2022 നവംബറിൽ ഇറ്റലിയിലെ മിലാനിൽ നടക്കുന്ന 2022 EICMA യിൽ പുതിയ സൂപ്പർ മെറ്റിയർ 650, പുതിയ ഹിമാലയൻ 450 എന്നിവ കമ്പനി അനാച്ഛാദനം ചെയ്യുമെന്നാണ് പുതിയ റിപ്പോര്ട്ടുകള്.
മൂന്ന് പുതിയ 650 സിസി ബൈക്കുകൾ , പുതിയ ബുള്ളറ്റ് 350 , പുതിയ ഹിമാലയൻ 450 എന്നിവ ഉൾപ്പെടെ ഒന്നിലധികം പുതിയ മോട്ടോർസൈക്കിളുകളുടെ പണിപ്പുരയിലാണ് റോയൽ എൻഫീൽഡ്. കഴിഞ്ഞ വർഷത്തെ EICMA മോട്ടോർ ഷോയിൽ കമ്പനി SG650 കൺസെപ്റ്റ് പ്രദർശിപ്പിച്ചിരുന്നു. 2022 നവംബറിൽ ഇറ്റലിയിലെ മിലാനിൽ നടക്കുന്ന 2022 EICMA യിൽ പുതിയ സൂപ്പർ മെറ്റിയർ 650, പുതിയ ഹിമാലയൻ 450 എന്നിവ കമ്പനി അനാച്ഛാദനം ചെയ്യുമെന്നാണ് പുതിയ റിപ്പോര്ട്ടുകള്. എന്നിരുന്നാലും റോയൽ എൻഫീൽഡ് ഇതേക്കുറിച്ച് ഔദ്യോഗിക പ്രഖ്യാപനം നടത്തിയിട്ടില്ല.
പള്ളിവേട്ടയ്ക്ക് റെഡിയായി ഇന്ത്യൻ യുവരാജൻ വിദേശത്തും!
റെട്രോ ശൈലിയിലുള്ള ക്രൂയിസർ മോട്ടോർസൈക്കിളാണ് പുതിയ ആര്ഇ സൂപ്പർ മെറ്റിയർ 650. സ്റ്റൈലിംഗിന്റെ കാര്യത്തിൽ, പുതിയ ക്രൂയിസറിന് ക്രമീകരിക്കാൻ കഴിയാത്ത, വലിയ വിൻഡ്ഷീൽഡ്, ക്രോം ചെയ്ത ക്രാഷ് ഗാർഡുകൾ, അലോയ് വീലുകൾ, ഫോർവേഡ്-സെറ്റ് ഫൂട്ട് പെഗുകൾ, ഫ്ലാറ്റർ റിയർ ഫെൻഡർ, റൗണ്ട് ടെയിൽ-ലൈറ്റുകൾ, ടേൺ ഇൻഡിക്കേറ്ററുകൾ എന്നിവയ്ക്കൊപ്പം വൃത്താകൃതിയിലുള്ള ഹെഡ്ലാമ്പ് ലഭിക്കും. ഇരട്ട പൈപ്പ് എക്സ്ഹോസ്റ്റ് സംവിധാനവും ഇതിലുണ്ടാകും. ബൈക്കിനൊപ്പം നിരവധി ടൂറിങ് ഫ്രണ്ട്ലി ആക്സസറികളും റോയൽ എൻഫീൽഡ് വാഗ്ദാനം ചെയ്യും. ട്രിപ്പർ നാവിഗേഷനായി ചെറിയ പാഡുള്ള സെമി ഡിജിറ്റൽ ഇൻസ്ട്രുമെന്റ് കൺസോൾ പുതിയ മോട്ടോർസൈക്കിളിനുണ്ടാകും.
