ഉൽപ്പന്നത്തിന്റെ വില കുറയ്ക്കുന്നതിന് മെറ്റീരിയൽ റീസൈക്ലിംഗ് പ്രോത്സാഹിപ്പിക്കേണ്ടതുണ്ടെന്നും കൂടുതൽ കയറ്റുമതി ചെയ്യുമെന്നും അതുകൊണ്ടാണ് സർക്കാർ വാഹനങ്ങൾ സ്ക്രാപ്പിംഗ് നയം പ്രചരിപ്പിക്കുന്നതെന്നും വ്യക്തമാക്കിയ ഗഡ്കരി വർദ്ധിച്ച സ്ക്രാപ്പിംഗ് ഓട്ടോ ഘടകങ്ങളുടെ വില 30 ശതമാനം വരെ കുറയ്ക്കും എന്നും വ്യക്തമാക്കി.
ലോഹങ്ങളുടെ പുനരുപയോഗം വര്‍ദ്ധിക്കുന്നത് ഇന്ത്യയിൽ ഓട്ടോ ഘടകങ്ങളുടെ വില ഗണ്യമായി കുറയ്ക്കുമെന്ന് കേന്ദ്ര മന്ത്രി. ഈ പ്രവണത ഓട്ടോ ഘടകങ്ങളുടെ വില 30 ശതമാനം വരെ കുറയ്ക്കുമെന്ന് കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരി പറഞ്ഞതായി, പിടിഐയെ ഉദ്ദരിച്ച് എച്ച്ടി ഓട്ടോ റിപ്പോർട്ട് ചെയ്യുന്നു. രാജ്യത്തെ വാഹന ഉൽപ്പാദനച്ചെലവ് കുറയ്ക്കുന്നതിന് ഇത് സ്വയമേവ സഹായിക്കുകയും വാഹന നിർമ്മാതാക്കൾക്ക് കുറഞ്ഞ വിലയിൽ വാഹനങ്ങൾ വാഗ്ദാനം ചെയ്യാൻ അനുവദിക്കുകയും ചെയ്യും. ഓട്ടോമൊബൈൽ മേഖലയുടെ വലിപ്പം 15 ലക്ഷം കോടി രൂപയായി ഇരട്ടിയാക്കാനാണ് കേന്ദ്ര സർക്കാർ ലക്ഷ്യമിടുന്നതെന്ന് മന്ത്രി പറഞ്ഞു .
ഉൽപ്പന്നത്തിന്റെ വില കുറയ്ക്കുന്നതിന് മെറ്റീരിയൽ റീസൈക്ലിംഗ് പ്രോത്സാഹിപ്പിക്കേണ്ടതുണ്ടെന്നും കൂടുതൽ കയറ്റുമതി ചെയ്യുമെന്നും അതുകൊണ്ടാണ് സർക്കാർ വാഹനങ്ങൾ സ്ക്രാപ്പിംഗ് നയം പ്രചരിപ്പിക്കുന്നതെന്നും വ്യക്തമാക്കിയ ഗഡ്കരി വർദ്ധിച്ച സ്ക്രാപ്പിംഗ് ഓട്ടോ ഘടകങ്ങളുടെ വില 30 ശതമാനം വരെ കുറയ്ക്കും എന്നും വ്യക്തമാക്കി.
2022ൽ ജപ്പാനെ പിന്തള്ളി ഇന്ത്യ ലോകത്തിലെ മൂന്നാമത്തെ വലിയ ഓട്ടോമൊബൈൽ വിപണിയായി മാറിയ സമയത്താണ് ഗഡ്‍കരിയുടെ ഈ അഭിപ്രായം. വർധിച്ച വിൽപനയ്‌ക്ക് പുറമേ, ഇന്ത്യൻ ഓട്ടോമൊബൈൽ വ്യവസായം ഉൽപ്പാദന ശേഷിയുടെ കാര്യത്തിലും വളരാൻ ഒരുങ്ങുകയാണ്. കേന്ദ്ര സർക്കാർ പ്രഖ്യാപിച്ച വെഹിക്കിൾ സ്‌ക്രാപ്പേജ് പോളിസി ആ പ്രക്രിയയെ സഹായിക്കുമെന്ന് പ്രതീക്ഷിക്കുന്നു.
