Volkswagen Virtus : വിർട്ടസ് ഉത്പാദനം ഇന്ത്യയിൽ തുടങ്ങി ഫോക്സ്വാഗൺ, ലോഞ്ച് ഉടന്
Synopsis
വാഹനത്തിനുള്ള പ്രീ-ബുക്കിംഗുകൾ ഇതിനകം തുറന്നിട്ടുണ്ട്. കമ്പനിയുടെ ഇന്ത്യൻ ലൈനപ്പിൽ വെന്റോയ്ക്ക് പകരമായിരിക്കും വിര്ടസ് എത്തുന്നത്.
മഹാരാഷ്ട്രയിലെ (Maharashtra) പൂനെയിലുള്ള (Pune) ചകൻ പ്ലാന്റിൽ ഫോക്സ്വാഗൺ ഇന്ത്യ വിർറ്റസ് മിഡ്-സൈസ് സെഡാന്റെ ( Volkswagen Virtus) നിർമ്മാണം ആരംഭിച്ചു. ഈ വർഷം മാർച്ചിലാണ് പുതിയ ഫോക്സ്വാഗൺ വിർറ്റസ് ആഗോളതലത്തിൽ അരങ്ങേറ്റം കുറിച്ചത്. 2022 മെയ് മാസത്തിൽ ഔദ്യോഗിക ലോഞ്ച് നടക്കുമെന്ന് പ്രതീക്ഷിക്കുന്നു. വാഹനത്തിനുള്ള പ്രീ-ബുക്കിംഗുകൾ ഇതിനകം തുറന്നിട്ടുണ്ട്. കമ്പനിയുടെ ഇന്ത്യൻ ലൈനപ്പിൽ വെന്റോയ്ക്ക് പകരമായിരിക്കും വിര്ടസ് എത്തുന്നത്.
ഇന്ത്യയില് നിന്നും ഫോക്സ്വാഗണ് പോളോ പിന്വാങ്ങുന്നു!
ഫോക്സ്വാഗൺ ഗ്രൂപ്പിന്റെ ഇന്ത്യ 2.0 പ്രോജക്റ്റിന് കീഴിൽ ഈ ജർമ്മൻ കാർ നിർമ്മാതാവിന്റെ വീട്ടിൽ നിന്നുള്ള രണ്ടാമത്തെ ഉൽപ്പന്നമാണ് പുതിയ ഫോക്സ്വാഗൺ വിര്ടസ്. ആദ്യത്തേത് ടിഗ്വാന് SUV ആണ്. ഇത് ഇന്ത്യ-നിർദ്ദിഷ്ട MQB A0-IN പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. കൂടാതെ അതിന്റെ പ്ലാറ്റ്ഫോമും മെക്കാനിക്കലുകളും സ്കോഡ സ്ലാവിയയുമായി പങ്കിടുന്നു. രണ്ട് എഞ്ചിൻ ഓപ്ഷനുകളിലാണ് വിർടസ് വാഗ്ദാനം ചെയ്യുന്നത്.
ആറ് സ്പീഡ് മാനുവൽ ഗിയർബോക്സും 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനുമായി ഘടിപ്പിച്ച 113 hp, 178 Nm എന്നിവ വികസിപ്പിക്കുന്ന 1.0 ലിറ്റർ TSI ആയിരിക്കും ആദ്യത്തേത്. 148 എച്ച്പി പവറും 250 എൻഎം പീക്ക് ടോർക്കും പുറപ്പെടുവിക്കുന്ന 1.5 ലിറ്റർ ടിഎസ്ഐ മോട്ടോറും ഇതിന് ലഭിക്കും. ഈ എഞ്ചിൻ 6-സ്പീഡ് MT, 7-സ്പീഡ് DSG എന്നിവയുമായി ജോടിയാക്കിയിരിക്കുന്നു.
10 കോടിയുടെ ആഡംബര വണ്ടി രണ്ടാമതും വാങ്ങി കൊവിഡ് വാക്സിന് കമ്പനി മുതലാളി!
“പുണെയിലെ ഞങ്ങളുടെ ചക്കൻ ഫെസിലിറ്റിയിൽ പുതിയ വിർട്ടസിന്റെ ഉത്പാദനം ആരംഭിച്ചതോടെ, ഫോക്സ്വാഗൺ ബ്രാൻഡിന് കീഴിലുള്ള വിപണിയിൽ MQB A0 IN പ്ലാറ്റ്ഫോമിനെ അടിസ്ഥാനമാക്കി ഇന്ത്യ 2.0 പ്രോജക്റ്റിന് കീഴിൽ രണ്ട് പുതിയ ഉൽപ്പന്നങ്ങൾ അവതരിപ്പിക്കാനുള്ള ഞങ്ങളുടെ പ്രതിജ്ഞാബദ്ധത ഞങ്ങൾ വിജയകരമായി പൂർത്തിയാക്കി..” പ്രഖ്യാപനത്തെക്കുറിച്ച് അഭിപ്രായപ്പെട്ട സ്കോഡ ഓട്ടോ ഫോക്സ്വാഗൺ ഇന്ത്യ പ്രൈവറ്റ് ലിമിറ്റഡിന്റെ മാനേജിംഗ് ഡയറക്ടർ പിയൂഷ് അറോറ പറഞ്ഞു.
