TKM : ഏപ്രിലിൽ 15,085 കാറുകൾ വിറ്റ് ടൊയോട്ട കിർലോസ്‌കർ മോട്ടോർ

ഒരു വർഷം മുമ്പ് ഇതേ മാസത്തെ അപേക്ഷിച്ച് 57 ശതമാനം വളർച്ച രേഖപ്പെടുത്തി. കഴിഞ്ഞ വർഷം ഏപ്രിലിൽ 9,600 കാറുകൾ വിറ്റഴിച്ചതായി വാഹന നിർമാതാക്കൾ പറഞ്ഞു. 

2022 ഏപ്രിലിൽ 15,085 യൂണിറ്റുകൾ വിറ്റഴിച്ചതായി ടൊയോട്ട കിർലോസ്‌കർ മോട്ടോർ പ്രഖ്യാപിച്ചു. ഒരു വർഷം മുമ്പ് ഇതേ മാസത്തെ അപേക്ഷിച്ച് 57 ശതമാനം വളർച്ച രേഖപ്പെടുത്തി. കഴിഞ്ഞ വർഷം ഏപ്രിലിൽ 9,600 കാറുകൾ വിറ്റഴിച്ചതായി വാഹന നിർമാതാക്കൾ പറഞ്ഞു. രാജ്യത്ത് ആരംഭിച്ചതിന് ശേഷം രണ്ട് ദശലക്ഷം യൂണിറ്റ് മൊത്ത വിൽപ്പന എന്ന നാഴികക്കല്ല് എത്തിയതായും വാഹന കമ്പനി നേരത്തെ അറിയിച്ചിരുന്നു.

ടൊയോട്ട കിർലോസ്‌കർ മോട്ടോർ സെയിൽസ് ആൻഡ് സ്ട്രാറ്റജിക് മാർക്കറ്റിംഗ് അസോസിയേറ്റ് വൈസ് പ്രസിഡന്റ് അതുൽ സൂദ് അതിന്റെ വിൽപ്പന പ്രകടനത്തെക്കുറിച്ച് സംസാരിക്കുമ്പോൾ, പുതിയ സാമ്പത്തിക വർഷത്തിലും യാത്രാ വാഹനങ്ങളുടെ ആവശ്യം ഉയർന്ന നിലയിൽ തുടരുന്നതായി പറഞ്ഞു. ക്രിസ്റ്റ, ഫോർച്യൂണർ , ലെജൻഡർ എന്നിവയ്‌ക്കൊപ്പം കാംറി ഹൈബ്രിഡിനും വളരെ പ്രോത്സാഹജനകമായ ബുക്കിംഗ് ഓർഡറുകൾ ലഭിച്ചിട്ടുണ്ടെന്നും അദ്ദേഹം പറഞ്ഞു.

ടൊയോട്ട ഗ്ലാൻസയ്ക്ക് വാങ്ങുന്നവരിൽ നിന്ന് മികച്ച പ്രതികരണമാണ് ലഭിക്കുന്നതെന്നും അതുൽ സൂദ് പറഞ്ഞു . അടിസ്ഥാനപരമായി മാരുതി സുസുക്കി ബലേനോയുടെ റീബാഡ്‍ജ് ചെയ്‍ത പതിപ്പായ പ്രീമിയം ഹാച്ച്ബാക്ക് അതിന്റെ വിൽപ്പനയുടെ തുടക്കം മുതൽ മികച്ച പ്രകടനം കാഴ്‍ചവച്ചതായി അദ്ദേഹം സൂചിപ്പിച്ചു. വന്‍ നഗരങ്ങളിൽ മാത്രമല്ല, ഗ്രാമീണ വിപണികളിലും ഇതിന് മികച്ച പ്രതികരണം ലഭിച്ചതായി അതുൽ സൂദ് അവകാശപ്പെടുന്നു. 

"കൂൾ ന്യൂ ഗ്ലാൻസ'യ്ക്കുള്ള പ്രതികരണവും ഗംഭീരമാണ്, ഈ വർഷം മാർച്ച് മുതൽ ടയർ I നഗരങ്ങൾ മുതൽ ഗ്രാമീണ വിപണികൾ വരെയുള്ള ഡെലിവറികളുടെ തുടക്കം മുതൽ അത് വളരെ മികച്ചതാണ്.."അദ്ദേഹം കൂട്ടിച്ചേർത്തു.

ടൊയോട്ട അതിന്റെ രണ്ട് മോഡലുകളായ അർബൻ ക്രൂയിസർ കോംപാക്റ്റ് എസ്‌യുവി, ഗ്ലാൻസ പ്രീമിയം ഹാച്ച്ബാക്ക് എന്നിവയ്ക്ക് ഏതാനും ദിവസങ്ങൾക്ക് മുമ്പ് വില വർദ്ധന പ്രഖ്യാപിച്ചിരുന്നു. അസംസ്‌കൃത വmdlgക്കളുടെ വർധിച്ച വില, മൈക്രോ ചിപ്പുകളുടെയും മറ്റ് പ്രധാന ഭാഗങ്ങളുടെയും ക്ഷാമം ഉൾപ്പെടെയുള്ള വിതരണ ശൃംഖലയിലെ തടസ്സം എന്നിവ കാരണം ഇൻപുട്ട് ചെലവുകൾ വർദ്ധിക്കുന്നതിന്റെ പശ്ചാത്തലത്തിലാണ് വർദ്ധനവ് പ്രഖ്യാപിച്ചത്. സമാനമായ കാരണങ്ങളാൽ ഈ വർഷമാദ്യം ടൊയോട്ട മറ്റൊരു വില വർദ്ധനവgx പ്രഖ്യാപിച്ചിരുന്നു.

