Renault : റെനോ ഇൻഡോറിൽ രണ്ട് പുതിയ ഡീലർഷിപ്പുകൾ തുറന്നു

ഈ ശ്രമം ഇന്ത്യയിലെ കമ്പനിയുടെ സാന്നിധ്യം കൂടുതൽ ശക്തിപ്പെടുത്തും എന്ന് ഫിനാന്‍ഷ്യല്‍ എക്സ്പ്രസ് ഡ്രൈവ് റിപ്പോര്‍ട്ട് ചെയ്യുന്നു.  

ഫ്രഞ്ച് വാഹന നിർമാതാക്കളായ റെനോ ഇൻഡോറിൽ രണ്ട് പുതിയ ഡീലർഷിപ്പുകൾ തുറന്നു. രണ്ട് പുതിയ ഡീലർഷിപ്പുകളിലൊന്ന് ബിജാൽപൂർ സ്‌ക്വയറിൽ, എബി റോഡിൽ സ്ഥിതി ചെയ്യുന്ന റെനോ ഇൻഡോർ ഈസ്റ്റും മറ്റൊന്ന് സുഖ്‌ദേവ് നഗർ എയർപോർട്ട് റോഡിലുള്ള റെനോ ഇൻഡോർ വെസ്റ്റുമാണ്. ഈ ശ്രമം ഇന്ത്യയിലെ കമ്പനിയുടെ സാന്നിധ്യം കൂടുതൽ ശക്തിപ്പെടുത്തും എന്ന് ഫിനാന്‍ഷ്യല്‍ എക്സ്പ്രസ് ഡ്രൈവ് റിപ്പോര്‍ട്ട് ചെയ്യുന്നു.  

അത്യാധുനിക 3S ഡീലർഷിപ്പായ റെനോ ഇൻഡോർ ഈസ്റ്റ് 283, ബിജൽപൂർ സ്‌ക്വയർ, എബി റോഡിൽ സ്ഥിതിചെയ്യുന്നു. 14,300 ചതുരശ്ര അടി വിസ്തീർണ്ണമുള്ള ഒരു സമ്പൂർണ്ണ വർക്ക്ഷോപ്പ് സൗകര്യത്തോടെയാണ് ഇത് വരുന്നത്. ഷോറൂമിന്റെ വിസ്തീർണ്ണം 4,500 ചതുരശ്ര അടിയാണ്. അടിയിൽ അഞ്ച് ഡിസ്പ്ലേ കാറുകൾ സൂക്ഷിക്കാം. വർക്ക്‌ഷോപ്പിനെ സംബന്ധിച്ചിടത്തോളം, ഇത് 9,800 ചതുരശ്ര അടി വിസ്തീർണ്ണത്തിൽ വ്യാപിച്ചുകിടക്കുന്നു, കൂടാതെ 8 മെക്കാനിക്കൽ ബേകളും 12 ബോഡിഷോപ്പ് ബേകളും ഉപഭോക്താക്കൾക്ക് മികച്ച സേവനങ്ങൾ നൽകുന്നതിന് വിപുലമായ ആക്സസറികളും ആധുനിക ഉപകരണങ്ങളും സജ്ജീകരിച്ചിരിക്കുന്നു. താരതമ്യേന, 9-10, സുഖ്‌ദേവ് നഗർ, എയർപോർട്ട് റോഡിൽ സ്ഥിതി ചെയ്യുന്ന റെനോ ഇൻഡോർ വെസ്റ്റ് 1,100 ചതുരശ്ര അടി വിസ്തൃതിയിൽ പരന്നുകിടക്കുന്നു.

