മാരുതി, ഫോക്സ്വാഗണ്, ടാറ്റ, മഹീന്ദ്ര തുടങ്ങിയ വാഹന നിര്മ്മാതാകകളുടെ ചെറുകാറുകള് ഡീസല് എന്ജിനോട് വിട പറയാനൊരുങ്ങുകയാണെന്ന് റിപ്പോര്ട്ടുകള്
മാരുതി, ഫോക്സ്വാഗണ്, ടാറ്റ, മഹീന്ദ്ര തുടങ്ങിയ വാഹന നിര്മ്മാതാകകളുടെ ചെറുകാറുകള് ഡീസല് എന്ജിനോട് വിട പറയാനൊരുങ്ങുകയാണെന്ന് റിപ്പോര്ട്ടുകള്. പെട്രോള്, സിഎന്ജി എന്ജിനുകളിലേക്ക് മാത്രം ഈ കമ്പനികള് ശ്രദ്ധ കേന്ദ്രീകരിക്കാനൊരുങ്ങുകയാണെന്നാണ് റിപ്പോര്ട്ടുകള്.
പ്രകൃതി സൗഹാര്ദ ഇന്ധനങ്ങള്ക്ക് പ്രധാന്യം നല്കുന്നതിനൊപ്പം ബിഎസ്-6 എന്ജിന്റെ നിര്മാണചിലവ് കൂടി കണക്കിലെടുത്താണ് ഈ തീരുമാനമെന്നാണ് റിപ്പോര്ട്ടുകള്. നിലവിലുള്ള ചെറിയ ഡീസല് എന്ജിനുകള് ബിഎസ്-6 നിലവാരത്തിലേക്ക് മാറ്റാന് ഏകദേശം 1.5 ലക്ഷം രൂപയാണ് ചിലവ് പ്രതീക്ഷിക്കുന്നത്. അതേസമയം ബിഎസ്-6 പെട്രോള് എന്ജിന് നിര്മ്മിക്കാന് വെറും 30,000 രൂപ മതിയാകും.
ഭാവിയില് പെട്രോള്, സിഎന്ജി എന്ജിനുകളില് മാത്രമേ ചെറുകാറുകള് പുറത്തിറക്കൂവെന്ന് മാരുതി മുമ്പ് തന്നെ പ്രഖ്യാപിച്ചിരുന്നു. മാരുതിയുടെ ടോപ്പ് സെല്ലിങ് മോഡലുകളില് പ്രവര്ത്തിക്കുന്ന 1.3 ലിറ്റര് ഫിയറ്റ് ഡീസല് എന്ജിന് ഈ വര്ഷം അവസാത്തോടെ നിര്മാണം അവസാനിപ്പിക്കുമെന്നാണ് വിവരം.
ഫോക്സ വാഗണ് പോളോ ഉള്പ്പെടെയുള്ള കാറുകള് ഭാവിയില് പെട്രോള് മാത്രമേ എത്താനിടയുള്ളൂ.