ഹ്യുണ്ടായ് വെന്യു, കിയ സോനെറ്റ്, മാരുതി ബ്രെസ്സ, ടാറ്റ നെക്സോൺ തുടങ്ങിയ കാറുകൾക്ക് വെല്ലുവിളി ഉയർത്താൻ ചെക്ക് വാഹന നിർമ്മാതാവ് ഉയർന്ന മത്സരാധിഷ്ഠിത സബ്-4 മീറ്റർ എസ്യുവി സെഗ്‌മെന്റിലേക്കും പ്രവേശിക്കും എന്നാണ് പുതിയ റിപ്പോര്‍ട്ടുകള്‍.
അടുത്ത 12 മാസത്തിനുള്ളിൽ മൂന്നു മുതൽ അഞ്ച് വരെ പുതിയ മോഡലുകളുമായി തങ്ങളുടെ ഉൽപ്പന്ന ശ്രേണി വിപുലീകരിക്കാൻ ചെക്ക് ആഡംബര വാഹന നിര്‍മ്മാതാക്കളായ സ്കോഡ ഇന്ത്യ പദ്ധതിയിടുന്നതായി റിപ്പോര്‍ട്ട്. ഹ്യുണ്ടായ് വെന്യു, കിയ സോനെറ്റ്, മാരുതി ബ്രെസ്സ, ടാറ്റ നെക്സോൺ തുടങ്ങിയ കാറുകൾക്ക് വെല്ലുവിളി ഉയർത്താൻ ചെക്ക് വാഹന നിർമ്മാതാവ് ഉയർന്ന മത്സരാധിഷ്ഠിത സബ്-4 മീറ്റർ എസ്യുവി സെഗ്‌മെന്റിലേക്കും പ്രവേശിക്കും എന്നാണ് പുതിയ റിപ്പോര്‍ട്ടുകള്‍.
പുതിയ ഇന്ത്യ 2.5 പ്ലാനിന് കീഴിൽ വരുന്ന ബ്രാൻഡിന്റെ ആദ്യ മോഡലായിരിക്കും ഇത്. മോഡൽ MQB A0 IN പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും, ഇത് 2025 ജനുവരിയോടെ ഉൽപ്പാദനത്തിലേക്ക് പ്രവേശിക്കുമെന്നും റിപ്പോർട്ടുകള്‍ ഉണ്ട്. മെയിഡ്-ഇൻ-ഇന്ത്യ സ്കോഡ കോംപാക്റ്റ് എസ്യുവി വിദേശത്തേക്ക് കയറ്റുമതി ചെയ്യും.
വരാനിരിക്കുന്ന സ്കോഡ മോഡൽ ലൈനപ്പിൽ അപ്‌ഡേറ്റ് ചെയ്ത കുഷാക്ക് എസ്‌യുവിയും സ്ലാവിയ സെഡാനും, പുതിയ സൂപ്പർബ്, എൻയാക് ഇവി, ഒക്ടാവിയ ആർഎസ് ഐവിയുടെ പരിമിത പതിപ്പുകൾ എന്നിവ ഉൾപ്പെടുന്നു. ഇതോടൊപ്പം ഒക്ടാവിയ, സൂപ്പർബ് സെഡാനുകളുടെ പ്രാദേശിക ഉൽപ്പാദനം കമ്പനി നിർത്തിയേക്കും. രണ്ട് മോഡലുകളും CKD അല്ലെങ്കിൽ CBU (പൂർണ്ണമായി നിർമ്മിച്ച യൂണിറ്റ്) വഴി ഇന്ത്യയിലേക്ക് കൊണ്ടുവരും. ലക്ഷ്വറി എസ്യുവി വിഭാഗത്തിലെ ഉയർന്ന ഡിമാൻഡ് നിറവേറ്റുന്നതിനായി, അടുത്ത വർഷത്തോടെ കമ്പനി കൊഡിയാകിന്റെ വിഹിതം വർദ്ധിപ്പിക്കാൻ സാധ്യത ഉണ്ട് എന്നും റിപ്പോര്‍ട്ടുകള്‍ ഉണ്ട്.
2022 അവസാനത്തോടെ കമ്പനി 50,000 യൂണിറ്റുകളുടെ വിൽപന നാഴികക്കല്ല് കൈവരിക്കുമെന്ന് സ്കോഡ ഓട്ടോ ഇന്ത്യയുടെ സെയിൽസ് ആൻഡ് മാർക്കറ്റിംഗ് ഡയറക്ടർ പീറ്റര്‍ സോള്‍ക്ക് വ്യക്തമാക്കിയതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. സ്കോഡ ഇന്ത്യൻ വിപണിയിൽ എത്തിയതിന് ശേഷമുള്ള ഏറ്റവും ഉയർന്ന വാർഷിക വിൽപ്പന കണക്കാണിത്. സ്‍കോഡയ്ക്ക് അതിന്റെ ഇന്ത്യൻ ഉൽപ്പന്ന പോർട്ട്‌ഫോളിയോയിൽ പൂർണ്ണമായും പ്രാദേശികവൽക്കരിച്ച രണ്ട് മോഡലുകളുണ്ട്, കുഷാക്കും സ്ലാവിയയുമാണ് ഈ മോഡലുകള്‍. 2023ൽ വിൽപ്പന വളർച്ച ഇരട്ടിയായി വർധിപ്പിക്കാനാണ് സ്കോഡ ഇന്ത്യ ലക്ഷ്യമിടുന്നത്.
ചെക്ക് വാഹന നിർമ്മാതാക്കളിൽ നിന്നുള്ള രാജ്യത്തെ ആദ്യത്തെ ഇലക്ട്രിക് കാറായിരിക്കും സ്കോഡ എൻയാക് ഇവി . ഇവിടെ, 77kWh ബാറ്ററി പാക്കും ഡ്യുവൽ മോട്ടോറുകളും ഉപയോഗിക്കുന്ന ഒരു സിംഗിൾ, റേഞ്ച്-ടോപ്പിംഗ് വേരിയന്റിൽ ഇത് ലഭ്യമാക്കാം. AWD (ഓൾ-വീൽ ഡ്രൈവ്) സംവിധാനമുള്ള ഇലക്ട്രിക് കാർ, 513km വരെ WLTP ക്ലെയിം ചെയ്ത ശ്രേണി നൽകുന്നു. 125kWh DC ഫാസ്റ്റ് ചാർജർ ഉപയോഗിച്ച് ഇതിന്റെ ബാറ്ററി പാക്ക് ചാർജ് ചെയ്യാം. ഫോക്‌സ്‌വാഗൺ ഐഡി4, ഓഡി ക്യു4 ഇ-ട്രോൺ എന്നിവയിൽ ഇതിനകം ഉപയോഗിച്ചിട്ടുള്ള ഫോക്‌സ്‌വാഗൺ ഗ്രൂപ്പിന്റെ എംഇബി ജനിച്ച ഇലക്ട്രിക് പ്ലാറ്റ്‌ഫോമിനെ എൻയാക് ഐവി അടിസ്ഥാനമിടുന്നു.