പുതിയ MT-15 പതിപ്പ് നാളെ (ഏപ്രിൽ 11-ന് ) എത്തും എന്നും ഇതില്‍ ചില കാര്യമായ അപ്‌ഡേറ്റുകൾ കമ്പനി വാഗ്‍ദാനം ചെയ്യുമെന്ന് പ്രതീക്ഷിക്കുന്നു എന്നുമാണ് റിപ്പോര്‍ട്ടുകള്‍.
ജാപ്പനീസ് (Japanese) ഇരുചക്ര വാഹന ബ്രാന്‍ഡായ യമഹയുടെ (Yamaha) MT-15 ഇന്ത്യയിൽ അരങ്ങേറ്റം കുറിച്ചത് മുതൽ ഏതാണ്ട് അതേ രീതിയിൽ തന്നെ മാറ്റമില്ലാതെ തുടരുന്നു. അതിന്റെ വർണ്ണ പാലറ്റിൽ കുറച്ച് കൂട്ടിച്ചേർക്കലുകൾ മാത്രമേ ഇതുവരെ ലഭിച്ചിട്ടുള്ളൂ. എന്നാൽ ഇപ്പോൾ, യമഹ ഒടുവിൽ പുതിയ മോഡലിനെ ഇന്ത്യയിൽ അവതരിപ്പിക്കാൻ ഒരുങ്ങുകയാണെന്ന് ബൈക്ക് വാലെ റിപ്പോര്‍ട്ട് ചെയ്യുന്നു. പുതിയ MT-15 പതിപ്പ് നാളെ (ഏപ്രിൽ 11-ന് ) എത്തും എന്നും ഇതില്‍ ചില കാര്യമായ അപ്‌ഡേറ്റുകൾ കമ്പനി വാഗ്‍ദാനം ചെയ്യുമെന്ന് പ്രതീക്ഷിക്കുന്നു എന്നുമാണ് റിപ്പോര്‍ട്ടുകള്‍.
ലോഞ്ച് ചെയ്‍ത് ആഴ്‍ചകൾക്കുള്ളിൽ യമഹ YZF-R15 V4 വില കൂടുന്നു
വരാനിരിക്കുന്ന മോട്ടോർസൈക്കിളിനെക്കുറിച്ച് നിർമ്മാതാക്കള്‍ കൂടുതൽ വിവരങ്ങളൊന്നും വെളിപ്പെടുത്തിയിട്ടില്ല. എങ്കിലും, MT-15 V2 നിലവിൽ പ്രവർത്തിക്കുന്ന പരമ്പരാഗത യൂണിറ്റുകൾക്ക് പകരം ഗോൾഡൻ ഫോർക്ക് ബോട്ടിലുകളുള്ള വിപരീത ഫോർക്കുകൾ സജ്ജീകരിച്ചിട്ടുണ്ടെന്ന് ബൈക്ക് വാലെ റിപ്പോര്‍ട്ട് ചെയ്യുന്നു. R15 V4-ൽ ഉള്ളത് പോലെ മോട്ടോർസൈക്കിളിന് നവീകരിച്ച ഇൻസ്ട്രുമെന്റ് ക്ലസ്റ്ററും ലഭിക്കും . കൂടാതെ, യമഹ ഒരു പുതിയ ആകർഷണത്തിനായി MT-15 പതിപ്പ് 2.0 ലേക്ക് ചില പുതിയ കളർ സ്‍കീമുകളും ചേർക്കും എന്നും റിപ്പോര്‍ട്ടുകള്‍ ഉണ്ട്.
ഈ അപ്‌ഡേറ്റുകൾക്കൊപ്പം ബൈക്കിന്‍റെ വിലയും കൂടിയേക്കും എന്നും ബൈക്ക് വാലെ റിപ്പോര്‍ട്ട് ചെയ്യുന്നു. നിലവിലെ മോഡലിന് 1.46 ലക്ഷം രൂപയാണ് വില. എന്നിരുന്നാലും, അപ്‌ഡേറ്റുകൾ കൂടാതെ, രൂപകൽപ്പന, പ്രകടനം, സവിശേഷതകൾ എന്നിവയുടെ കാര്യത്തിൽ MT-15 നിലവിലെ മോഡലിന് സമാനമായി അതേപടി തുടരും എന്നും ബൈക്ക് വാലെ റിപ്പോര്‍ട്ട് ചെയ്യുന്നു.
ഇപ്പോൾ, ഇന്ത്യയില്‍ ഉടനീളമുള്ള യമഹ ഡീലർമാർ മോട്ടോർസൈക്കിളിനായുള്ള ബുക്കിംഗ് ആരംഭിച്ചതായി നേരത്തെ റിപ്പോര്‍ട്ടുകള്‍ ഉണ്ടായിരുന്നു. MT-15 പതിപ്പ് 2.0 എന്നതിന്റെ ബുക്കിംഗ് തുക, ഡീലറെ ആശ്രയിച്ച് 5,000 മുതൽ 10,000 രൂപ വരെ വ്യത്യാസപ്പെടുന്നു. ഡീലർമാർ പറയുന്നതനുസരിച്ച്, MT-15 V2 പുതിയ നിറങ്ങളിൽ ലഭ്യമാകും. എന്നാൽ ഇത് ലഭിക്കുമെന്ന് വ്യക്തമല്ല.