പുതിയ RE സൂപ്പർ മെറ്റിയർ 650 റോയൽ എൻഫീൽഡിന്റെ 650 ഇരട്ടകളുമായി എഞ്ചിനും പ്ലാറ്റ്ഫോമും പങ്കിടും. ഫ്യുവൽ ഇഞ്ചക്ഷൻ സാങ്കേതികവിദ്യയുള്ള 648 സിസി, പാരലൽ ട്വിൻ സിലിണ്ടർ എഞ്ചിനാണ് ഇതിന് കരുത്തേകുന്നത്. ഈ എഞ്ചിന് 47PS പവറും 52Nm ടോർക്കും ഉത്പാദിപ്പിക്കാൻ കഴിയും. സ്ലിപ്പറും അസിസ്റ്റ് ക്ലച്ചും ഉള്ള 6-സ്പീഡ് ഗിയർബോക്സുമായി എഞ്ചിൻ ജോടിയാക്കും. സസ്പെൻഷൻ ഡ്യൂട്ടിക്കായി, ബൈക്കിന് USD ഫ്രണ്ട് ഫോർക്കുകളും പിന്നിൽ ഇരട്ട ഷോക്ക് അബ്സോർബറുകളും ലഭിക്കും. സ്റ്റാൻഡേർഡ് ഡ്യുവൽ ചാനൽ എബിഎസിനൊപ്പം ഡിസ്ക് ബ്രേക്കുകളും മോട്ടോർസൈക്കിളിന് ഉണ്ടായിരിക്കും.
റോയൽ എൻഫീൽഡ് അതിന്റെ സോഷ്യൽ മീഡിയ അക്കൗണ്ടിൽ പുതിയ ഹിമാലയൻ 450 യെ ടീസ് ചെയ്തിട്ടുണ്ട്. പുതിയ മോട്ടോർസൈക്കിൾ ഒരു പുതിയ പ്ലാറ്റ്ഫോമിനെ അടിസ്ഥാനമാക്കിയുള്ളതായിരിക്കും. കൂടാതെ പുതിയ പവർട്രെയിൻ സജ്ജീകരിക്കുകയും ചെയ്യും. പുതിയ മോട്ടോർസൈക്കിളിന് വൃത്താകൃതിയിലുള്ള എൽഇഡി ഹെഡ്ലാമ്പും ഉയരമുള്ള വിൻഡ്ഷീൽഡും ഉണ്ടായിരിക്കുമെന്ന് ടീസർ കാണിക്കുന്നു. സാധാരണ മോഡലുമായി താരതമ്യപ്പെടുത്തുമ്പോൾ, പുതിയ ഹിമാലയൻ 450 ന് പുതിയ ഇന്ധന ടാങ്ക്, ഫ്രണ്ട് കൊക്ക്, എക്സ്ഹോസ്റ്റ്, സൈഡ് പാനലുകൾ എന്നിവയുണ്ടാകും.
ആരംഭിക്കലാമാ..! 'രാജകീയ' പടപ്പുറപ്പാട്, ആനന്ദക്കണ്ണീര് പൊഴിച്ച് എന്ഫീല്ഡ് പ്രേമികള്
40 ബിഎച്ച്പിയും 45 എൻഎം ടോർക്കും ഉൽപ്പാദിപ്പിക്കാൻ സാധ്യതയുള്ള 450 സിസി എഞ്ചിനാണ് പുതിയ ഹിമാലയൻ 450 ന് കരുത്ത് പകരുന്നത്. ഇത് ഹിമാലയൻ 400 സിസിയെക്കാൾ കൂടുതൽ ശക്തവും ടോർക്കുമാണ്. നിലവിലെ 400 സിസി മോട്ടോർ 24.3 ബിഎച്ച്പിയും 32 എൻഎം ടോർക്കും ഉൽപ്പാദിപ്പിക്കും. നിലവിലുള്ള 5-സ്പീഡ് യൂണിറ്റിന് പകരം 6-സ്പീഡ് ഗിയർബോക്സാണ് ട്രാൻസ്മിഷൻ ചുമതലകൾ നിർവഹിക്കുന്നത്. മോട്ടോർസൈക്കിളിന് മുന്നിൽ യുഎസ്ഡി ഫോർക്കുകളും പിന്നിൽ മോണോഷോക്കും ഉണ്ടാകും.