ഫുൾ ചാ‍ജ്ജിൽ 600 കിമി ഓടുന്ന ഈ ടാറ്റാ കാറിന് ഇപ്പോൾ വൻ വിലക്കിഴിവും

ടാറ്റ മോട്ടോഴ്‌സ് ഇലക്ട്രിക് കാറുകൾക്ക് ഏപ്രിൽ 2025-ൽ ആകർഷകമായ ഡിസ്‌കൗണ്ടുകൾ നൽകുന്നു. ടാറ്റ കർവ് ഇവിക്ക് 70,000 രൂപ വരെ കിഴിവ് ലഭിക്കാൻ സാധ്യത. കൂടുതൽ വിവരങ്ങൾക്കായി അടുത്തുള്ള ഡീലർഷിപ്പുമായി ബന്ധപ്പെടുക.

ടാറ്റ മോട്ടോഴ്‌സിന്റെ ഇലക്ട്രിക് കാർ ബമ്പർ ഡിസ്‌കൗണ്ടിൽ വാങ്ങാൻ മികച്ച അവസരം. 2025 ഏപ്രിലിൽ കമ്പനി തങ്ങളുടെ പല ഇലക്ട്രിക് മോഡലുകൾക്കും ബമ്പർ കിഴിവുകൾ വാഗ്ദാനം ചെയ്യുന്നു  കമ്പനിയുടെ അത്ഭുതകരമായ ഇലക്ട്രിക് കാറായ ടാറ്റാ ക‍ർവ്വ് ഇവിക്കും മികച്ച ആനുകൂല്യം ഇപ്പോൾ ലഭിക്കും. ക‍വ്വിന് പരമാവധി 70,000 രൂപ വരെ കിഴിവ് ലഭിക്കുന്നുണ്ട് എന്നാണ് റിപ്പോ‍ർ‍ട്ടുകൾ. ക്യാഷ് ഡിസ്‌കൗണ്ടിന് പുറമെ, എക്സ്ചേഞ്ച് ബോണസും ഈ ഓഫറിൽ ഉൾപ്പെടുന്നു. കിഴിവ് സംബന്ധിച്ച കൂടുതൽ വിവരങ്ങൾക്ക് ഉപഭോക്താക്കൾക്ക് അടുത്തുള്ള ഡീലർഷിപ്പുമായി ബന്ധപ്പെടാം. ടാറ്റ കർവ് ഇവിയുടെ സവിശേഷതകൾ, ഡ്രൈവിംഗ് ശ്രേണി, വില എന്നിവയെക്കുറിച്ച് വിശദമായി അറിയാം.

ടാറ്റ കർവ് ഇവിയുടെ ക്യാബിനിൽ, 12.3 ഇഞ്ച് ടച്ച്‌സ്‌ക്രീൻ, 12.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, 9-സ്പീക്കർ ജെബിഎൽ സൗണ്ട് സിസ്റ്റം, പനോരമിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ഫോൺ ചാർജർ തുടങ്ങിയ സവിശേഷതകൾ ഉപഭോക്താക്കൾക്ക് ലഭിക്കും. ഇതിനുപുറമെ, സുരക്ഷയ്ക്കായി, 6-എയർബാഗുകൾ, പിൻ പാർക്കിംഗ് സെൻസർ, 360-ഡിഗ്രി ക്യാമറയുള്ള ഇലക്ട്രോണിക് സ്റ്റെബിലിറ്റി കൺട്രോൾ, ഫ്രണ്ട് പാർക്കിംഗ് സെൻസർ, ടയർ പ്രഷർ മോണിറ്ററിംഗ് സിസ്റ്റം, ലെവൽ-2 എഡിഎഎസ് തുടങ്ങിയ സവിശേഷതകളും കാറിലുണ്ട്.

ടാറ്റ കർവ് ഇവിയിൽ രണ്ട് ബാറ്ററി പായ്ക്കുകൾ പവർട്രെയിനായി ഉപയോഗിച്ചിട്ടുണ്ട്. 45 kWh ബാറ്ററി പായ്ക്ക് ഉപയോഗിച്ച്, പൂർണ്ണമായി ചാർജ് ചെയ്താൽ 502 കിലോമീറ്റർ സഞ്ചരിക്കാൻ ഈ കാറിന് സാധിക്കും എന്ന് കമ്പനി അവകാശപ്പെടുന്നു. അതേസമയം 55 kWh ബാറ്ററി പായ്ക്കുള്ള വേരിയന്റ് പൂർണ്ണ ചാർജിൽ 585 കിലോമീറ്റർ നിർത്താതെ ഓടുമെന്ന് അവകാശപ്പെടുന്നു. ടാറ്റ കർവ് ഇവി ഉപഭോക്താക്കൾക്കായി അഞ്ച് കളർ ഓപ്ഷനുകളിൽ ലഭ്യമാണ്. ഇന്ത്യൻ വിപണിയിൽ, ടാറ്റ കർവ് ഇവിയുടെ പ്രാരംഭ എക്സ്-ഷോറൂം വില മുൻനിര മോഡലിന് 17.49 ലക്ഷം രൂപ മുതൽ 21.99 ലക്ഷം രൂപ വരെയാണ്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.