Tata Safari : ടാറ്റ സഫാരി ടോപ്-സ്പെക്ക് വേരിയന്റുകൾക്ക് പുതിയ ഫീച്ചർ
Synopsis
ഇപ്പോഴിതാ, ഏറ്റവും പുതിയ റിപ്പോര്ട്ടുകള് പ്രകാരം സഫാരി ടോപ്-സ്പെക്ക് വേരിയന്റുകൾക്ക് പുതിയ ഫീച്ചർ ലഭിച്ചിരിക്കുകയാണ്.
ജനപ്രിയ മോഡലായ സഫാരിയെ ടാറ്റ മോട്ടോഴ്സ് അടുത്തകാലത്തായി പ്രത്യേക പതിപ്പുകളും പുതിയ സവിശേഷതകളും ഉപയോഗിച്ച് നിരന്തരം അപ്ഡേറ്റ് ചെയ്യുന്നത് പതിവാണ്. ഇപ്പോഴിതാ, ഏറ്റവും പുതിയ റിപ്പോര്ട്ടുകള് പ്രകാരം സഫാരി ടോപ്-സ്പെക്ക് വേരിയന്റുകൾക്ക് പുതിയ ഫീച്ചർ ലഭിച്ചിരിക്കുകയാണ്.
XZ+, XZA+ ട്രിമ്മുകളില് വെന്റിലേറ്റഡ് ഫ്രണ്ട്, രണ്ടാം നിര സീറ്റുകൾ സജ്ജീകരിച്ചിരിക്കുകയാണ് കമ്പനി എന്നാണ് റിപ്പോര്ട്ടുകള്. ക്യാപ്റ്റൻ സീറ്റുകൾ ഘടിപ്പിച്ച ആറ് സീറ്റർ വേരിയന്റുകളിൽ മാത്രമേ പുതിയ ഫീച്ചർ ലഭ്യമാകൂ എന്ന് കാര് വെയ്ല് റിപ്പോര്ട്ട് ചെയ്യുന്നു. നേരത്തെ, വെന്റിലേറ്റഡ് സീറ്റുകൾ ഗോൾഡ്, ഡാർക്ക് എഡിഷൻ പതിപ്പുകളിൽ മാത്രമായിരുന്നു നൽകിയിരുന്നത്.
കുറച്ച് മാസങ്ങൾക്ക് മുമ്പ്, ടാറ്റ സഫാരിക്ക് ഒരു എയർ പ്യൂരിഫയർ, വയർലെസ് ചാർജർ, ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയ്ക്കായുള്ള വയർലെസ് കണക്റ്റിവിറ്റി തുടങ്ങിയ സവിശേഷതകള് ലഭിച്ചിരുന്നു. ഇതിന് തൊട്ടുപിന്നാലെ എസ്യുവിയുടെ ഗോൾഡ് എഡിഷൻ രണ്ട് ബാഹ്യ ഷേഡുകളിൽ എത്തി. വൈറ്റ് ഗോൾഡ്, ബ്ലാക്ക് ഗോൾഡ് എന്നിങ്ങനെയായിരുന്നു ഈ ഷേഡുകള്. ഈ പ്രത്യേക എഡിഷനുകൾ ഒരുപിടി പുതിയ ഫീച്ചറുകൾക്കൊപ്പം ഉള്ളിൽ സ്വർണ്ണ നിറത്തിലുള്ള അലങ്കാരങ്ങളാൽ അലങ്കരിച്ചിരിക്കുന്നു. സഫാരി ലൈനപ്പിലെ ഏറ്റവും പുതിയ കൂട്ടിച്ചേർക്കൽ ഡാർക്ക് എഡിഷനാണ്. ടാറ്റ സഫാരി ഡാർക്ക് എഡിഷൻ XT+, XTA+, XZ+, XZA+ എന്നീ ട്രിമ്മുകളിൽ ലഭ്യമാണ്. മുമ്പ് ഡാർക്ക് എഡിഷൻ ട്രീറ്റ്മെന്റ് ലഭിച്ച മറ്റ് മോഡലുകളുടെ പട്ടികയിലേക്കുള്ള ഏറ്റവും പുതിയ കൂട്ടിച്ചേർക്കലാണ് ടാറ്റ സഫാരി ഡാർക്ക് എഡിഷൻ.
അതേസമയം നിലവിലെ റെഗുലര് ടാറ്റാ സഫാരിയപ്പറ്റി പറയുകയാണെങ്കില് ഐക്കണിക് മോഡലായ സഫാരിയുടെ പുതിയ പതിപ്പിനെ ടാറ്റാ മോട്ടോഴ്സ് 2021 ഫെബ്രുവരിയിലാണ് കമ്പനി അവതരിപ്പിക്കുന്നത്. പൂനെയ്ക്കടുത്തുള്ള ടാറ്റ മോട്ടോര്സിന്റെ പിംപ്രി പ്ലാന്റിലാണ് സഫാരി നിര്മ്മിക്കുന്നത്. ഈ ഫാക്ടറിയില് തന്നെയാണ് ഹാരിയര്, ആള്ട്രോസ് എന്നിവയും നിര്മ്മിച്ചിരിക്കുന്നത്.
