അടിച്ചുമോളേ! ഈ ജനപ്രിയ ടാറ്റ എസ്‍യുവികളുടെ പഴയ സ്റ്റോക്കുകൾക്ക് 1.25 ലക്ഷം വരെ വിലക്കിഴിവ്!

ടാറ്റാ മോട്ടോഴ്സിന്‍റെ 2023ലെ സ്റ്റോക്കുകളിൽ ഈ മാസം കനത്ത കിഴിവുകൾ ലഭ്യമാണ്. താൽപ്പര്യമുള്ള ഉപഭോക്താക്കൾക്ക് ഈ മാസം 1.25 ലക്ഷം രൂപ വരെ കിഴിവ് ലഭിക്കും. ടാറ്റ സഫാരി, ഹാരിയർ എന്നിവയുടെ 2023 സ്റ്റോക്കിന് ഏറ്റവും ഉയർന്ന കിഴിവ് ലഭിക്കുന്നു. 1.25 ലക്ഷം രൂപയോളമാണ് ഇവയ്ക്ക് വിലക്കിഴിവായി ലഭിക്കുന്നത് എന്നാണ് റിപ്പോര്‍ട്ടുകൾ. 

ടാറ്റ മോട്ടോഴ്‌സ് 2024 ജൂണിലെ കാറുകൾക്ക് 1.25 ലക്ഷം രൂപ വരെ കിഴിവ് വാഗ്ദാനം ചെയ്യുന്നു.  2023ലെ സ്റ്റോക്കുകളിൽ ഈ മാസം കനത്ത കിഴിവുകൾ ലഭ്യമാണ്. താൽപ്പര്യമുള്ള ഉപഭോക്താക്കൾക്ക് തിരഞ്ഞെടുത്ത ചില മോഡലുകൾക്ക് ഈ മാസം 1.25 ലക്ഷം രൂപ വരെ കിഴിവ് ലഭിക്കും. ടാറ്റ സഫാരി, ഹാരിയർ എന്നിവയുടെ 2023 സ്റ്റോക്കിന് ഏറ്റവും ഉയർന്ന കിഴിവ് ലഭിക്കുന്നു. 1.25 ലക്ഷം രൂപയോളമാണ് ഇവയ്ക്ക് വിലക്കിഴിവായി ലഭിക്കുന്നത് എന്നാണ് റിപ്പോര്‍ട്ടുകൾ. ഇതാ ആ ഓഫറുകളെപ്പറ്റി വിശദമായി അറിയാം. 

ടാറ്റ സഫാരി
2024 ജൂണിലെ കിഴിവിൽ, ടാറ്റ സഫാരിയുടെ 2023 സ്റ്റോക്കുകൾക്ക് 1.25 ലക്ഷം രൂപ വരെ ആനുകൂല്യങ്ങൾ ലഭിക്കും. മൂന്ന് നിരകളുള്ള എസ്‌യുവിക്ക് 2.0 ലിറ്റർ ഡീസൽ എഞ്ചിൻ കരുത്ത് പകരുന്നു.  ഇത് 170 എച്ച്പി പരമാവധി കരുത്തും 350 എൻഎം പീക്ക് ടോർക്കും വാഗ്ദാനം ചെയ്യുന്നു. എഞ്ചിൻ 6-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഘടിപ്പിച്ചിരിക്കുന്നു. 2023ലെ ഫെയ്‌സ്‌ലിഫ്റ്റ് മോഡലുകൾക്ക് 80,000 രൂപ വരെ ആനുകൂല്യം ലഭിക്കും.

ടാറ്റ ആൾട്രോസ്
ടാറ്റ ആൾട്രോസിൻ്റെ പെട്രോൾ, ഡീസൽ, സിഎൻജി വേരിയൻ്റുകൾക്ക് 65,000 രൂപ വരെ കിഴിവുകൾ ലഭ്യമാണ്. സിഎൻജി മോഡലിന് 50,000 രൂപ വരെ ആനുകൂല്യം ലഭിക്കും. 86 എച്ച്‌പി പവറും 113 എൻഎം ടോർക്കും ഉൽപ്പാദിപ്പിക്കുന്ന 1.2 ലിറ്റർ എഞ്ചിനാണ് കാറിന് കരുത്തേകുന്നത്. സിഎൻജി മോഡൽ 77hp വാഗ്ദാനം ചെയ്യുന്നു. മോഡലിൻ്റെ 1.5 ലിറ്റർ ഡീസൽ എഞ്ചിൻ 90 എച്ച്പിയും 200 എൻഎം ടോർക്കും നൽകുന്നു.

