രാജ്യത്തെ ഏറ്റവും വിലകുറഞ്ഞ 7 സീറ്റർ കാറിന് വീണ്ടും വില കുറഞ്ഞു

മാരുതി സുസുക്കി ഇക്കോയുടെ വില കുറഞ്ഞു. ജിഎസ്‍ടി ഇളവിന് ശേഷം ₹60,000 വരെ ലാഭിക്കാം. 1.2 ലിറ്റർ എഞ്ചിൻ, പെട്രോൾ, സിഎൻജി മോഡലുകൾ ലഭ്യം.

മാരുതി സുസുക്കിയുടെ ജനപ്രിയ വാൻ ഈക്കോയുടെ വില കുറഞ്ഞു. രാജ്യത്തെ വാൻ വിഭാഗത്തിലെ ഏറ്റവും വിലകുറഞ്ഞ 7 സീറ്റർ വാഹനമാണിത്. അടുത്തിടെ നടപ്പിലാക്കിയ ജിഎസ്‍ടി ഇളവിന് ശേഷം കമ്പനി ഇക്കോയുടെ വിലയും കുറച്ചിട്ടുണ്ട്. ഇനി മുതൽ മാരുതി സുസുക്കി ഇക്കോ വാങ്ങുന്നവർക്ക് നേരിട്ട് 60,000 രൂപ വരെ ലാഭിക്കാം. അതിന്റെ കരുത്ത്, വലിയ സ്ഥലം, മൾട്ടി-യൂട്ടിലിറ്റി സ്വഭാവം എന്നിവ കാരണം, കുടുംബങ്ങൾക്കും ചെറുകിട ബിസിനസുകൾക്കും ഈക്കോ ഇതിനകം തന്നെ പ്രിയപ്പെട്ട വാഹനമാണ്.

മാരുതി സുസുക്കി ഈക്കോയുടെ പവർട്രെയിനിനെക്കുറിച്ച് പറയുകയാണെങ്കിൽ, മാരുതി ഇക്കോയിൽ 1.2 ലിറ്റർ കെ-സീരീസ് ഡ്യുവൽ-ജെറ്റ് വിവിടി പെട്രോൾ എഞ്ചിൻ സജ്ജീകരിച്ചിരിക്കുന്നു. ഈ എഞ്ചിൻ പരമാവധി 18.76 ബിഎച്ച്പി പവറും 104 എൻഎം പീക്ക് ടോർക്കും ഉത്പാദിപ്പിക്കാൻ സാധിക്കും. ഇക്കോ പെട്രോൾ മോഡിൽ 19.71 കിലോമീറ്ററും സിഎൻജി മോഡിൽ 26.78 കിലോമീറ്ററും മൈലേജ് നൽകുന്നു.

മുൻ സീറ്റ് ചാരിയിരിക്കൽ, എയർബാഗുകൾ, ഇലക്ട്രോണിക് ബ്രേക്ക് ഫോഴ്‌സ് ഡിസ്ട്രിബ്യൂഷൻ (ഇബിഡി) ഉള്ള ആന്റി-ലോക്ക് ബ്രേക്കിംഗ് സിസ്റ്റം (എബിഎസ്), സ്ലൈഡിംഗ് ഡോർ, റിവേഴ്‌സ് പാർക്കിംഗ് സെൻസർ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, പുതിയ സ്റ്റിയറിംഗ് വീൽ, ഹീറ്റർ തുടങ്ങിയ സവിശേഷതകൾ കാറിലുണ്ട്. മാരുതി സുസുക്കി ഈക്കോ 5 കളർ ഓപ്ഷനുകളിലും 13 വേരിയന്റുകളിലും ലഭ്യമാണ്. നിലവിലുള്ള എല്ലാ സുരക്ഷാ ചട്ടങ്ങളും പാലിക്കുന്ന 11 സുരക്ഷാ സവിശേഷതകൾ ഇക്കോയിലുണ്ട്. റിവേഴ്‌സ് പാർക്കിംഗ് സെൻസർ കൂടാതെ എഞ്ചിൻ ഇമോബിലൈസർ, ഡോറുകൾക്കുള്ള ചൈൽഡ് ലോക്ക്, സീറ്റ് ബെൽറ്റ് റിമൈൻഡർ, ഇബിഡിയുള്ള എബിഎസ്, ആറ് എയർബാഗുകൾ തുടങ്ങിയവ ഇതിൽ ഉൾപ്പെടുന്നു. ഇക്കോയ്ക്ക് ഇപ്പോൾ പുതിയ സ്റ്റിയറിംഗ് വീലും ഡിജിറ്റൽ ഇൻസ്ട്രുമെന്റ് ക്ലസ്റ്ററും ലഭിക്കുന്നു. പഴയ സ്ലൈഡിംഗ് എസി കൺട്രോളും പുതിയ റോട്ടറി യൂണിറ്റ് ഉപയോഗിച്ച് മാറ്റിസ്ഥാപിച്ചിരിക്കുന്നു.

അതേസമയം ഓരോ മാസവും ഇക്കോയ്ക്ക് മികച്ച വിൽപ്പനയാണ് ലഭിക്കുന്നത്. കഴിഞ്ഞ മാസം, അതായത് 2025 ഓഗസ്റ്റിൽ, വീണ്ടും മാരുതി ഈക്കോയ്ക്ക് 10,000-ത്തിലധികം ഉപഭോക്താക്കളെ ലഭിച്ചു എന്നാണ് കണക്കുകൾ. ഈ കാലയളവിൽ, ആകെ 10,785 പുതിയ ആളുകൾ മാരുതി ഈക്കോ വാങ്ങി. കൃത്യം ഒരു വർഷം മുമ്പ്, അതായത് 2025 ഓഗസ്റ്റിൽ, ഈ കണക്ക് 10,985 യൂണിറ്റായിരുന്നു.