മൂന്നു മോഡലുകളുടെ വേള്‍ഡ് കപ്പ് എഡിഷനുകളുമായി ഫോക്സ് വാഗണ്‍

പോളോ, അമിയോ, വെന്റോ കാറുകളുടെ പ്രത്യേക വേള്‍ഡ് കപ്പ് എഡിഷനുമായി ജര്‍മ്മന്‍ വാഹന നിര്‍മ്മാതാക്കളായ ഫോക്സ് വാഗണ്‍. 

പോളോ കപ്പ് എഡിഷന് 6.49 ലക്ഷവും അമിയോയ്ക്ക് 6.19 ലക്ഷവും വെന്റോയ്ക്ക് 9.24 ലക്ഷം രൂപയുമാണ് എക്സ്ഷോറൂം വില.

അലോയി വീല്‍, ഡീക്കല്‍സ്, ക്രോം ബാഡ്‍ജ്, ലെതര്‍ സീറ്റ് കവര്‍ എന്നിവയാണ് വേള്‍ഡ് കപ്പ് പതിപ്പുകളുടെ പ്രത്യേകതകള്‍.

പോളോ കപ്പ് എഡിഷനില്‍ 15 ഇഞ്ച് റാസോര്‍ അലോയി വീലാണുള്ളത്. അമിയോയില്‍ 15 ഇഞ്ച് ടോസ അലോയി വീലും വെന്റോയില്‍ 15 ഇഞ്ച് ലിനാസ് അലോയി വീലുമാണ്. വശങ്ങളില്‍ വേള്‍ഡ് കപ്പ് തീമിലുള്ള സ്റ്റിക്കര്‍, ഫ്രണ്ട് ഫെന്‍ഡറിലെ കപ്പ് ബാഡ്‍ജിംങ് തുടങ്ങിയവയും പ്രത്യേകതളാണ്. 

വാഹനങ്ങളുടെ മെക്കാനിക്കല്‍ ഫിച്ചേഴ്സില്‍ മാറ്റമില്ല. പാളോ, അമിയോ കപ്പ് എഡിഷന്‍ 1.0 ലിറ്റര്‍ ത്രീ സിലിണ്ടര്‍ പെട്രോള്‍ എന്‍ജിനില്‍ എത്തുന്നു. 76 ബിഎച്ച്പി പവറും 95 എന്‍എം ടോര്‍ക്കും ഈ എന്‍ജിന്‍ സൃഷ്‍ടിക്കും. 

1.6 ലിറ്റര്‍ ഫോര്‍ സിലിണ്ടര്‍ പെട്രോള്‍ എന്‍ജിനാണ് വെന്റോ കപ്പ് എഡിഷന്‍റെ ഹൃദയം. 105 ബിഎച്ച്പി പവറും 153 എന്‍എം ടോര്‍ക്കും  ഈ എന്‍ജിന്‍ സൃഷ്‍ടിക്കും. മൂന്നു മോഡലുകളിലും 5 സ്പീഡ് മാനുവല്‍ ഗിയര്‍ബോക്സാണ് ട്രാന്‍സ്‍മിഷന്‍.