“പ്രീമിയം മിഡ്സൈസ് സെഡാൻ സെഗ്മെന്റിൽ പുതുമയും ആവേശവും നൽകുന്ന സമാനതകളില്ലാത്ത ഓഫറാണ് ന്യൂ ഫോക്സ്വാഗൺ വിർറ്റസ്. വേൾഡ് പ്രീമിയറിൽ ലഭിച്ച മികച്ച പ്രതികരണം ഞങ്ങളുടെ ആത്മവിശ്വാസം വർധിപ്പിച്ചു. അഭിലഷണീയരായ ഇന്ത്യൻ ഉപഭോക്താക്കൾക്കായി പൂർണ്ണതയോടെയാണ് പുതിയ വിർറ്റസ് നിർമ്മിച്ചിരിക്കുന്നത്, ഉൽപ്പാദനം ആരംഭിക്കുന്നതോടെ, ഇന്ത്യൻ വിപണിയിൽ ശ്രദ്ധേയവും ആവേശകരവും ജർമ്മൻ എഞ്ചിനീയറിംഗ് സെഡാനും അവതരിപ്പിക്കാൻ ഞങ്ങൾ ഉത്സുകരാണ്," ഫോക്സ്വാഗൺ പാസഞ്ചർ ബ്രാൻഡ് ഡയറക്ടർ ആശിഷ് ഗുപ്ത കൂട്ടിച്ചേർത്തു.
Source : Financial Express Auto
എയര്ബാഗ് തകരാര്, രണ്ടുലക്ഷം വണ്ടികള് തിരിച്ചുവിളിക്കാന് ഫോക്സ്വാഗണ്
ജര്മ്മന് (German) വാഹന നിര്മ്മാതാക്കളായ ഫോക്സ്വാഗൺ (Volkswagen) തങ്ങളുടെ അറ്റ്ലസ് എസ്യുവിയുടെ (Volkswagen Atlas SUV) രണ്ട് ലക്ഷത്തിലധികം യൂണിറ്റുകൾ അമേരിക്കയില് (USA) തിരിച്ചുവിളിക്കാൻ ഉത്തരവിട്ടതായി റിപ്പോര്ട്ട്. യുഎസിന്റെ നാഷണൽ ഹൈവേ ട്രാഫിക് സേഫ്റ്റി അഡ്മിനിസ്ട്രേഷൻ (NHTSA) പ്രകാരം, ഏകദേശം 222,892 യൂണിറ്റുകൾ തിരിച്ചുവിളിക്കുന്ന ഓർഡറിന്റെ ഭാഗമാണ് ഈ നീക്കം എന്ന് ഹിന്ദുസ്ഥാന് ടൈംസ് ഓട്ടോ റിപ്പോര്ട്ട് ചെയ്യുന്നു.
വീണ്ടും കോടികളുടെ റോള്സ് റോയിസുകള് 'മൊത്തത്തില്' വാങ്ങി സായിപ്പിന് പണികൊടുത്ത സര്ദാര്!
അറ്റ്ലസ് എസ്യുവിയുടെ ചില യൂണിറ്റുകളിലെ സൈഡ് എയർബാഗിന്റെ തകരാർ സംബന്ധിച്ചാണ് പ്രശ്നമെന്ന് NHTSA രേഖകൾ വെളിപ്പെടുത്തുന്നു. എയർബാഗുകൾ, യാത്രക്കാർക്ക് സുരക്ഷാ അപകടമുണ്ടാക്കുന്ന തരത്തിൽ ഉദ്ദേശിച്ചതിനേക്കാൾ പിന്നീട് വിന്യസിച്ചേക്കാം. എ-പില്ലർ മുതൽ മുൻവാതിൽ വരെയുള്ള വയർ ഹാർനെസിന് ചലനത്തിന് ചില പ്രശ്നങ്ങള് ഉണ്ടായേക്കാം എന്നും അപൂർവമായ സന്ദർഭങ്ങളിൽ, വൈദ്യുത ഘടകത്തെ ബാധിച്ചേക്കാം എന്നും ഇത് എയർബാഗ് വിന്യാസം വൈകാൻ ഇടയാക്കും എന്നുമാണ് റിപ്പോര്ട്ടുകള്.
