ജാപ്പനീസ് വാഹന നിര്‍മ്മാതാക്കളായ നിസാന് അടുത്തിടെയാണ് ഡാറ്റ്സണ്‍ ബ്രാന്‍ഡിനെ വിപണിയില്‍ നിന്നും പിന്‍വലിച്ചത്. എന്നാല്‍ ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ പറയുന്നത് ഡാറ്റ്സണ്‍ ഒരുപക്ഷേ വിപണിയിലേക്ക് തിരികെ എത്തും എന്നാണ്. നിസാൻ ഡാറ്റ്സനെ ഒരു ഇവി ബ്രാൻഡായി തിരികെ കൊണ്ടുവന്നേക്കാം, ഇത് വളർന്നുവരുന്ന വിപണികളെ ലക്ഷ്യം വയ്ക്കാൻ സാധ്യതയുണ്ട്. വളർന്നുവരുന്ന വിപണികൾക്ക് താങ്ങാനാവുന്ന ചെറിയ ഇവികളായി ഡാറ്റ്സൺ ഇലക്ട്രിക് കാറുകളെ നിസാന് അവതരിപ്പിക്കാൻ കഴിയും.
ജാപ്പനീസ് വാഹന നിര്‍മ്മാതാക്കളായ നിസാന് അടുത്തിടെയാണ് ഡാറ്റ്സണ്‍ ബ്രാന്‍ഡിനെ വിപണിയില്‍ നിന്നും പിന്‍വലിച്ചത്. എന്നാല്‍ ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ പറയുന്നത് ഡാറ്റ്സണ്‍ ഒരുപക്ഷേ വിപണിയിലേക്ക് തിരികെ എത്തും എന്നാണ്. നിസാന്റെ താങ്ങാനാവുന്ന വിലയുള്ള കാർ ബ്രാൻഡായ ഡാറ്റ്സൻ ഒരു ഓൾ-ഇലക്ട്രിക് വാഹന ബ്രാൻഡായി തിരിച്ചുവരുമെന്നും വളർന്നുവരുന്ന വിപണികളെ ലക്ഷ്യമിടുന്നതായും ഓട്ടോമോട്ടീവ് ന്യൂസിനെ ഉദ്ദരിച്ച് ഹിന്ദുസ്ഥാന്‍ ടൈംസ് ഓട്ടോ റിപ്പോർട്ട് ചെയ്യുന്നു.
Nissan India : 100 ശതമാനം വാർഷിക വളർച്ച രേഖപ്പെടുത്തി നിസാൻ ഇന്ത്യ, കയറ്റുമതിയിലും വര്‍ദ്ധനവ്
ഇന്ത്യൻ വിപണിയിൽ ഡാറ്റ്സൻ നിർത്തലാക്കുന്നതായി നിസാൻ പ്രഖ്യാപിച്ച് കുറച്ച് ദിവസങ്ങൾക്ക് ശേഷമാണ് ഈ റിപ്പോര്‍ട്ട് പുറത്ത് വരുന്നത്. വളർന്നുവരുന്ന വിപണികൾക്ക് താങ്ങാനാവുന്ന കാർ എന്ന നിലയിൽ ഡാറ്റ്സനെ അവതരിപ്പിച്ച് 10 വർഷത്തിനുള്ളിൽ ആണ് നിര്‍ത്താലക്കുന്ന ഈ തീരുമാനം ഉണ്ടായത്. പ്രായോഗികവും താങ്ങാനാവുന്നതുമായ കാറുകൾ പുറത്തിറക്കിയിട്ടും ഇന്ത്യൻ വിപണിയിൽ പ്രതീക്ഷിച്ച വിൽപ്പന കണക്കുകൾ നേടാൻ കാർ നിർമ്മാതാവിന് കഴിഞ്ഞില്ല. ഇത് ജാപ്പനീസ് ഓട്ടോമൊബൈൽ ഗ്രൂപ്പായ നിസാനെ ഡാറ്റ്‌സണിന്‍റെ പ്രവര്‍ത്തനം അവസാനിപ്പിക്കാൻ പ്രേരിപ്പിച്ചു. ഡാറ്റ്‌സന്റെ കഥ പൂര്‍ണമായും അവസാനിച്ചെന്ന് പലരും അനുമാനിക്കുമ്പോൾ, ഏറ്റവും പുതിയ റിപ്പോർട്ട് സൂചിപ്പിക്കുന്നത് കാർ നിർമ്മാതാവിന് ഇനിയും തിരിച്ചുവരാനുള്ള അവസരം ഉണ്ട് എന്നാണ്.