യമഹ ഫോഴ്‌സ് എക്‌സ് സ്‌പോർട്ടി സ്കൂട്ടർ അവതരിപ്പിച്ചു
ജാപ്പനീസ് (Japanese) ഇരുചക്ര വാഹന ബ്രാന്‍ഡായ യമഹ (Yamaha) ഫോഴ്‌സ് എക്‌സ് (Force X) എന്ന പേരിൽ ഒരു പുതിയ സ്കൂട്ടർ അവതരിപ്പിച്ചു. ഈ സ്കൂട്ടർ പ്രാഥമികമായി ചൈന പോലുള്ള വിപണികൾക്കായി വികസിപ്പിച്ചെടുത്തതാണ് എന്ന് ബൈക്ക് വാലെ റിപ്പോര്‍ട്ട് ചെയ്യുന്നു. വികസിത വിപണികളെയാണ് സ്കൂട്ടർ പ്രധാനമായും ലക്ഷ്യമിടുന്നത് എന്ന് ഹിന്ദുസ്ഥാന്‍ ടൈംസ് ഓട്ടോയും റിപ്പോര്‍ട്ട് ചെയ്യുന്നു.
യമഹ ഇന്ത്യ പ്രവര്‍ത്തനത്തെ ചിപ്പ് ക്ഷാമം ബാധിച്ചു
നിലവിലെ ഡിസൈൻ ഭാഷയിൽ ഫോഴ്‌സ് എക്‌സ് വളരെ രസകരമായി തോന്നുന്നു. സ്കൂട്ടറിന് മൊത്തത്തിൽ ചില വളവുകളും ക്രീസുകളുമുള്ള വലിയ ബോഡി പാനലുകളുണ്ട്. മുൻവശത്ത് ഒരു ചെറിയ കൊക്ക് പോലുള്ള ഭാഗം വാഹനത്തിന് ഒരു പ്രത്യേക ഐഡന്റിറ്റി നൽകുന്നു. ബാക്കി ഭാഗങ്ങൾ തികച്ചും പരമ്പരാഗതമായി കാണപ്പെടുന്നു.
ഫാസിനോ 125 , റേ ZR എന്നിവയിൽ കാണുന്ന അതേ എഞ്ചിനിൽ നിന്നാണ് ഫോഴ്‌സ് എക്‌സിന് കരുത്ത് ലഭിക്കുന്നത് . അതിനാൽ 125 സിസി എയർ കൂൾഡ് എഞ്ചിൻ 6500 ആർപിഎമ്മിൽ 8.9 ബിഎച്ച്പിയും 5000 ആർപിഎമ്മിൽ 9.7 എൻഎം ടോർക്കും പുറപ്പെടുവിക്കും. ഈ മോട്ടോർ ഒരു CVT ഗിയർബോക്സുമായി ഘടിപ്പിച്ചിരിക്കുന്നു.
ഈ സ്‍കൂട്ടര്‍ മുന്നിലും പിന്നിലും 10 ഇഞ്ച് വീലുകളിൽ സഞ്ചരിക്കുന്നു, കൂടാതെ റോഡ് ടയറുകളാൽ ഷഡ് ചെയ്തിരിക്കുന്നു. മുൻവശത്ത് ടെലിസ്‌കോപിക് ഫോർക്കുകളും പിന്നിൽ മോണോഷോക്കും സജ്ജീകരിച്ചിരിക്കുന്നു. മുൻവശത്ത് ഒരു ഡിസ്കും പിന്നിൽ ഡ്രമ്മുമാണ് ബ്രേക്കിംഗ് വിഭാഗം കൈകാര്യം ചെയ്യുന്നത്. സ്കൂട്ടറിൽ എബിഎസ് ഉണ്ടോ എന്ന കാര്യത്തിൽ ഇതുവരെ വിവരമില്ല.
92 കിലോഗ്രാം ഭാരമുള്ള യമഹ ഫോഴ്‌സ് എക്‌സ് സെഗ്‌മെന്റിലെ ഏറ്റവും ഭാരം കുറഞ്ഞ സ്‌കൂട്ടറുകളില്‍ ഒന്നാണ് എന്നാണ് റിപ്പോര്‍ട്ടുകള്‍. ടിവിഎസ് സ്‌കൂട്ടിയേക്കാൾ ഒരു കിലോ ഭാരം കുറവാണ് ഫോഴ്‌സ് എക്‌സിന് . ഇതിന് 2.2 ലിറ്റർ/100km (അല്ലെങ്കിൽ ഏകദേശം 45kmpl കണക്ക്) എന്ന ഇന്ധനക്ഷമതയും കമ്പനി അവകാശപ്പെടുന്നു. ഇത് ഇന്ത്യൻ വിപണിയിൽ വിൽക്കുന്ന RayZR 125 സ്കൂട്ടറിനേക്കാൾ അല്പം കുറവാണെന്നാണ് റിപ്പോര്‍ട്ടുകള്‍.
2022 യമഹ FZS-Fi DLX എത്തി, വില 1.18 ലക്ഷം
ചൈനയിൽ ഏകദേശം 1.07 ലക്ഷം രൂപയ്ക്കാണ് യമഹ ഫോഴ്‌സ് എക്‌സിന്റെ വിൽപ്പന. ഈ സ്കൂട്ടർ ഇന്ത്യയിൽ വരുന്ന കാര്യവും വ്യക്തമല്ല. റേ ZR ഫോഴ്‌സ് എക്‌സിന് സമാനമായ ഡിസൈൻ വാഗ്‍ദാനം ചെയ്യുന്നു. അതിനാൽ സമാനമായ രണ്ട് സ്‍കൂട്ടറുകൾ രാജ്യത്ത് ഉണ്ടായിരിക്കാന്‍ ഇടയില്ല. എന്നാൽ യമഹ ഇന്ത്യയുടെ പണിപ്പുരയില്‍ നിന്നും പുതിയ 125 സിസി സ്‍കൂട്ടറിനെക്കുറിച്ച് അഭ്യൂഹങ്ങളുണ്ട്.