സ്മൈൽസ് പ്ലസ്; പുതിയ സേവന പാക്കേജുമായി ടൊയോട്ട

ഭാവിയിലെ എല്ലാ മൊബിലിറ്റി ആവശ്യങ്ങൾക്കായും  സന്നദ്ധരായിരിക്കുക, അതുപോലെ തന്നെ മികച്ചതും കൂടുതൽ ആസ്വാദ്യകരവും പ്രശ്‌നരഹിതവുമായ സേവനം പ്രദാനം ചെയ്ത്  ഉപഭോക്താക്കളെ സഹായിക്കുക എന്നീ ലക്ഷ്യങ്ങൾ കണക്കിലെടുത്താണ് പാക്കേജ്

സമഗ്രവും ഇഷ്ടാനുസൃതവുമായ സേവന പാക്കേജ് - സ്മൈൽസ് പ്ലസ് പുറത്തിറക്കുമെന്ന് പ്രഖ്യാപിച്ച് ടൊയോട്ട കിർലോസ്കർ മോട്ടോർ (ടി കെ എം). ഉപഭോക്തൃ ചിന്തകളെ കേന്ദ്രീകരിച്ച്  മൂല്യവർദ്ധിത സേവനങ്ങളിലൂടെ അതുല്യമായ ഉപഭോക്തൃ അനുഭവം പ്രദാനം ചെയ്യുന്നതിനുള്ള നിരന്തരമായ പ്രതിബദ്ധതയും അനുസരിച്ചാണ് പദ്ധതിയെന്ന് കമ്പനി വാര്‍ത്താക്കുറിപ്പില്‍ വ്യക്തമാക്കി.

ഓഫർ എന്ന നിലയിൽ, ഉപഭോക്താവിന്റെ ആവശ്യങ്ങൾക്ക്  അനുസൃതമായി ഈ പാക്കേജ് ഇച്ഛാനുസൃതമാക്കുകയും ഇന്ത്യയിലുടനീളം ലഭ്യമായ പ്രീ-പെയ്ഡ് പാക്കേജുകൾ ഉൾക്കൊള്ളുകയും ചെയ്യുമെന്ന് കമ്പനി അറിയിച്ചു. ഭാവിയിലെ എല്ലാ മൊബിലിറ്റി ആവശ്യങ്ങൾക്കായും  സന്നദ്ധരായിരിക്കുക, അതുപോലെ തന്നെ മികച്ചതും കൂടുതൽ ആസ്വാദ്യകരവും പ്രശ്‌നരഹിതവുമായ സേവനം പ്രദാനം ചെയ്ത്  ഉപഭോക്താക്കളെ സഹായിക്കുക എന്നീ ലക്ഷ്യങ്ങൾ കണക്കിലെടുത്താണ് പാക്കേജ് രൂപകൽപന ചെയ്തിട്ടുള്ളതെന്നും കമ്പനി പറയുന്നു.

സേവന സ്ഥാനത്തിന്‍റെ സൗകര്യം, വിലവർധനയിൽ നിന്നുള്ള പരിരക്ഷ, സേവനച്ചെലവിൽ ലാഭം, ടൊയോട്ടയുടെ  ഒറിജിനൽ പാർട്സിന്റെ ഉപയോഗവും മികച്ച സേവനവും, വിദഗ്ദ്ധ പരിശീലനം നേടിയ മികച്ച ടെക്‌നീഷ്യന്മാരുടെ സേവനം, എസ്സെൻഷ്യൽ , സൂപ്പർ ഹെൽത്ത്, സൂപ്പർ ടോർക്ക്, അൾട്രാ , എന്നീ പാക്കേജുകൾ  പൊതുവായ അറ്റകുറ്റപ്പണികൾ ഇഷ്ടാനുസൃതമാക്കാനുള്ള ഓപ്ഷനുകൾ ഉള്‍പ്പെടെ ആവേശകരമായ ആനുകൂല്യങ്ങളുടെയും മെച്ചപ്പെട്ട സേവനങ്ങളുടെയും ഒരു നിര ഈ പാക്കേജ്  പ്രദാനം ചെയ്യുന്നതായും കമ്പനി പറയുന്നു.