വെഹിക്കിൾ സ്‌ക്രാപ്പേജ് പോളിസി രാജ്യത്ത് മെറ്റൽ റീസൈക്ലിംഗ് വർദ്ധിപ്പിക്കുമെന്ന് പ്രതീക്ഷിക്കുന്നു. പഴയ വാഹനങ്ങളിൽ നിന്നുള്ള ലോഹങ്ങൾ റീസൈക്കിൾ ചെയ്ത് പുതിയ വാഹനങ്ങളിൽ ഉപയോഗിക്കുന്നു. ഇത് വാഹന നിർമ്മാതാക്കളെ കൂടുതൽ വാഹന ഉൽപ്പാദനത്തിനായി ലോഹത്തിന്റെ ലഭ്യത വർദ്ധിപ്പിക്കുന്നതിന് സഹായിക്കുക മാത്രമല്ല, കുറഞ്ഞ ലോഹ ലഭ്യതയോടെ ഉൽപ്പാദനച്ചെലവ് കുറയ്ക്കാനും സഹായിക്കും.
ചെമ്പ്, അലുമിനിയം, സ്റ്റീൽ തുടങ്ങിയ പ്രധാന ലോഹങ്ങൾ ഉൾപ്പെടുന്ന ഓട്ടോമൊബൈൽ വ്യവസായത്തിന്റെ പ്രധാന അസംസ്‌കൃത വസ്തുക്കളുടെ ദൗർലഭ്യം ഇന്ത്യ നേരിടുന്നുണ്ടെന്ന് ഗഡ്കരി ചൂണ്ടിക്കാട്ടിയതായും റിപ്പോർട്ട് അവകാശപ്പെടുന്നു. വ്യവസായത്തിന്റെ അളവ് വർദ്ധിപ്പിക്കുന്നതിനായി വിദേശ കമ്പനികളുമായി സംയുക്ത സംരംഭങ്ങളിൽ ഏർപ്പെടാൻ ലോഹ പുനരുപയോഗ വ്യവസായത്തെ കേന്ദ്രം പ്രോത്സാഹിപ്പിക്കുന്നു. അടുത്ത സാമ്പത്തിക വർഷത്തിൽ ഒമ്പത് ലക്ഷത്തോളം സർക്കാർ വാഹനങ്ങൾ നിർത്തലാക്കുമെന്നും ഗഡ്കരി പറഞ്ഞു.
ഇന്ത്യയിലെ വാഹന നിർമ്മാതാക്കളോട് വലിയ വാഹന സ്ക്രാപ്പിംഗ് യൂണിറ്റുകൾ സ്ഥാപിക്കാൻ അഭ്യർത്ഥിച്ച് ഗഡ്കരി മഹാരാഷ്ട്രയിലെ വാർധ, സാംഗ്ലി, കോലാപൂർ എന്നിവിടങ്ങളിൽ വരാനിരിക്കുന്ന പുതിയ ഡ്രൈ പോർട്ടുകളിൽ ഇളവുകൾ വാഗ്ദാനം ചെയ്യുകയും ചെയ്തു. കൂടുതൽ പഴയ ടയറുകൾ, പ്ലാസ്റ്റിക് മാലിന്യങ്ങൾ, ഓട്ടോ പാർട്‌സ്, ഓട്ടോമൊബൈൽ യൂണിറ്റുകൾ എന്നിവ ഇറക്കുമതി ചെയ്യുന്നത് ഒരു വശത്ത് കൂടുതൽ മൂല്യം കൂട്ടുമെന്നും മറുവശത്ത് ഓട്ടോമൊബൈൽ ഘടകങ്ങളുടെ വില 30 ശതമാനം കുറയുമെന്നും അദ്ദേഹം പറഞ്ഞു. കൂടുതൽ പുനരുപയോഗം വർധിപ്പിക്കുന്നതിന്, രാജ്യത്തുടനീളമുള്ള എല്ലാ ജില്ലകളിലും സർക്കാർ സ്ക്രാപ്പിംഗ് യൂണിറ്റുകൾ സ്ഥാപിക്കുമെന്ന് ഗഡ്കരി ആവർത്തിച്ച് വ്യക്തമാക്കിയതായാണ് റിപ്പോര്‍ട്ടുകള്‍.