ബാധിക്കപ്പെടാൻ സാധ്യതയുള്ള മോഡലുകളുടെ ഉടമകളോട് അവരുടെ വാഹനങ്ങളുടെ ഡ്രൈവർ ഡിസ്പ്ലേയിൽ എയർബാഗ് മുന്നറിയിപ്പ് ചിഹ്നമുണ്ടോ എന്ന് പരിശോധിക്കാൻ ആവശ്യപ്പെടുന്നു. വളരെ അപൂർവമായ സന്ദർഭങ്ങളിൽ, എയർബാഗ് പ്രശ്നത്തിന്റെ ലക്ഷണങ്ങൾ വിൻഡോകളുടെ തകരാർ, കുറഞ്ഞ വേഗതയിൽ വിന്യസിച്ചിരിക്കുന്ന പാർക്കിംഗ് ബ്രേക്ക്, തെറ്റായ ഡോർ സെൻസർ മുന്നറിയിപ്പുകൾ എന്നിവയും ആകാം.
2019 ഒക്ടോബറിനും 2022 ഫെബ്രുവരിക്കും ഇടയിൽ നിർമ്മിച്ച അറ്റ്ലസ് എഫ്എല്ലിനെ തിരിച്ചുവിളിക്കുന്നത് ബാധിക്കുന്നു. 2019 ഓഗസ്റ്റിനും 2020 മാർച്ചിനും ഇടയിൽ നിർമ്മിച്ച അറ്റ്ലസ് മോഡലുകളും 2019 സെപ്റ്റംബറിനും 2022 ഫെബ്രുവരിക്കും ഇടയിൽ നിർമ്മിച്ച അറ്റ്ലസ് ക്രോസ് സ്പോർട്ടും ഇതിൽ ഉൾപ്പെടുന്നു.
അതേസമയം അടുത്തകാലത്തായി യുഎസിലെ വിവിധ വാഹന നിർമ്മാതാക്കളുടെ തിരിച്ചുവിളിക്കൽ നടപടികളില് ഒരു കുതിച്ചുചാട്ടം ഉണ്ടായിട്ടുണ്ട് എന്നാണ് റിപ്പോര്ട്ടുകള്. വിൻഡ്ഷീൽഡ് വൈപ്പറിന്റെ തകരാർ പരിശോധിക്കാൻ ഫോർഡ് മോട്ടോർ കമ്പനി 150,000 എഫ്-150 യൂണിറ്റുകൾ തിരിച്ചുവിളിക്കുന്ന നടപടിയും ഇതിൽ ഉൾപ്പെടുന്നു . ടെയിൽഗേറ്റിന്റെ തകരാർ പരിശോധിക്കുന്നതിനായി GMC അടുത്തിടെ തങ്ങളുടെ ഹമ്മർ ഇലക്ട്രിക് വാഹനത്തിന്റെ 10 യൂണിറ്റുകൾ തിരിച്ചുവിളിച്ചു. ബാധിതമായ GMC ഹമ്മർ EV-കൾ മൈക്രോകൺട്രോളറിൽ ഉൾച്ചേർത്ത സോഫ്റ്റ്വെയറുമായി വരുന്നതായി NHTSA രേഖ വെളിപ്പെടുത്തുന്നു, ഇത് പിൻവശത്തെ രണ്ട് ടെയിൽലൈറ്റുകളിലൊന്ന് പ്രവർത്തനരഹിതമാകുകയോ പൂർണ്ണമായോ ഭാഗികമായോ പ്രകാശിതമാകുകയോ ചെയ്യും.
സമീപ വർഷങ്ങളിൽ, യുഎസിലെ വാഹന നിർമ്മാതാക്കൾ തിരിച്ചുവിളിക്കുന്നതിനുള്ള നടപടികള് നടത്തുന്നതില് കൂടുതൽ സജീവമായി മാറിയിരിക്കുന്നു. നടപടികള് എടുത്തില്ലെങ്കില് ഭീമമായ ഫൈന് ചുമത്തും എന്നത് തന്നെ ഇതിന് പ്രധാന കാരണം. തിരിച്ചുവിളിക്കുന്ന നടപടികൾ ബ്രാൻഡിന്റെ പ്രതിച്ഛായയെ ബാധിക്കുമെങ്കിലും, ഡ്രൈവർ, യാത്രക്കാർ, കാൽനടയാത്രക്കാർ, മറ്റ് വാഹനയാത്രക്കാർ എന്നിവരുടെ സുരക്ഷയാണ് പ്രധാന മുൻഗണനയെന്ന് NHTSA വീണ്ടും വീണ്ടും അടിവരയിടുന്നു.