സ്ലാവിയയുടെ വില കൂട്ടി സ്‍കോഡ

നിലവിലുള്ള ചിപ്പ് ക്ഷാമം കാരണം, സ്കോഡ 10 ഇഞ്ച് ഇൻഫോടെയ്ൻമെന്റ് സിസ്റ്റത്തെ 8 ഇഞ്ച് യൂണിറ്റായി തരംതാഴ്ത്തി. ആംബിഷൻ, സ്റ്റൈൽ വേരിയന്റുകളെ ഈ തരംതാഴ്ത്തൽ ബാധിക്കുന്നു. 

സ്‌കോഡ സ്ലാവിയ മിഡ്-സൈസ് സെഡാന്റെ വില 60000 രൂപ വരെ വർദ്ധിപ്പിച്ചു. 2022 ഫെബ്രുവരിയിൽ ലോഞ്ച് ചെയ്ത ശേഷം സെഡാന് ലഭിക്കുന്ന ആദ്യ വില വർധനയാണിത് എന്ന് മോട്ടോറോയിഡ്‍സ് റിപ്പോര്‍ട്ട് ചെയ്യുന്നു. നിലവിലുള്ള ചിപ്പ് ക്ഷാമം കാരണം, സ്കോഡ 10 ഇഞ്ച് ഇൻഫോടെയ്ൻമെന്റ് സിസ്റ്റത്തെ 8 ഇഞ്ച് യൂണിറ്റായി തരംതാഴ്ത്തി. ആംബിഷൻ, സ്റ്റൈൽ വേരിയന്റുകളെ ഈ തരംതാഴ്ത്തൽ ബാധിക്കുന്നു. 

സ്ലാവിയയ്ക്ക് 4,541 എംഎം നീളവും 1,752 എംഎം വീതിയും 1,487 എംഎം ഉയരവും 2,651 എംഎം വീൽബേസും ഉണ്ട്. ആദ്യ തലമുറ ഒക്ടാവിയയേക്കാൾ വലുതാണ് സ്ലാവിയയെന്ന് സ്കോഡ അവകാശപ്പെടുന്നു. ബട്ടർഫ്ലൈ ഗ്രില്ലുള്ള ഒരു സാധാരണ സ്കോഡ മുഖം വെളിപ്പെടുത്തുന്നതാണ് മുൻഭാഗം. ഹെഡ്‌ലൈറ്റുകൾ എൽ ആകൃതിയിലുള്ള എൽഇഡി യൂണിറ്റുകളും ഫോഗ് ലാമ്പുകൾ ഹാലൊജൻ യൂണിറ്റുകളുമാണ്. വശത്ത് 16 ഇഞ്ച് ഡ്യുവൽ ടോൺ അലോയ് വീലുകൾ ഉണ്ട്. എല്ലാ സ്കോഡ സെഡാനുകളും പിന്തുടരുന്ന ഒരു ഡിസൈൻ സ്വഭാവമാണ് പിൻവശത്തെ നോച്ച്ബാക്ക് ഡിസൈൻ.

ക്രിസ്റ്റലിൻ വിശദാംശങ്ങളുള്ള LED ടെയിൽ‌ലാമ്പുകളും ഇതിന്റെ സവിശേഷതയാണ്. സ്ലാവിയയുടെ ഉൾവശം ഒക്ടാവിയയോടും കുഷാക്കിനോടും ശക്തമായ സാമ്യം പുലർത്തുന്നു. ഹാൻഡ് ബ്രേക്ക്, സ്വിച്ച് ഗിയർ, ഗിയർ ലിവർ, ടച്ച് സെൻസിറ്റീവ് ക്ലൈമറ്റ് കൺട്രോൾ യൂണിറ്റ് എന്നിവ കുഷാക്കിൽ നിന്ന് കടമെടുത്തതാണ്. കുഷാക്കിൽ നിന്ന് കടമെടുത്ത 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റമാണ് മധ്യഭാഗം ഏറ്റെടുത്തിരിക്കുന്നത്. ഫീച്ചറുകളുടെ കാര്യത്തിൽ, സ്ലാവിയയിൽ വയർലെസ് ആൻഡ്രോയിഡ് ഓട്ടോ, ആപ്പിൾ കാർ പ്ലേ, ഓട്ടോമാറ്റിക് ക്ലൈമറ്റ് കൺട്രോൾ, റിവേഴ്സ് പാർക്കിംഗ് ക്യാമറ, ഓട്ടോ ഹെഡ്‌ലാമ്പുകൾ, ഓട്ടോ വൈപ്പറുകൾ, റിയർവ്യൂ മിററിനുള്ളിൽ ഓട്ടോ-ഡിമ്മിംഗ്, ഓട്ടോ ഫോൾഡിംഗ് മിററുകൾ, വയർലെസ് ചാർജിംഗ്, വെന്റിലേറ്റഡ് സീറ്റുകൾ എന്നിവയുണ്ട്. ഇലക്ട്രിക് സൺറൂഫ്, ക്രൂയിസ് കൺട്രോൾ, പുഷ്-ബട്ടൺ സ്റ്റാർട്ടോടുകൂടിയ കീലെസ് എൻട്രി. പ്രായോഗികതയുടെ കാര്യത്തിൽ, 521 ലിറ്റർ ബൂട്ട് സ്പേസ് ലഭിക്കുന്നു.

സ്ലാവിയ അതിന്റെ പവർട്രെയിൻ ഓപ്ഷനുകൾ കുഷാക്കുമായും പങ്കിടുന്നു. ടർബോചാർജ്ഡ് 1.0 ലിറ്റർ 3 സിലിണ്ടർ TSI എഞ്ചിൻ 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനോട് ചേർന്ന് 115hp, 175 Nm ടോർക്കും ഉത്പാദിപ്പിക്കുന്നു. 6-സ്പീഡ് മാനുവൽ അല്ലെങ്കിൽ 7-സ്പീഡ് DSG ഡ്യുവൽ-ക്ലച്ച് ഓട്ടോമാറ്റിക് ട്രാൻസ്മിഷനുമായി ഘടിപ്പിച്ച 150hp ഉം 250 Nm torque ഉം ഉത്പാദിപ്പിക്കുന്ന ടർബോചാർജ്ഡ് 1.5 ലിറ്റർ 4 സിലിണ്ടർ TSI എഞ്ചിനും ഇതിന് ലഭിക്കുന്നു.