Toyota Mirai : ടൊയോട്ട മിറായി കേരളത്തിലും
Synopsis
ഒറ്റ ചാര്ജില് 650 കിലോമീറ്റര് ദൂരം സഞ്ചരിക്കാന് സാധിക്കും ഈ വാഹനത്തിന് എന്ന് ടൊയോട്ട കിര്ലോസ്കര് മോട്ടോര് പറയുന്നു. ചാര്ജ് ചെയ്യാന് അഞ്ചുമിനിറ്റ് മതി.
ജാപ്പനീസ് (Japanese) വാഹന നിര്മാതാക്കളായ ടൊയോട്ട (Toyota) ഇന്ത്യയിലെ ആദ്യത്തെ ഹൈഡ്രജന് ഇന്ധന സെല്ലില് പ്രവര്ത്തിക്കുന്ന ഇലക്ട്രിക് കാർ അടുത്തിടെയാണ് പുറത്തിറക്കിയത്. ഇന്ത്യയിലെ ആദ്യത്തെ ഹൈഡ്രജന് ഇന്ധന സെല് പവേര്ഡ് ഇലക്ട്രിക് വെഹിക്കിള് (എഫ്സിഇവി) ആയ 'ടൊയോട്ട മിറായി' എന്ന ഈ കാര് കേരളത്തിലും രജിസ്റ്റര് ചെയ്തതായാണ് പുതിയ റിപ്പോര്ട്ടുകള്. സംസ്ഥാന സര്ക്കാരും ടൊയോട്ടയും തമ്മിലുള്ള കരാര് പ്രകാരം ഗതാഗതവകുപ്പിന് കീഴിലുള്ള ശ്രീചിത്രതിരുനാള് കോളേജ് ഓഫ് എന്ജിനിയറിങ്ങിലെ വിദ്യാര്ഥികളുടെ പഠനത്തിനാണ് കാര് നല്കിയത്. ഹൈഡ്രജന് ഇന്ധനമായ വാഹനങ്ങളിലേക്ക് പോകുന്നതിന് മുന്നോടിയായിട്ടുള്ള പഠനവും പരീക്ഷണ ഓട്ടവുമാണ് നടക്കുന്നത്.
ഒറ്റ ചാര്ജില് 650 കിലോമീറ്റര് ദൂരം സഞ്ചരിക്കാന് സാധിക്കും ഈ വാഹനത്തിന് എന്ന് ടൊയോട്ട കിര്ലോസ്കര് മോട്ടോര് പറയുന്നു. ചാര്ജ് ചെയ്യാന് അഞ്ചുമിനിറ്റ് മതി. ഈ മാര്ച്ച് മാസം ആദ്യം ഗഡ്കരി തന്നെയാണ് ടൊയോട്ട മിറായിയെ ഇന്ത്യയിൽ അവതരിപ്പിച്ചത്. ഇന്ത്യന് റോഡുകളെയും കാലാവസ്ഥയെയും കുറിച്ച് പഠിക്കാനും വിലയിരുത്താനുമാണ്, ടൊയോട്ട കിര്ലോസ്കര് മോട്ടോറും ഇന്റര്നാഷണല് സെന്റര് ഫോര് ഓട്ടോമോട്ടീവ് ടെക്നോളജിയും (ഐസിഎടി) ചേർന്നുള്ള പൈലറ്റ് പ്രോജക്ടിന്റെ ഭാഗമായി ടൊയോട്ട മിറായി അവതരിപ്പിച്ചത്. ഈ അവസരത്തിൽ സുസ്ഥിര ഇന്ധന സ്രോതസ്സുകളിൽ ഓടുന്ന വാഹനങ്ങളുടെ ആവശ്യകതയ്ക്ക് ഗഡ്കരി അടിവരയിട്ടിരുന്നു.
വൈദ്യുത വാഹനങ്ങളെ മറികടന്ന് ഹൈഡ്രജന് വാഹനങ്ങള് ഭാവിയില് വിപണി പിടിക്കുമെന്നാണ് പ്രതീക്ഷ. കാര്ബണ് ബഹിര്ഗമനം കുറഞ്ഞ ഹൈഡ്രജന് വാഹനങ്ങളുടെ ഉപയോഗം പ്രോത്സാഹിപ്പിക്കാനുള്ള നീക്കത്തിലാണ് സംസ്ഥാന സര്ക്കാര്. പ്രത്യേക ഉത്തരവിലൂടെയാണ് കാര് രജിസ്റ്റര് ചെയ്തത്. തിരുവനന്തപുരം രജിസ്ട്രേഷനിലുള്ള (കെ.എല്. 01 സി.യു. 7610) വാഹനം ഉടന് കോളേജ് അധികൃതര്ക്ക് കൈമാറും.
