ടാറ്റയുടെ ആദ്യ പ്രീമിയം ഹാച്ച് ബാക്ക് മോഡലായ അള്ട്രോസിന്റെ 25,000 -മത്തെ യൂണിറ്റ് പ്ലാന്റില് നിന്ന് പുറത്തിറക്കി
ടാറ്റയുടെ ആദ്യ പ്രീമിയം ഹാച്ച് ബാക്ക് മോഡലായ അള്ട്രോസിന്റെ 25,000 -മത്തെ യൂണിറ്റ് പ്ലാന്റില് നിന്ന് പുറത്തിറക്കി. 2020 ഓഗസ്റ്റില് 4,941 യൂണിറ്റ് വില്പ്പന നടത്തിയ മൂന്നാമത്തെ ഏറ്റവും മികച്ച പ്രീമിയം ഹാച്ചാണ് അള്ട്രോസ്.
2020 ജനുവരിയിലാണ് വാഹനത്തെ വിപണിയില് അവതരിപ്പിക്കുന്നത്. നിലവില് XE, XM, XT, XZ, XZ (O) എന്നീ വകഭേദങ്ങളായെത്തുന്ന ഈ വാഹനത്തില് ബിഎസ്-6 നിലവാരത്തിലുള്ള 1.2 ലിറ്റര് പെട്രോള് എന്ജിനും 1.5 ലിറ്റര് ഡീസല് എന്ജിനുമാണ് കരുത്തേകുന്നത്. പെട്രോള് എന്ജിന് 86 പിഎസ് പവറും 113 എന്എം ടോര്ക്കും, ഡീസല് 90 പിഎസ് പവറും 200 എന്എം ടോര്ക്കുമേകും. അഞ്ച് സ്പീഡ് മാനുവലാണ് ട്രാന്സ്മിഷന്.
45 എക്സ് കൺസെപ്റ്റ് മോഡലെന്ന നിലയിൽ ടാറ്റ മോട്ടോഴ്സ് ആദ്യമായി 2018 ഫെബ്രുവരിയിൽ ഓട്ടോ എക്സ്പോയിൽ പ്രദർശിപ്പിച്ച വാഹനം, തുടർന്ന് 2018 മാർച്ചിൽ ജനീവ ഇന്റർനാഷണൽ മോട്ടോർ ഷോയിലും പ്രദർശിപ്പിച്ചിരുന്നു. ഫ്യൂച്ചറിസ്റ്റ് ഡിസൈനും അതിശയകരമായ പ്രൊഫൈലും കൊണ്ട് ഇരു ഷോകളിലും 45 എക്സ് കൺസെപ്റ്റ് പ്രേക്ഷകരെ അമ്പരപ്പിച്ചിരുന്നു. ആശയം യാഥാർത്ഥ്യത്തിലേക്ക് വഴിമാറിക്കൊണ്ട് ടാറ്റ മോട്ടോഴ്സ് 2019 മാർച്ചിൽ ജനീവ ഇന്റർനാഷണൽ മോട്ടോർസ് ഷോയിൽ വെച്ച് ആൽട്രോസ് ലോകത്തിന് അനാച്ഛാദനം ചെയ്തിരുന്നു. 'ആൽബട്രോസ്' എന്ന മനോഹരമായ കടൽ പക്ഷിയുടെ പേരിൽ നിന്നുമാണ് അൾട്രോസ് എന്ന പേര് ലഭിച്ചത്. ഏറ്റവും വലിപ്പംകൂടിയ കടൽപ്പക്ഷിയാണ് ആൽബട്രോസ്.
വാഹനത്തിന്റെ ഉള്വശവും സ്പോര്ട്ടി ലുക്കിലാണ്. കണക്ടിവിറ്റി സംവിധാനങ്ങളാണ് ഇന്റീരിയറിലെ പ്രധാന ആകര്ഷണം. സ്മാര്ട്ട് ഫോണ് കണക്ടിവിറ്റി, വോയിസ് കമാന്ഡ് സംവിധാനമുള്ള ഏഴ് ഇഞ്ച് ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റമാണ് ഇതിലുള്ളത്. കുറഞ്ഞ വകഭേദങ്ങളില് ഹര്മാന് ഓഡിയോ സിസ്റ്റമാണുള്ളത്. ഓട്ടോ ക്ലൈമറ്റ് കണ്ട്രോള്, റിയര് എസി വെന്റ്, വണ് ടച്ച് ഓട്ടോ ഡൗണ് വിന്റോ, ആംറെസ്റ്റ് എന്നിവയും ഇന്റീരിയറിനെ സമ്പന്നമാക്കും.
3990 എംഎം നീളവും 1755 എംഎം വീതിയും 1523 എംഎം ഉയരവുമാണ് ഈ വാഹനത്തിനുള്ളത്. 165 എംഎം ഗ്രൗണ്ട് ക്ലിയറന്സും 345 ലിറ്റര് ബൂട്ട് സ്പേസും അല്ട്രോസ് ഒരുക്കുന്നുണ്ട്. ഇന്ത്യൻ വിപണിയിൽ 90 ഡിഗ്രി ഓപ്പണിംഗ് ഡോറുകൾ വാഗ്ദാനം ചെയ്യുന്ന ആദ്യത്തെ ഉൽപ്പന്നങ്ങളിൽ ഒന്നുകൂടിയാണ് ആൾട്രോസ് ഹാച്ച്ബാക്ക്. എൽഇഡി ഡേ ടൈം റണ്ണിംഗ് ലൈറ്റുകൾ, നേര്ത്ത ഡിസൈനിലുള്ള വീതിയേറിയ ഗ്രില്ല്, സ്പോര്ട്ടി ബമ്പര്, എൽഇഡി ടൈൽലൈറ്റുകൾ, 16 ഇഞ്ച് ഡയമണ്ട് കട്ട് അലോയ് വീലുകൾ, സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ, ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയടങ്ങുന്ന 7.0 ഇഞ്ച് ഫ്ലോട്ടിംഗ് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എന്നിവ സ്റ്റാൻഡേർഡ് സവിശേഷതകളാണ്. പിന്ഭാഗവും പതിവ് ടാറ്റ കാറുകളില്നിന്ന് വ്യത്യസ്തമാണ്. വശങ്ങളിലെ വലിയ വീല് ആര്ച്ചുകള് വാഹനത്തിന് മസില്മാന് രൂപം നല്കും.
വാഹനത്തിന്റെ ടര്ബോ പതിപ്പിനെയും അവതരിപ്പിക്കാന് ഒരുങ്ങുകയാണ് കമ്പനി.