പുത്തൻ സഫാരി 7 സീറ്റർ, 6 സീറ്റർ എന്നിങ്ങനെ 2 സീറ്റിംഗ് കോൺഫിഗറേഷനിൽ ലഭ്യമാണ്. XZ+, XZA+ എന്നീ വേരിയന്റുകളിൽ ലഭ്യമായ 6 സീറ്റർ പതിപ്പിൽ രണ്ടാം നിരയിൽ ബക്കറ്റ് സീറ്റുകളാണ്. XE, XM, XT, XT+, XZ, XZ+ എന്നിങ്ങനെ 6 വേരിയന്റുകളിലാണ് 2021 ടാറ്റ സഫാരി വാങ്ങാവുന്നത്. റോയൽ ബ്ലൂ, ഡേറ്റോണാ ഗ്രെ, ഓർക്കസ് വൈറ്റ്, ട്രോപ്പിക്കൽ മിസ്റ്റ് എന്നിങ്ങനെ 4 നിറങ്ങളിലാണ് 2021 സഫാരി വാങ്ങാൻ സാധിക്കുക.
ഹാരിയറിനെക്കാള് 70 എം.എം. നീളം കൂടിയിട്ടുണ്ടെങ്കിലും വീല്ബേസില് മാറ്റം വരുത്തിയിട്ടില്ല. അകത്തളം ബ്ലാക്ക്-ഐവറി ഫിനീഷിങ്ങിലാണ് ഒരുങ്ങിയിട്ടുള്ളത്. ത്രീ സ്പോക്ക് മള്ട്ടി ഫങ്ഷന് സ്റ്റിയറിങ്ങ് വീല്, 8.8 ഇഞ്ച് ഫ്ളോട്ടിങ്ങ് ഇന്ഫോടെയ്ന്മെന്റ് സിസ്റ്റം, ഏഴ് ഇഞ്ച് ഇന്സ്ട്രുമെന്റ് പാനല്, പനോരമിക് സണ്റൂഫ് തുടങ്ങിയവ സഫാരിയിൽ നൽകിയിരിക്കുന്നു. ഫിയറ്റ് വികസിപ്പിച്ച 2.0 ലിറ്റര് നാല് സിലിണ്ടര് ഡീസല് എന്ജിനാണ് സഫാരിയുടെ കരുത്ത്. ഇത് 168 ബി.എച്ച്.പി.പവറും 350 എന്.എം.ടോര്ക്കും ഉത്പാദിപ്പിക്കുന്നു.
അങ്ങേയറ്റം ബഹുമുഖമായാണ് സഫാരി തയ്യാറാക്കിയിരിക്കുന്നതെന്നും നഗരത്തിന് അകത്തുള്ള യാത്രകൾ, എക്സ് പ്രസ് വേയിലൂടെയും അതിവേഗ യാത്ര, ഉൾ പ്രദേശങ്ങളിലൂടെയുള്ള അപരിചിത യാത്രകൾ എന്നിവയിലെല്ലാം തന്നെ സുഖകരവും അനായാസവുമായി അനുഭവം ഉറപ്പ് നൽകുന്നു പുതിയ സഫാരി എന്നും കമ്പനി അവകാശപ്പെടുന്നു. 2.0 ലിറ്റർ ടർബോ ചാർജ്ഡ് കെയ്റോടെക് എഞ്ചിൻ, അതിൻറെ 2741 വീൽ ബേസ്, മുഖമുദ്രയായി മാറുന്ന ഓയിസ്റ്റർ വൈറ്റ് ഇൻറീരിയർ അതോടൊപ്പമുള്ള ആഷ് വുഡ് ഫിനിഷ് ഡാഷ് ബോർഡ്, രാജകീയമായ പനോരമിക് സൺ റൂഫ് - വിശാലവും ഈ വിഭാഗത്തിലെ തന്നെ മികച്ചതുമായ പനോരമിക് സൺ റൂഫ്, 6,7 സീറ്റ് ഓപ്ഷൻ, 8.8 ഇഞ്ച് ഫ്ലോട്ടിങ് ഐലൻറ് ഇൻഫോടെയ്മെൻറ് സിസ്റ്റം എന്നിവ മുഖ്യ സവിശേഷതകളാണ്. എംജി ഹെക്ടര് പ്ലസ്, ഹ്യുണ്ടായ് ക്രെറ്റ, തുടങ്ങിയവരാണ് സഫാരിയുടെ നിരത്തിലെയും വിപണിയിലെയും മുഖ്യ എതിരാളികള്.