ഒരു വർഷത്തിനുള്ളിൽ ഫോക്‌സ്‌വാഗൺ ടൈഗൺ നേടിയത് ഇത്രയും ബുക്കിംഗ്

2022 സെപ്റ്റംബറിൽ, രാജ്യത്ത് മോഡലിന്റെ അരങ്ങേറ്റത്തിന്റെ ഒരു വർഷം ആഘോഷിക്കുന്നതിനായി ഫോക്‌സ്‌വാഗൺ ടൈഗൺ ആനിവേഴ്‌സറി പതിപ്പ് പുറത്തിറക്കിയിരുന്നു .

കഴിഞ്ഞ വർഷം സെപ്റ്റംബറിൽ ലോഞ്ച് ചെയ്‍ത ടൈഗൺ മിഡ്-സൈസ് എസ്‌യുവിക്ക് 45,000 ബുക്കിംഗുകൾ ലഭിച്ചതായി ഫോക്‌സ്‌വാഗൺ ഇന്ത്യ അറിയിച്ചു. 2021 സെപ്റ്റംബർ മുതൽ 28,000 യൂണിറ്റ് മോഡലുകൾ കമ്പനി വിതരണം ചെയ്‍തിട്ടുണ്ട് എന്നാണ് റിപ്പോര്‍ട്ടുകള്‍.

2022 സെപ്റ്റംബറിൽ, രാജ്യത്ത് മോഡലിന്റെ അരങ്ങേറ്റത്തിന്റെ ഒരു വർഷം ആഘോഷിക്കുന്നതിനായി ഫോക്‌സ്‌വാഗൺ ടൈഗൺ ആനിവേഴ്‌സറി പതിപ്പ് പുറത്തിറക്കിയിരുന്നു . 15.69 ലക്ഷം രൂപ മുതൽ എക്സ്-ഷോറൂം വിലവയുള്ള ഈ മോഡല്‍ ടോപ്‌ലൈൻ വേരിയന്റിനെ അടിസ്ഥാനമാക്കിയുള്ളതാണ്. സാധാരണ ടൈഗണുമായി താരതമ്യപ്പെടുത്തുമ്പോൾ, വാർഷിക പതിപ്പിന് 11 പുതിയ ഘടകങ്ങൾ ലഭിക്കുന്നു. വൈൽഡ് ചെറി റെഡ്, കുർക്കുമ യെല്ലോ, പുതിയ റൈസിംഗ് ബ്ലൂ പെയിന്റ് ജോബ് എന്നിവ ഉൾപ്പെടെ മൂന്ന് നിറങ്ങളിൽ മാത്രമേ ഇത് ലഭ്യമാകൂ.

ഈ മാസം ആദ്യം, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക് എന്നിവയുടെ ഗ്ലോബൽ എൻസിഎപി ഫലങ്ങൾ പ്രഖ്യാപിച്ചിരുന്നു. ഇരു  മോഡലുകൾക്കും പഞ്ചനക്ഷത്ര റേറ്റിംഗ് ലഭിച്ചു . ടൈഗൂൺ, സ്‍കോഡ കുഷാഖ് എന്നിവ ഒരേ എംക്യുബി പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. ഇവ ഒരേ പ്ലാന്റിലാണ് നിർമ്മിക്കുന്നതും. പുതിയ എസ്‌യുവികൾ മുതിർന്നവർക്കും കുട്ടികളുടെ സംരക്ഷണത്തിനായി അഞ്ച് സ്റ്റാറുകളും നേടി. മുതിർന്നവർക്കും കുട്ടികൾക്കും അഞ്ച് നക്ഷത്രങ്ങൾ നേടുന്ന ആദ്യത്തെ മോഡലാണിത്. ഗ്ലോബൽ എൻ‌സി‌എ‌പിയുടെ അപ്‌ഡേറ്റ് ചെയ്‌ത ക്രാഷ് ടെസ്റ്റ് പ്രോട്ടോക്കോളുകൾ, പരീക്ഷിച്ച എല്ലാ മോഡലുകൾക്കുമുള്ള ഫ്രണ്ടൽ, സൈഡ് ഇംപാക്ട് പ്രൊട്ടക്ഷൻ, ഇഎസ്‍സി, സൈഡ് ഇംപാക്ട് പോൾ പ്രൊട്ടക്ഷൻ അസസ്‌മെന്റുകൾക്കായി കാൽനട സംരക്ഷണം എന്നിവ വിലയിരുത്തുന്നു.

കംഫർട്ട്‌ലൈൻ, ഹൈലൈൻ, ടോപ്‌ലൈൻ, ജിടി എന്നിങ്ങനെ നാല് ട്രിം തലങ്ങളിലാണ് ഫോക്‌സ്‌വാഗൺ ടൈഗൺ വാഗ്ദാനം ചെയ്യുന്നത്. കോംപാക്ട് എസ്‌യുവിയുടെ വാർഷിക പതിപ്പും കമ്പനി അവതരിപ്പിച്ചിട്ടുണ്ട്. ടോപ്‌ലൈൻ എടി, ജിടി പ്ലസ് വേരിയന്റുകൾക്ക് 26,000 രൂപയും 11,000 രൂപയും വില വർധിപ്പിക്കുമ്പോൾ, ബാക്കി വേരിയന്റുകൾക്ക് 16,000 രൂപ വിലവരും. വിഡബ്ല്യു ടൈഗൺ ആനിവേഴ്‌സറി എഡിഷന്റെ വിലയിൽ 30,000 രൂപ കുറച്ചിട്ടുണ്ട് എന്നതാണ് ശ്രദ്ധേയം. ഫോക്‌സ്‌വാഗൺ ടൈഗൺ അടിസ്ഥാന മോഡലിന് 11.56 ലക്ഷം രൂപയും ടോപ്പ്-സ്പെക്ക് ജിടി പ്ലസ് വേരിയന്റിന് 18.71 ലക്ഷം രൂപയുമാണ് ഇപ്പോൾ വില. അതേ സമയം, ജർമ്മൻ ബ്രാൻഡ് ഹ്യുണ്ടായ് ക്രെറ്റ , കിയ , സെൽറ്റോസ് , എംജി ആസ്റ്റർ എന്നിവയ്ക്ക് എതിരാളികളായ മിഡ്-സൈസ് എസ്‌യുവിയുടെ തിരഞ്ഞെടുത്ത വേരിയന്റുകളിൽ 1.05 ലക്ഷം രൂപ വരെ കിഴിവ് വാഗ്ദാനം ചെയ്യുന്നു .