എന്നാൽ ഇതുവരെ ഒന്നും ഔദ്യോഗികമായി സ്ഥിരീകരിച്ചിട്ടില്ലെന്നും പുറത്തുവന്ന റിപ്പോർട്ടുകള്‍ സൂചിപ്പിക്കുന്നു. സമീപ ഭാവിയിൽ ഒരു ബജറ്റ് ഇലക്ട്രിക് കാർ ബ്രാൻഡായി ഡാറ്റ്സനെ പുനരുജ്ജീവിപ്പിക്കാനുള്ള ചർച്ചകളുടെ പ്രാരംഭ ഘട്ടത്തിലാണ് നിസാൻ എന്നാണ് സൂചനകള്‍.
ഗുജറാത്തിലേക്ക് പറന്ന വിമാനത്തിന്‍റെ എഞ്ചിന്‍ കവര്‍ മുംബൈ ആകാശത്ത് വച്ച് ഊരിത്തെറിച്ചു!
ലോകമെമ്പാടുമുള്ള ആയിരക്കണക്കിന് ഉടമകൾക്ക്, ഡാറ്റ്സൺ ആകർഷകമായ ഡ്രൈവിംഗ് അനുഭവം, ശരിയായ വിലയിൽ ഉടമസ്ഥാവാകാശം, വലിയ മൂല്യം എന്നിവ പ്രദാനം ചെയ്യുന്നത് തുടരുകയാണെന്ന് ഡാറ്റ്‌സന്റെ നിർത്തലാക്കൽ പ്രഖ്യാപിച്ചുകൊണ്ട് നിസാൻ പ്രസ്‍താവനയിൽ പറഞ്ഞിരുന്നു. ഡാറ്റ്സണിന് ഒരു ഭാവിയുണ്ടാകുമെന്ന് ഈ പ്രസ്‍താവന സൂചന നൽകുന്നു. “നിസാന്റെ ആഗോള പരിവർത്തന തന്ത്രത്തിന്റെ ഭാഗമായി, ഉപഭോക്താക്കൾക്കും ഡീലർ പങ്കാളികൾക്കും ബിസിനസിനും ഏറ്റവും കൂടുതൽ പ്രയോജനം നൽകുന്ന പ്രധാന മോഡലുകളിലും സെഗ്‌മെന്റുകളിലും നിസാൻ ശ്രദ്ധ കേന്ദ്രീകരിക്കുന്നു.. ” കമ്പനിയുടെ പ്രസ്‍താവന പറയുന്നു.
മറ്റുപല ആഗോള വാഹന നിർമ്മാതാക്കളെയും പോലെ, നിസാനും പരമ്പരാഗത പെട്രോൾ, ഡീസൽ പവർട്രെയിൻ സാങ്കേതികവിദ്യകളിൽ നിന്ന് ഇലക്ട്രിക് പവർട്രെയിനിലേക്കുള്ള പരിവർത്തനത്തിൽ ശ്രദ്ധ കേന്ദ്രീകരിക്കുന്നു. ഇതിൽ ശ്രദ്ധ കേന്ദ്രീകരിച്ച്, ഓട്ടോമൊബൈൽ ഗ്രൂപ്പ് അതിന്റെ പ്രവർത്തനവും ചെലവുകളും കാര്യക്ഷമമാക്കാൻ ലക്ഷ്യമിടുന്നു. ഡാറ്റ്സൺ നിർത്തലാക്കാനുള്ള തീരുമാനവും ഈ തന്ത്രത്തിന്റെ അടിസ്ഥാനത്തിൽ മാത്രമാണ് എന്നാണ് റിപ്പോര്‍ട്ടുകള്‍.
നിര്‍മ്മാണം അവസാനിപ്പിച്ചു, ഇനിയില്ല ഈ കാര്‍ ബ്രാന്‍ഡും!
