ഹാരിയറിന് ഒരു വയസ്, വൺ വിത്ത്‌ മൈ ഹാരിയറുമായി ടാറ്റ

രാജ്യത്തുടനീളമുള്ള ഹാരിയർ  ഉപയോക്താക്കൾക്ക് പുതിയ ക്യാമ്പയിനിലൂടെ മികച്ച ആനുകൂല്യങ്ങൾ സ്വന്തമാക്കാം.  ജനുവരി 9മുതൽ 19വരെയാണ് ക്യാമ്പയിന്‍

കൊച്ചി: ടാറ്റാ മോട്ടോഴ്സിന്റെ ഏറ്റവും ജനപ്രിയ എസ് യു വിയായ  ഹാരിയർ നിരത്തിലിറങ്ങി ഒരു വർഷം പൂർത്തിയാക്കുന്നതിന്റ ഭാഗമായി ടാറ്റ മോട്ടോർസ് 'വൺ വിത്ത്‌ മൈ ഹാരിയർ' ക്യാമ്പയിൻ പ്രഖ്യാപിച്ചു.  രാജ്യത്തുടനീളമുള്ള ഹാരിയർ  ഉപയോക്താക്കൾക്ക് പുതിയ ക്യാമ്പയിനിലൂടെ മികച്ച ആനുകൂല്യങ്ങൾ സ്വന്തമാക്കാം.  ജനുവരി 9മുതൽ 19വരെയാണ് ക്യാമ്പയിന്‍. 2019 ജനുവരിയിൽ പുറത്തിറങ്ങിയ ഹാരിയർ കഴിഞ്ഞു ഒരു വർഷം പൂർത്തിയാക്കുമ്പോൾ 15000യൂണിറ്റ് വാഹനങ്ങളാണ് നിരത്തിലെത്തിച്ചതെന്ന് കമ്പനി വാര്‍ത്താക്കുറിപ്പില്‍ അറിയിച്ചു. 

ക്യാമ്പയിന്റെ ഭാഗമായി എല്ലാ ഹാരിയർ ഉപഭോക്താക്കൾക്കും ഹാരിയാറുമായുള്ള ബന്ധം സൂചിപ്പിക്കുന്ന  ഒരു വ്യക്തിഗത ബാഡ്ജ് ലഭിക്കും.  കൂടാതെ, ഈ അവസരത്തിനായി പ്രത്യേകം രൂപകൽപ്പന ചെയ്‍ത എക്സ്ക്ലൂസീവ് സ്കഫ് പ്ലേറ്റുകൾ, ഒരു കോംപ്ലിമെന്ററി വാഷ് & വാക്വം ക്ലീൻ, 40 പോയിന്റ് പ്രത്യേക ചെക്ക് അപ്പ് എന്നിവയും ലഭിക്കും. 

ഹാരിയർ ഉടമകൾക്ക് ഹാരിയർ സർവീസ് ഗോൾഡ് ക്ലബിലേക്ക് അംഗത്വം ലഭിക്കും, അത് അടുത്ത 2 വർഷത്തിനുള്ളിൽ ലഭിക്കുന്ന ഏത് സേവന  സൗകര്യത്തിനും 8,400 രൂപ വരെ വിലക്കിഴിവുകളും ആനുകൂല്യങ്ങളും ലഭിക്കും.   പുതിയ ഒരു ഹാരിയർ വാങ്ങാൻ തന്റെ സുഹൃത്തുക്കളെയും കുടുംബാംഗങ്ങളെയും റഫർ ചെയ്യുന്ന ഓരോ ഉപഭോക്താവിനും  ടാറ്റ മോട്ടോഴ്‌സ് 5,000 രൂപ വിലമതിക്കുന്ന ആമസോൺ ഗിഫ്റ്റ് വൗച്ചറുകൾ വാഗ്ദാനം ചെയ്യുന്നു.   അനുഭവം തടസ്സരഹിതമാക്കാൻ, ഉപയോക്താക്കൾക്ക് ഈ കാമ്പെയ്‌നിനിടെ വർക്ക് ഷോപ്പുകളിൽ സൗജന്യ പിക്ക് അപ്പ് ഡ്രോപ്പ് സൗകര്യം ലഭ്യമാക്കും. കാമ്പെയ്‌നിനായുള്ള രജിസ്‌ട്രേഷനുകൾ ആരംഭിച്ചിട്ടുണ്ട്.  ഈ ആനുകൂല്യങ്ങൾ ലഭിക്കുന്നതിന് ഉപഭോക്താക്കൾക്ക് 2020 ജനുവരി 9 മുതൽ 19 വരെ ടാറ്റാ മോട്ടോഴ്‌സ് അംഗീകൃത വർക്ക് ഷോപ്പിലേക്ക് പോകാം.

വിപണിയിൽ എത്തിയതിനു ശേഷം ഹാരിയർ കമ്പനിക്കും വ്യവസായത്തിനും ഒരു സെഗ്‌മെന്റിനെ തന്നെ  നിർവചിക്കുന്ന ഉൽപ്പന്നമായി സ്വയം മാറിയെന്നും ഹാരിയറിനെ സ്നേഹിക്കുകയും ഞങ്ങളുടെ ബ്രാൻഡുമായി ശക്തമായ ബന്ധം സ്ഥാപിക്കുകയും ചെയ്ത 15,000 ഹാരിയർ ഉപഭോക്താക്കളുമായി ഹാരിയറിന്റെ ഒരു വർഷത്തെ നാഴികക്കല്ല്  ആഘോഷിക്കുന്നതിൽ  സന്തുഷ്ടരാണെന്നും ഒന്നാം വാർഷിക ആഘോഷ വേളയിൽ ടാറ്റാ മോട്ടോഴ്‌സ് പാസഞ്ചർ വെഹിക്കിൾസ് ബിസിനസ് യൂണിറ്റ്  മാർക്കറ്റിംഗ് ഹെഡ് വിവേക് ശ്രീവത്സ പറഞ്ഞു.