പുതുതായി ഉദ്ഘാടനം ചെയ്ത ഡീലർഷിപ്പുകൾ റെനോ സ്റ്റോർ ആശയം അനുസരിച്ചാണ് രൂപകൽപ്പന ചെയ്തിരിക്കുന്നത്. ബ്രാൻഡ്, ഉൽപ്പന്നങ്ങൾ, സേവനങ്ങൾ, ആക്സസറികൾ എന്നിവയുടെ മൂല്യം ആധുനികവും കൂടുതൽ ഫലപ്രദവുമായ രീതിയിൽ ഹൈലൈറ്റ് ചെയ്തുകൊണ്ട് ഉപഭോക്താക്കളുടെ വികസിച്ചുകൊണ്ടിരിക്കുന്ന ആവശ്യങ്ങൾ മികച്ച രീതിയിൽ അഭിസംബോധന ചെയ്യുന്നതിനായി സങ്കൽപിച്ചിരിക്കുന്ന ഒരു പുതിയ തലമുറ ഡീലർഷിപ്പുകളാണ് ഇവ. രണ്ട് പുതിയ ഡീലർഷിപ്പുകളുടെ ഉദ്ഘാടനത്തോടെ, കമ്പനിക്ക് ഇപ്പോൾ മധ്യപ്രദേശിൽ തന്നെ ആകെ 27 ഔട്ട്‌ലെറ്റുകൾ ഉണ്ട്. റെനോയുടെ പാൻ-ഇന്ത്യ നെറ്റ്‌വർക്ക് ശക്തി 500ല്‍ അധികം വിൽപ്പന കേന്ദ്രങ്ങളും 530 ല്‍ അധികം സേവന ടച്ച് പോയിന്റുകളും ആയി മാറുന്നു. അതിൽ 250ല്‍ അധികം വർക്ക്‌ഷോപ്പ് ഓൺ വീൽസും രാജ്യത്തുടനീളമുള്ള ലൊക്കേഷനുകളും ഉൾപ്പെടുന്നു.

നിലവിൽ, റെനോയുടെ നിരയിൽ ക്വിഡ്, ട്രൈബർ, കിഗർ എന്നീ മൂന്ന് വാഹനങ്ങളുണ്ട്. കമ്പനിയുടെ ഇന്ത്യയിലെ ഏറ്റവും താങ്ങാനാവുന്ന ഓഫറാണ് റെനോ ക്വിഡ്. ഇതിന്റെ പ്രാരംഭ വില 4.49 ലക്ഷം രൂപയാണ് (എക്സ്-ഷോറൂം). ഇത് 800 സിസി, 1.0 ലിറ്റർ എഞ്ചിനുകളിൽ ലഭ്യമാണ്, രണ്ടാമത്തേത് മാനുവൽ, ഓട്ടോമാറ്റിക് ട്രാൻസ്മിഷനിൽ വാഗ്ദാനം ചെയ്യുന്നു. ക്വിഡ് അധികം താമസിയാതെ 4 ലക്ഷം യൂണിറ്റുകളുടെ വിൽപ്പന നാഴികക്കല്ല് കൈവരിച്ചിരുന്നു. ഗ്ലോബൽ എൻസിഎപി സുരക്ഷാ പരിശോധനയിൽ ട്രൈബർ എംപിവിക്കും കിഗർ കോംപാക്റ്റ് എസ്‌യുവിക്കും നാല് സ്റ്റാർ ലഭിച്ചു.

പുത്തന്‍ റെനോ കിഗര്‍ കേരളത്തിലും, വില 5.84 ലക്ഷം

കൊച്ചി: റെനോ ഇന്ത്യ നൂതന സവിശേഷതകളോട് കൂടിയ പുതിയ കിഗർ വിപണിയിലിറക്കി. റെനോ ഇന്ത്യയുടെ സെയിൽസ് ആന്‍ഡ് മാർക്കറ്റിംഗ് വൈസ് പ്രസിഡന്റ് സുധീർ മൽഹോത്ര 2022 റെനോ കിഗർ കൊച്ചിയിൽ അനാച്ഛാദനം ചെയ്‍തതായും  5.84 ലക്ഷം രൂപ പ്രാരംഭ വിലയിൽ ആണ് വാഹനം അവതരിപ്പിച്ചത് എന്നും കമ്പനി വാര്‍ത്താക്കുറിപ്പില്‍ അറിയിച്ചു. സ്‌പോർട്ടി, സ്‌മാർട്ട് അതിശയിപ്പിക്കുന്ന  മറ്റു സവിശേഷതകൾ  അടങ്ങിയ കിഗർ, റെനോയുടെ മികച്ച അഞ്ച് ആഗോള വിപണികളിലേക്ക് ഇന്ത്യയെ നയിക്കുന്നതിൽ പ്രധാന പങ്കുവഹിച്ച മോഡലാണ്.  