ജാപ്പനീസ് (Japanese) വാഹന നിര്‍മ്മാതാക്കളായ നിസാൻ ഇന്ത്യ (Nissan India) ഡാറ്റ്സന്‍ ബ്രാന്‍ഡിന്‍റെ (Datsun) രാജ്യത്തെ യാത്ര അവസാനിപ്പിച്ചതായി റിപ്പോര്‍ട്ട്. ഡാറ്റ്സൺ റെഡിഗോയുടെ ചെന്നൈ പ്ലാന്റിലെ ഉൽപ്പാദനം കമ്പനി നിർത്തിവച്ചതായി കാര്‍ വാലെ, ഹിന്ദുസ്ഥാന്‍ ടൈംസ് ഓട്ടോ തുടങ്ങിയ മാധ്യമങ്ങള്‍ റിപ്പോര്‍ട്ട് ചെയ്യുന്നു. നിലവിലുള്ള സ്റ്റോക്കിന്‍റെ വിൽപ്പനയും ഒപ്പം ദേശീയ ഡീലർഷിപ്പ് ശൃംഖല വഴി വിൽപ്പനാനന്തര സേവനവും വാറന്റി പിന്തുണയും പാർട്‌സുകളുടെ ലഭ്യത ഉറപ്പാക്കുന്നതും കമ്പനി തുടരും എന്നാണ് റിപ്പോര്‍ട്ടുകള്‍.
കമ്പനി ഗോ , ഗോ പ്ലസ് എന്നിവയുടെ നിർമ്മാണം കുറച്ച് മുമ്പ് നിർത്തിയിരുന്നു. കഴിഞ്ഞ കുറച്ച് വർഷങ്ങളായി, ആഗോളതലത്തിൽ ഡാറ്റ്സൺ ബ്രാൻഡിനെ ഘട്ടംഘട്ടമായി നിർത്തലാക്കാൻ നിസാൻ പദ്ധതിയിട്ടിരുന്നു. 2020-ൽ റഷ്യയിലും ഇന്തോനേഷ്യയിലും ഡാറ്റ്സൺ ബ്രാൻഡ് കമ്പനി നിർത്തലാക്കിയിരുന്നു. ഇതുവരെ ഡാറ്റ്സൺ ബ്രാൻഡ് പ്രവർത്തനക്ഷമമായ അവസാന വിപണി ഇന്ത്യ ആയിരുന്നു. ഡാറ്റ്സൺ ബ്രാൻഡ് കുറച്ച് നാളുകളായി കുറഞ്ഞ വിൽപ്പന സംഖ്യയുമായി മല്ലിടുകയായിരുന്നു. 2020-ൽ ഡാറ്റ്‌സണിൽ നിന്ന് അപ്‌ഡേറ്റ് ലഭിച്ച അവസാന ഉൽപ്പന്നമാണ് റെഡിഗോ.
ചെന്നൈ പ്ലാന്റിലെ റെഡി-ഗോയുടെ ഉൽപ്പാദനം അവസാനിപ്പിച്ചതായി കമ്പനി ബുധനാഴ്‍ച സ്ഥിരീകരിച്ചതോടെ നിസാൻ മോട്ടോർ ഇന്ത്യ ഡാറ്റ്സൺ ബ്രാൻഡിന്റെ രാജ്യത്തെ നീണ്ട, ഏറെക്കുറെ ശ്രദ്ധേയമല്ലാത്ത ഓട്ടം അവസാനിപ്പിച്ചത് എന്ന് എച്ച്ടി ഓട്ടോ റിപ്പോര്‍ട്ട് ചെയ്യുന്നു. ഡാറ്റ്സൻ ഇപ്പോൾ ലോകമെമ്പാടും അതിന്റെ അവസാന ഘട്ടത്തിലാണ്. അതിന്റെ മോഡലുകൾ ചുരുക്കം ചില വിപണികളിൽ മാത്രമേ ലഭ്യമാകൂ.
റോഡപകടം, പരിക്കേറ്റയാളെ കോരിയെടുത്ത് കാറിലാക്കി ആശുപത്രിയിലേക്ക് പാഞ്ഞ് താരം, കയ്യടിച്ച് ജനം!