Source : HT Auto

ഈ മോഡലുകളുടെ വില വര്‍ദ്ധിപ്പിക്കാന്‍ ടൊയോട്ട

ടൊയോട്ട കിർലോസ്‌കർ മോട്ടോർ (Toyota) തങ്ങളുടെ രണ്ട് മോഡലുകളായ അർബൻ ക്രൂയിസർ, ഗ്ലാൻസ എന്നിവയുടെ വില വർധിപ്പിക്കാൻ തീരുമാനിച്ചതായി റിപ്പോര്‍ട്ട്. 2022 മെയ് 1 മുതൽ വില വര്‍ദ്ധനവ് നിലവില്‍ വരും എന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. അതേസമയം കമ്പനി വില വർദ്ധനവിന്റെ വ്യാപ്‍തി വെളിപ്പെടുത്തിയിട്ടില്ല. 

ടൊയോട്ട അർബൻ ക്രൂയിസറും ഗ്ലാൻസയും ആഗോള തലത്തിൽ മാരുതി സുസുക്കിയുമായുള്ള ബ്രാൻഡിന്റെ കൂട്ടുകെട്ടിന്‍റെ ഭാഗമായാണ് വരുന്നത്. മാരുതി സുസുക്കി വിറ്റാര ബ്രെസ കോംപാക്ട് എസ്‌യുവിയുടെയും പ്രീമിയം ഹാച്ച്ബാക്കായ ബലേനോയുടെയും റീബാടഡ്‍ജ് ചെയ്‍ത പതിപ്പുകളാണ് യഥാക്രമം അർബൻ ക്രൂയിസറും ഗ്ലാൻസയും. 

പെട്രോളിന്റെയും ഡീസലിന്റെയും വിലക്കയറ്റം ജനങ്ങളുടെ വാഹനം വാങ്ങുന്ന തീരുമാനങ്ങളെ ബാധിക്കുന്ന സമയത്ത് ഈ തീരുമാനം വാഹന നിർമ്മാതാക്കളുടെ വിൽപ്പനയെ ബാധിക്കും എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. അതേ സമയം, വർദ്ധിച്ചുവരുന്ന കാർ വിലകൾ, കൊവിഡ്-19ൽ നിന്നും അനുബന്ധ പ്രത്യാഘാതങ്ങളിൽ നിന്നും വാഹന വ്യവസായത്തിന്റെ വീണ്ടെടുക്കൽ പ്രക്രിയയെ കൂടുതൽ സ്വാധീനിച്ചേക്കാം.

അസംസ്‌കൃത വസ്തുക്കളുടെ വില വർധിക്കുന്നതിനാൽ ഇൻപുട്ട് ചെലവിലെ വർധന ഭാഗികമായി നികത്തുന്നതിന് ഈ വർധനവ് അനിവാര്യമാണെന്ന് വാഹന നിർമാതാക്കൾ അവകാശപ്പെടുന്നു. “ഞങ്ങളുടെ മൂല്യമുള്ള ഉപഭോക്താക്കളെ ബാധിക്കുന്നത് കണക്കിലെടുത്താണ് മൊത്തത്തിലുള്ള വില വർധന കുറച്ചത്..” വാഹന നിർമ്മാതാവ് അവകാശപ്പെടുന്നതായി എന്ന് എച്ച്ടി ഓട്ടോ റിപ്പോര്‍ട്ട് ചെയ്യുന്നു. 

അടുത്ത കാലത്തായി തങ്ങളുടെ കാറുകൾക്ക് വില വർദ്ധന പ്രഖ്യാപിച്ച ഇന്ത്യയിലെ കാർ നിർമ്മാതാവ് ടൊയോട്ട മാത്രമല്ല. വർദ്ധിച്ചുവരുന്ന അസംസ്‌കൃത വസ്‍തുക്കളുടെ വിലയും വിതരണ ശൃംഖലയിലെ പ്രതിസന്ധിയും കാരണം മറ്റ് നിരവധി കാർ ബ്രാൻഡുകളും അതത് വാഹനങ്ങൾക്ക് വില വർദ്ധനവ് പ്രഖ്യാപിച്ചു. ഈ വർഷമാദ്യം, മഹീന്ദ്ര, മാരുതി സുസുക്കി, ടൊയോട്ട, ബിഎംഡബ്ല്യു, മെഴ്‌സിഡസ് ബെൻസ് തുടങ്ങിയ നിരവധി വാഹന നിർമ്മാതാക്കൾ സമാന കാരണങ്ങളാൽ തങ്ങളുടെ മോഡൽ ലൈനപ്പുകളില്‍ ഉടനീളം വിലവർദ്ധന പ്രഖ്യാപിച്ചിരുന്നു.

ടൊയോട്ട ഇതുവരെ ഇന്ത്യയിൽ 20 ലക്ഷം കാറുകൾ നിർമ്മിക്കുകയും വിൽക്കുകയും ചെയ്‌‍തു എന്ന നാഴികക്കല്ലിൽ എത്തിയതായി കഴിഞ്ഞ ദിവസം പ്രഖ്യാപിച്ചതിന് തൊട്ടുപിന്നാലെയാണ് വില വര്‍ദ്ധനവ് പ്രഖ്യാപനവും എത്തുന്നത്. ഇന്ത്യയിൽ വിൽക്കുന്ന ബ്രാൻഡിൽ നിന്നുള്ള രണ്ട് ദശലക്ഷാമത്ത മോഡലാണ് ഗ്ലാൻസയെന്നും കമ്പനി കഴിഞ്ഞ ദിവസം പ്രഖ്യാപിച്ചു.