ഈ പ്രമുഖരുടെ വീട്ടുമുറ്റങ്ങളിലെ ഇന്നോവകള്, ആ രഹസ്യം തേടി വാഹനലോകം!
ടൊയോട്ട മിറായി ഹൈഡ്രജന് ഫ്യുവല് സെല് ബാറ്ററി പായ്ക്ക് ഉപയോഗിച്ചാണ് പ്രവര്ത്തിക്കുന്നത്. ഒറ്റത്തവണ ചാര്ജ് ചെയ്താല് വാഹനത്തിന് 650 കിലോമീറ്റര് വരെ റേഞ്ച് ലഭിക്കും. 2019-ലെ ടോക്യോ മോട്ടോര് ഷോയിലാണ് രണ്ടാം തലമുറ മിറായി പ്രദര്ശനത്തിന് എത്തിയത്. ഒരു വര്ഷത്തിനുള്ളില് ഈ വാഹനത്തിന്റെ പ്രൊഡക്ഷന് പതിപ്പ് രാജ്യാന്തര വിപണികളില് എത്തിയിരുന്നു. 48,000 ഡോളറാണ് മിറായിയുടെ വിദേശ വിപണിയിലെ വില. അതേസമയം, കര്ണാടകയിലെ ടൊയോട്ടയുടെ പ്ലാന്റിലായിരിക്കും ഇന്ത്യയിലേക്കുള്ള വാഹനങ്ങള് നിര്മിക്കുക. 2015-ലാണ് ടൊയോട്ട മിറായിയുടെ ആദ്യ തലമുറ മോഡല് അവതരിപ്പിക്കുന്നത്.
കാറിന്റെ പിന്നില് സജ്ജീകരിച്ചിട്ടുള്ള രണ്ട് ടാങ്കുകളിലാണ് ഹൈഡ്രജന് സംഭരിക്കുന്നത്. മുന്വശത്തെ ഗ്രില്ലിലൂടെ വലിച്ചെടുക്കുന്ന ഓക്സിജനും ടാങ്കില് സംഭരിച്ചിട്ടുള്ള ഹൈഡ്രജനും ചേര്ത്താണ് വാഹനം ഓടുന്നത്. എന്ജിന് പ്രവര്ത്തിക്കുമ്പോള് മാലിന്യമായി പുറത്തുവരുന്നത് വെള്ളമാണ്.
മോഡുലാര് TNGA പ്ലാറ്റ്ഫോമിലാണ് മിറായ് ഒരുങ്ങിയിരിക്കുന്നത്. സ്വപ്റ്റ്ബാക്ക് ഹെഡ്ലാമ്പ്, വീതിയേറിയ ഗ്രില്, സ്പ്ലിറ്റ് ടെയില് ലാമ്പ്, 20 ഇഞ്ച് അലോയി വീല്, കൂപ്പെയ്ക്ക് സമാനമായ റൂഫ് എന്നിവയാണ് മിറായിയുടെ രണ്ടാം തലമുറ മോഡലിനെ ആദ്യ പതിപ്പില് നിന്നും വ്യത്യസ്തമാക്കുന്നത്. വലിപ്പത്തിലും മുന്മോഡലിനെക്കാള് മുന്നിലാണ് ഇപ്പോള് വിപണിയിലുള്ള മിറായ്. 4975 എംഎം നീളവും 1885 എംഎം വീതിയും 1470 എംഎം ഉയരവും 2920 എംഎം വീല്ബേസുമാണ് വാഹനത്തിനുള്ളത്.
മറ്റ് രാജ്യാന്തര വിപണികളില് ടൊയോട്ട എത്തിച്ചിട്ടുള്ള ഹൈഡ്രജന് ഫ്യുവല് സെല് മിറായ് കാറിന്റെ ഏറ്റവും പുതിയ പതിപ്പാണ് ഇന്നാണ് വാഹനം അവതരിപ്പിച്ച കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരി അഭിപ്രായപ്പെട്ടത്. എന്നാല്, ഈ വാഹനത്തിന്റെ വില സംബന്ധിച്ച വെളിപ്പെടുത്തല് ടൊയോട്ട നടത്തിയിട്ടില്ല. ഇത് പൊതുജനങ്ങള്ക്ക് വില്ക്കുന്ന കാര്യത്തിലും കമ്പനി ഇതുവരെ അന്തിമ തീരുമാനം സ്വീകരിച്ചിട്ടില്ലെന്നാണ് റിപ്പോര്ട്ടുകള്. 65 ലക്ഷത്തിന് അടുത്തായിരിക്കും വിപണി വില എന്നും റിപ്പോര്ട്ടുകള് ഉണ്ട്.
വീട്ടുമുറ്റങ്ങളില് ഇന്നോവകള് നിറയുന്നു, വമ്പന് നേട്ടവുമായി ടൊയോട്ട