ഡാറ്റ്സൺ ബ്രാൻഡ് ഇന്ത്യയിൽ നിസാൻ ആണ് കൈകാര്യം ചെയ്യുന്നത്.. ഗോ പ്ലസ്, ഗോ , റെഡി ഗോ തുടങ്ങിയ മോഡലുകൾ പണത്തിന് മൂല്യം നൽകാനുള്ള നിർദ്ദേശത്തിൽ വലിയ തോതിൽ മുന്നേറാൻ ശ്രമിച്ചെങ്കിലും വിൽപ്പന എണ്ണം വളരെ കുറവായിരുന്നു. എന്നിരുന്നാലും, റെഡി-ഗോയുടെ സ്റ്റോക്കുള്ള വിൽപ്പന തുടരുമെന്നും നിലവിലുള്ള ഡാറ്റ്സൺ വാഹന ഉടമകൾക്ക് ഇപ്പോഴും സേവനം നൽകുമെന്നും നിസാൻ ഉറപ്പുനൽകുന്നു. ചെന്നൈ പ്ലാന്റിൽ ഡാറ്റ്സൺ റെഡി-ഗോയുടെ ഉത്പാദനം നിർത്തിയതായി കമ്പനി വാർത്താക്കുറിപ്പിൽ അറിയിച്ചു. മോഡലിന്റെ വിൽപ്പന ഇപ്പോഴും തുടരുകയാണ്. ഉപഭോക്തൃ സംതൃപ്‍തി മുൻ‌ഗണനയായി തുടരുമെന്ന് നിലവിലുള്ളതും ഭാവിയിലെതുമായ എല്ലാ ഡാറ്റ്സൺ ഉടമകൾക്കും ഉറപ്പുനൽകുന്നതായും കൂടാതെ കമ്പനിയുടെ ദേശീയ ഡീലർഷിപ്പ് നെറ്റ്‌വർക്കിൽ നിന്ന് ഉയർന്ന തലത്തിലുള്ള ആഫ്റ്റർസെയിൽ സേവനവും പാർട്‌സ് ലഭ്യതയും വാറന്റി പിന്തുണയും തുടർന്നും നൽകും എന്നും കമ്പനി വ്യക്തമാക്കിയതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു.
Nissan Magnite : നിസാൻ മാഗ്‌നൈറ്റ് 50,000 യൂണിറ്റ് ഉൽപ്പാദന നാഴികക്കല്ല് പിന്നിട്ടു
2020 ഡിസംബറിൽ പുറത്തിറക്കിയ മാഗ്‌നൈറ്റ് സബ്-കോംപാക്റ്റ് എസ്‌യുവിയിലാണ് നിസാൻ ഇന്ത്യ ഇപ്പോൾ ശ്രദ്ധ കേന്ദ്രീകരിക്കുന്നത്. നിസാനെ സംബന്ധിച്ച് മാഗ്‌നൈറ്റ് ഒരു മുഖ്യ ഉൽപ്പന്നമാണ്. നിസാനെ രക്ഷിക്കാൻ മാഗ്നൈറ്റിന് വലിയ തോതിൽ കഴിഞ്ഞു. ആകർഷകമായ ലുക്ക്, പെപ്പി ടർബോ എഞ്ചിൻ, എക്‌സ്‌ട്രോണിക് ട്രാൻസ്മിഷൻ യൂണിറ്റ് എന്നിവ പോലുള്ള മറ്റ് ചില ഹൈലൈറ്റുകളും ആകർഷകമായ വിലയും കാരണം വാഹനം ജനപ്രിയമായി മാറി. നിസാന്റെ ആഗോള പരിവർത്തന തന്ത്രത്തിന്റെ ഭാഗമായി, ഉപഭോക്താക്കൾക്കും ഡീലർ പങ്കാളികൾക്കും ബിസിനസിനും ഏറ്റവും കൂടുതൽ പ്രയോജനം നൽകുന്ന പ്രധാന മോഡലുകളിലും സെഗ്‌മെന്റുകളിലും നിസാൻ ശ്രദ്ധ കേന്ദ്രീകരിക്കുന്നു.
എന്നാൽ മാഗ്‌നൈറ്റ് ഒഴികെ, നിസാൻ ഇന്ത്യയുടെ ബാനറിന് കീഴിൽ മറ്റൊരു ജനപ്രിയ മോഡലും ഇല്ല. കിക്ക്‌സ് എസ്‌യുവിയും ജിടി-ആർ പെർഫോമൻസ് കാറും മാത്രമാണ് മറ്റ് രണ്ട് മോഡലുകൾ. GT-R ഇറക്കുമതി വഴിയാണ് ഇന്ത്യയിലേക്ക് വരുന്നത്.