ടാറ്റ നെക്സോൺ ഇവിക്ക് ഈ മാസം ആകർഷകമായ കിഴിവുകൾ

2025 ജൂണിൽ ടാറ്റ നെക്‌സോൺ ഇവിയിൽ 40,000 രൂപ വരെ കിഴിവ് ലഭിക്കും. 

അടുത്ത കുറച്ച് ദിവസങ്ങളിൽ നിങ്ങൾ ഒരു പുതിയ ഇലക്ട്രിക് കാർ വാങ്ങാൻ പദ്ധതിയിടുകയാണെങ്കിൽ നിങ്ങൾക്ക് ഒരു സന്തോഷവാർത്തയുണ്ട്. ടാറ്റ 2025 ജൂണിൽ അവരുടെ ജനപ്രിയ ഇലക്ട്രിക് എസ്‌യുവി നെക്‌സോൺ ഇവിയിൽ ബമ്പർ കിഴിവുകൾ വാഗ്ദാനം ചെയ്യുന്നു. ഈ കാലയളവിൽ, 2024 മോഡൽ ടാറ്റ നെക്‌സോൺ ഇവിയിൽ ഉപഭോക്താക്കൾക്ക് 40,000 രൂപ വരെ ലാഭിക്കാൻ കഴിയും. കിഴിവിനെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം.

ടാറ്റ നെക്‌സോൺ ഇവിയിൽ, പവർട്രെയിനായി ഉപഭോക്താക്കൾക്ക് രണ്ട് ബാറ്ററി പായ്ക്കുകൾ ഓപ്ഷൻ ലഭിക്കും. ആദ്യത്തെ പവർട്രെയിനിൽ ബാറ്ററി പായ്ക്കിൽ 30kWh സജ്ജീകരിച്ചിരിക്കുന്നു. ഇത് പരമാവധി 129bhp പവറും 215Nm പീക്ക് ടോർക്കും ഉത്പാദിപ്പിക്കാൻ പ്രാപ്തമാണ്. രണ്ടാമത്തേതിൽ 40.5kWh ബാറ്ററി പായ്ക്ക് സജ്ജീകരിച്ചിരിക്കുന്നു. ഇത് പരമാവധി 144bhp പവറും 215Nm പീക്ക് ടോർക്കും ഉത്പാദിപ്പിക്കാൻ പ്രാപ്‍തമാണ്. ചെറിയ ബാറ്ററി പായ്ക്ക് ഒറ്റ ചാർജിൽ ഉപഭോക്താക്കൾക്ക് 325 കിലോമീറ്റർ റേഞ്ച് വാഗ്ദാനം ചെയ്യുമെന്നും വലിയ ബാറ്ററി പൂർണ്ണ ചാർജിൽ ഉപഭോക്താക്കൾക്ക് 465 കിലോമീറ്റർ റേഞ്ച് വാഗ്ദാനം ചെയ്യുമെന്നും കമ്പനി അവകാശപ്പെടുന്നു.

കാറിന്റെ ഇന്റീരിയറിൽ, 12.3 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഫുള്ളി ഡിജിറ്റൽ ഡ്രൈവർ ഡിസ്‌പ്ലേ, വയർലെസ് ചാർജിംഗ്, സിംഗിൾ പെയിൻ സൺറൂഫ് തുടങ്ങിയ സവിശേഷതകൾ ഉപഭോക്താക്കൾക്ക് നൽകിയിട്ടുണ്ട്. ഇതിനുപുറമെ, സുരക്ഷയ്ക്കായി, കാറിൽ സ്റ്റാൻഡേർഡ് 6-എയർബാഗുകളും 360-ഡിഗ്രി ക്യാമറയും ഉണ്ട്. സുരക്ഷയ്ക്കായി ഭാരത് NCAP നടത്തിയ ക്രാഷ് ടെസ്റ്റിൽ ടാറ്റ നെക്‌സോൺ ഇവിക്ക് 5-സ്റ്റാർ റേറ്റിംഗ് നേടിയിട്ടുണ്ട്. ടാറ്റ നെക്‌സോൺ ഇവിയുടെ പ്രാരംഭ എക്‌സ്-ഷോറൂം വില 12.49 ലക്ഷം രൂപ മുതൽ 17.19 ലക്ഷം രൂപ വരെയാണ്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.