു എന്നാണ് പുതിയ റിപ്പോര്‍ട്ടുകള്‍.
ജാപ്പനീസ് വാഹന ബ്രാൻഡായ ഹോണ്ട അടുത്തിടെയാണ് ഇന്തോനേഷ്യൻ വിപണിയിൽ പുതിയ തലമുറ ഹോണ്ട WR-V അവതരിപ്പിച്ചത്. ഈ പുതിയ ഹോണ്ട ഡബ്ല്യുആർ-വി എസ്‌യുവിയെ ആസിയാൻ എൻസിഎപി ക്രാഷ് ടെസ്റ്റ് ചെയ്യുകയും ടെസ്റ്റിൽ മികച്ച വിജയം നേടുകയും ചെയ്‍തു എന്നാണ് പുതിയ റിപ്പോര്‍ട്ടുകള്‍. ക്രാഷ് ടെസ്റ്റിൽ വാഹനം അഞ്ച് സ്റ്റാർ സ്കോർ ചെയ്‍തു. WR-V RS വേരിയന്‍റാണ് പരീക്ഷിച്ചത്. ഈ വേരിയന്റിൽ ഹോണ്ട സെൻസിംഗ് അല്ലെങ്കിൽ ADAS ടെക് സ്റ്റാൻഡേർഡായി വരുന്നു. ഡ്യുവൽ ഫ്രണ്ട് എയർബാഗുകൾക്കൊപ്പം സൈഡ്, കർട്ടൻ എയർബാഗുകളും ഇതിൽ ഫീച്ചർ ചെയ്യുന്നു, കൂടാതെ 1.5L NA പെട്രോൾ എഞ്ചിൻ ഘടിപ്പിച്ചിരിക്കുന്നു.
അഡൽറ്റ് ഒക്യുപന്റ് ടെസ്റ്റിൽ പുതിയ ഹോണ്ട WR-V 32 പോയിന്റിൽ 27.41 പോയിന്റ് നേടി. ഫ്രണ്ടൽ ഇംപാക്ട് ടെസ്റ്റിൽ 14.88 പോയിന്റും സൈഡ് ഇംപാക്ട് ടെസ്റ്റിൽ 8 പോയിന്റും ഹെഡ് പ്രൊട്ടക്ഷൻ ടെസ്റ്റിൽ 4.73 പോയിന്റും എസ്‌യുവിക്ക് ലഭിക്കും. ഡമ്മി യാത്രക്കാരുടെ നെഞ്ചിന് എസ്യുവി മതിയായ സംരക്ഷണം നൽകുന്നുവെന്ന് പരിശോധനാ ഫലങ്ങൾ കാണിക്കുന്നു. ഇതോടൊപ്പം വാഹനത്തിന്റെ മുൻഭാഗം പരിശോധനയിൽ സ്ഥിരത പുലർത്തി.
കുട്ടികളുടെ സുരക്ഷയിൽ, ഹോണ്ട WR-V 2023 മോഡലിന് പരമാവധി 51 പോയിന്റിൽ നിന്ന് മൊത്തം 42.79 പോയിന്റ് ലഭിച്ചു. ഡൈനാമിക് ടെസ്റ്റിൽ 24 പോയിന്റും വാഹനാധിഷ്ഠിത പരിശോധനയിൽ 8 പോയിന്റും ചൈൽഡ് സീറ്റുകൾ സ്ഥാപിക്കുന്നതിൽ 10.06 പോയിന്റും കുട്ടികളെ കണ്ടെത്തുന്നതിന് 0.73 പോയിന്റും നേടി.
ആസിയാൻ NCAP പുതിയ WR-V യുടെ സജീവ സുരക്ഷാ സംവിധാനങ്ങൾ പരീക്ഷിച്ചു. ഫലപ്രദമായ ബ്രേക്കിംഗിലും ഒഴിവാക്കലിലും എസ്യുവി ആറ് പോയിന്റും സീറ്റ് ബെൽറ്റ് റിമൈൻഡറുകളിൽ മൂന്ന് പോയിന്റും സെല്‍ഫ് എമർജൻസി ബ്രേക്കിംഗിൽ 4.37 പോയിന്റും അഡ്വാൻസ്‍ഡ് SAT-കളിൽ മൂന്ന് പോയിന്റുകളും നേടി. ആസിയാൻ NCAP നടത്തിയ ADAS ടെസ്റ്റിൽ എസ്യുവി പരമാവധി 21 പോയിന്റിൽ 16.37 പോയിന്റ് നേടി.
ഓട്ടോണമസ് എമർജൻസി ബ്രേക്കിംഗ് (എഇബി), എഇബി ഇന്റർ-അർബൻ, എഇഡി കാൽനടക്കാർ, ലെയ്ൻ ഡിപ്പാർച്ചർ മുന്നറിയിപ്പ്, ഫോർവേഡ് കൂട്ടിയിടി മുന്നറിയിപ്പ്, ലെയ്ൻ കീപ്പ് അസിസ്റ്റ് തുടങ്ങിയ ഫീച്ചറുകൾ എസ്‌യുവിയിൽ സജ്ജീകരിച്ചിരിക്കുന്നു. ഇതോടൊപ്പം, എസ്‌യുവിക്ക് ബ്ലൈൻഡ് സ്പോട്ട് വിഷ്വലൈസേഷൻ, ഓട്ടോ ഹൈ ബീം, മോട്ടോർ സൈക്കിൾ യാത്രക്കാർക്കായി എഇബി എന്നിവ ലഭിക്കുന്നു.
പുതിയ ഹോണ്ട ഡബ്ല്യുആര്‍വി എസ്‌യുവിയുടെ നീളം ഏകദേശം നാല് മീറ്ററാണ്. ഇത് ഇന്ത്യയിൽ അവതരിപ്പിക്കുന്നതിനുള്ള പരിഗണനയിലാണ്. അടുത്ത ഏതാനും മാസങ്ങൾക്കുള്ളിൽ ഇന്ത്യൻ വിപണിയിൽ ഒരു പുതിയ എസ്യുവി അവതരിപ്പിക്കാനുള്ള പദ്ധതിയും ഹോണ്ട പ്രഖ്യാപിച്ചിട്ടുണ്ട് . ഇത് ഒരു ഇടത്തരം എസ്‌യുവിയായിരിക്കും. ഹ്യുണ്ടായ് ക്രെറ്റ, കിയ സെൽറ്റോസ്, മാരുതി ഗ്രാൻഡ് വിറ്റാര തുടങ്ങിയ മോഡലുകളോട് മത്സരിക്കും. സബ്-4 മീറ്റർ എസ്യുവി 2024 ൽ പുറത്തിറക്കുമെന്ന് പ്രതീക്ഷിക്കുന്നു.