ടാറ്റ ഹാരിയർ
ടാറ്റ ഹാരിയറിൻ്റെ  2023 സ്റ്റോക്കുകൾക്ക് ഈ മാസം 1.25 ലക്ഷം രൂപ വരെ ആനുകൂല്യങ്ങൾ ലഭിക്കും. രണ്ട് നിരകളുള്ള എസ്‌യുവിക്ക് 2.0 ലിറ്റർ ഡീസൽ എഞ്ചിൻ കരുത്ത് പകരുന്നു, ഇത് 170 എച്ച്പി പരമാവധി കരുത്തും 350 എൻഎം പീക്ക് ടോർക്കും വാഗ്ദാനം ചെയ്യുന്നു. എഞ്ചിൻ 6-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഘടിപ്പിച്ചിരിക്കുന്നു. MY2023-ൻ്റെ ഫെയ്‌സ്‌ലിഫ്റ്റ് മോഡലുകൾക്ക് 80,000 രൂപ വരെ ആനുകൂല്യം ലഭിക്കും.

ടാറ്റ നെക്സോൺ
നെക്സോണിന്‍റെ 2023 പതിപ്പിന് 90,000 രൂപ വരെ ആനുകൂല്യം ലഭിക്കും. ഡീസൽ മോഡലുകൾക്ക് 75,000 രൂപ വരെ ആനുകൂല്യങ്ങൾ ലഭിക്കും. നെക്സോൺ 2023 ൻ്റെ ഫെയ്‌സ്‌ലിഫ്റ്റ് മോഡലുകൾക്ക് 60,000 രൂപ വരെ ആനുകൂല്യം ലഭിക്കും.

ടാറ്റ ടിഗോർ
ടാറ്റ ടിഗോറിൻ്റെ വിൽക്കാത്ത 2023ലെ യൂണിറ്റുകൾക്ക് 80,000 രൂപ വരെ ആനുകൂല്യങ്ങൾ ലഭിക്കും. ടിയാഗോയിൽ ഉള്ള അതേ 1.2 ലിറ്റർ പെട്രോൾ എഞ്ചിൻ തന്നെയാണ് സെഡാനും ലഭിക്കുന്നത്. സിഎൻജി ഓട്ടോമാറ്റിക് പതിപ്പിലും ഇത് ലഭ്യമാണ്.

ടാറ്റ ടിയാഗോ
ടാറ്റ ടിയാഗോയുടെ 2023 യൂണിറ്റുകൾക്ക് പെട്രോൾ വേരിയൻ്റിന് 85,000 രൂപ വരെയും സിഎൻജി മോഡലുകൾക്ക് 80,000 രൂപ വരെയും ലഭിക്കും. ഈ കാറിൽ 1.2 ലിറ്റർ, മൂന്ന് സിലിണ്ടർ എഞ്ചിൻ ലഭിക്കുന്നു. ഇത് സിഎൻജി മോഡിൽ 86hp കരുത്തും 73hp പവറും ഉത്പാദിപ്പിക്കുന്നു. ടാറ്റ ടിയാഗോ സിഎൻജി എഎംടി വേരിയൻ്റും കമ്പനി ഈ വർഷം അവതരിപ്പിച്ചു. ഓട്ടോമാറ്റിക് ഗിയർബോക്സിനൊപ്പം ഫാക്ടറി ഘടിപ്പിച്ച സിഎൻജിയും ഇത് വാഗ്ദാനം ചെയ്യുന്നു.

ശ്രദ്ധിക്കുക, മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ പ്രാദേശിക ഡീലറെ സമീപിക്കുക.