വിവിധ ബാങ്കുകളുമായി പങ്കാളിത്തം പ്രഖ്യാപിച്ച് ടാറ്റ മോട്ടോഴ്‍സ്
വിവിധ ബാങ്കുകളുമായി പങ്കാളിത്തം പ്രഖ്യാപിച്ച് ടാറ്റ മോട്ടോഴ്‍സ്. വാണിജ്യ വാഹനങ്ങള്‍ക്കുള്ള ഫിനാന്‍സ് പദ്ധതികള്‍ എളുപ്പത്തില്‍ ആക്കുന്നതിനായിട്ടാണ് ഈ പങ്കാളിത്തമെന്ന് ഇന്ത്യന്‍ എക്സ്‍പ്രസ് റിപ്പോര്‍ട്ട് ചെയ്യുന്നു.
എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, യെസ് ബാങ്ക്, ഇക്വിറ്റാസ് സ്‌മോള്‍ ഫിനാന്‍സ് ബാങ്ക്, AU സ്‌മോള്‍ ഫിനാന്‍സ് ബാങ്ക്, ചോളമണ്ഡലം ഇന്‍വെസ്റ്റ്മെന്റ് ആന്‍ഡ് ഫിനാന്‍സ് കോ ലിമിറ്റഡ്, HDB ഫിനാന്‍ഷ്യല്‍ സര്‍വീസസ്, സുന്ദരം ഫിനാന്‍സ്, യൂണിയന്‍ ബാങ്ക്, പഞ്ചാബ് നാഷണല്‍ ബാങ്ക് തുടങ്ങി നിരവധി സ്വകാര്യ ബാങ്കുകളും NBFC, പൊതുമേഖലാ ബാങ്കുകളും ഈ പട്ടികയില്‍ ഉള്‍പ്പെട്ടിട്ടുണ്ടെന്നാണ് റിപ്പോര്‍ട്ടുകള്‍.
പുതിയതും പ്രീ-ഉടമസ്ഥതയിലുള്ളതുമായ വാഹനങ്ങള്‍ക്ക് മൂല്യ ഓഫറുകള്‍ വര്‍ദ്ധിപ്പിക്കുന്നതിനാണ് ഈ പങ്കാളിത്തം ലക്ഷ്യമിടുന്നത്. കൂടാതെ, ഈ കൂട്ടുകെട്ടുകളില്‍ നിന്ന് ഉണ്ടാകുന്ന ഓഫറുകളില്‍ ഫ്യുവല്‍ ധനസഹായം, പ്രവര്‍ത്തന മൂലധന ധനസഹായം, മൊത്തം ധനസഹായം, സേവന ചെലവ് ധനസഹായം എന്നിവ പോലുള്ള അനുബന്ധ ധനകാര്യ വ്യവസ്ഥകള്‍ ഉള്‍പ്പെടും.
ഗ്രാമീണ വിപണികളില്‍ സംഘടിത ഫിനാന്‍സ് ലഭ്യമാക്കുക, സാങ്കേതിക അധിഷ്ഠിത പരിഹാരങ്ങള്‍ ഉപയോഗിച്ച് വാഹന ഫിനാന്‍സ് പ്രവര്‍ത്തന മൂലധന ധനകാര്യവും വാഗ്ദാനം ചെയ്യുക, സിവി ഉപഭോക്താക്കള്‍ക്ക് സേവന ചെലവ് ഫണ്ടിംഗ് ഉള്‍പ്പെടെ വര്‍ദ്ധിച്ചുവരുന്ന പ്രവര്‍ത്തന മൂലധന ആവശ്യങ്ങള്‍ നിറവേറ്റുന്നതിന് അവരുടെ ബിസിനസ്സില്‍ നിന്ന് കൂടുതല്‍ പണം ലഭിക്കുന്നതിന് സഹായിക്കുക തുടങ്ങി ഈ പങ്കാളിത്തത്തിലൂടെ ടാറ്റ മോട്ടോര്‍സ് ഉപഭോക്താക്കളുടെ വിവിധ ആവശ്യങ്ങള്‍ നിറവേറ്റാന്‍ ലക്ഷ്യമിടുന്നതായാണ് റിപ്പോര്‍ട്ടുകള്‍. എല്ലാ പങ്കാളി ധനകാര്യ സ്ഥാപനങ്ങളില്‍ നിന്നും കുറഞ്ഞ ഔപചാരികതയോടെ ആകര്‍ഷകമായ സാമ്പത്തിക പദ്ധതികള്‍ നേടാന്‍ ഉപഭോക്താക്കളെ പുതിയ പദ്ധതി പ്രാപ്തരാക്കുമെന്നും കമ്പനി അവകാശപ്പെടുന്നു.