ഫ്രാൻസിലെയും ഇന്ത്യയിലെയും ഡിസൈൻ ടീമുകൾ തമ്മിലുള്ള സഹകരണത്തിന്റെ ഫലമായി, റെനൊ കിഗർ ഉപഭോക്താക്കളിൽ നിന്ന് മികച്ച പ്രതികരണമാണ് നേടിയത്. ആഗോളതലത്തിൽ പുറത്തിറക്കുന്നതിന് മുമ്പ് ഇന്ത്യയിൽ ആദ്യമായി അവതരിപ്പിക്കുന്ന മൂന്നാമത്തെ  ഗ്ലോബൽ കാറാണിത്. റെനൊ കൈഗർ CMFA+ പ്ലാറ്റ്‌ഫോമിലേക്ക് ഏറ്റവും പുതിയ സാങ്കേതിക സവിശേഷതകൾ കൊണ്ടുവരുന്നു. അത് മൾട്ടി-സെൻസ് ഡ്രൈവിംഗ് മോഡുകൾ, മികച്ച  റൂമിനെസ്,  ക്യാബിൻ സ്റ്റോറേജ്, കാർഗോ സ്‌പേസ് എന്നിവയ്‌ക്കൊപ്പം പ്രകടനത്തിന്റെയും കാര്യക്ഷമതയുടെയും ശരിയായ ബാലൻസും വാഗ്ദാനം ചെയ്യുന്നു.

MT, EASY-R  AMT ട്രാൻസ്‍മിഷനുകളിൽ 1.0L എനർജി എഞ്ചിൻ, MT, X-TRONIC CVT ട്രാൻസ്മിഷനുകളിൽ 1.0L ടർബോ എന്നീ രണ്ട് എഞ്ചിൻ ഓപ്ഷനുകളിൽ ലഭ്യമാണ്, കൈഗർ MY22 ശ്രേണിയിൽ ഉടനീളം ഒരു സ്റ്റാൻഡേർഡ് ഫീച്ചറായി PM2.5 അഡ്വാൻസ്ഡ് അറ്റ്മോസ്ഫെറിക് ഫിൽട്ടർ ലഭ്യമാക്കുന്നുണ്ട്.  ക്യാബിനിനുള്ളിൽ മികച്ച വായു നിലവാരം. പുതിയ റെഡ് ഫേഡ് ഡാഷ്‌ബോർഡ് ആക്‌സന്റും റെഡ് സ്റ്റിച്ചിംഗിൽ അലങ്കരിച്ച ക്വിൽറ്റഡ് എംബോസ് സീറ്റ് അപ്‌ഹോൾസ്റ്ററിയും  

ആകർഷണീയമാക്കിയിരിക്കുന്ന  പുതിയ ഇന്റീരിയർ കളർ ചേർച്ച കാറിന്റെ സ്‌പോർടിനെസ് വർദ്ധിപ്പിക്കുന്നു. മൊത്തത്തിലുള്ള ഡ്രൈവിംഗ് അനുഭവവും സൗകര്യങ്ങളും മെച്ചപ്പെടുത്തിക്കൊണ്ട്, വയർലെസ് സ്മാർട്ട്‌ഫോൺ റെപ്ലിക്കേഷൻ, ക്രൂയിസ് കൺട്രോൾ ഫംഗ്‌ഷനുകൾ എന്നിവ ഉൾപ്പെടുത്തിയിട്ടുണ്ട്. ഇതു കൂടാതെ സൌന്ദര്യം തുളുമ്പുന്ന പുതിയ ഡബിൾ ടോണിൽ ബ്ലാക്ക് റൂഫുള്ള മെറ്റൽ മസ്റ്റാർഡ് കളർ ഓപ്ഷനും ചേർത്തിട്ടുണ്ട്. റെനൊ കിഗർ 2022 ടർബോ ശ്രേണിയിൽ പുതിയ ടെയിൽഗേറ്റ് ക്രോം ഇൻസേർട്ട്, ഫ്രണ്ട് സ്‌കിഡ് പ്ലേറ്റ്, ടർബോ ഡോർ ഡെക്കാൽസ്ലുകൾ എന്നിവയ്‌ക്കൊപ്പം റെഡ് വീൽ ക്യാപ്പുകളുള്ള 40.64 സെ.മീ ഡയമണ്ട് കട്ട് അലോയ് വീലുകളും ഉൾപ്പെടുന്നു, ഇത് എക്സ്റ്റീരിയറിനെ കൂടുതൽ ആകർഷകവും സ്‌പോർട്ടിയുമാക്കുന്നു. ഇന്ത്യയിൽ റെനോയുടെ പത്താം വാർഷിക ആഘോഷങ്ങളുടെ ഭാഗമായി കഴിഞ്ഞ വർഷം പുറത്തിറക്കിയ കിഗർ RXT(O) വേരിയന്റ്, 1.0L ടർബോയിൽ MT & X-TRONIC CVT ട്രാൻസ്‍മിഷനിലും ആകർഷകമായ വിലയിലും ലഭിക്കും.