Volvo : ഇന്ത്യയിൽ ഗവേഷണ വികസന പ്രവർത്തനങ്ങൾ വിപുലീകരിക്കാന്‍ വോൾവോ

ഇന്ത്യയിൽ ഗവേഷണ വികസന പ്രവർത്തനങ്ങൾ വിപുലീകരിക്കുമെന്ന് സ്വീഡിഷ് (Swedish) വാഹന നിര്‍മ്മാതാക്കളായ വോൾവോ (Volvo) അറിയിച്ചു. വെഹിക്കിൾ ടെക്‌ലാബ് എന്ന് വിളിക്കപ്പെടുന്ന ഈ പദ്ധതി ഇത് സ്വീഡന് പുറത്തുള്ള ഏറ്റവും വലിയ ഗവേഷണ കേന്ദ്രമായി മാറുമെന്ന് വോള്‍വോ പറയുന്നു. കമ്പനിയുടെ രാജ്യത്തെ വിപുലീകരണ പദ്ധതിയുടെ ഭാഗമായാണ് ഈ നീക്കം എന്ന് പിടിഐയെ ഉദ്ദരിച്ച് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.

2040-ഓടെ സീറോ മൂല്യ ശൃംഖല ഹരിതഗൃഹ വാതക ഉദ്‌വമനം കൈവരിക്കാനും അതിന്റെ CO2 ഉദ്‌വമനം വെട്ടിക്കുറയ്ക്കാനും കമ്പനി ലക്ഷ്യമിടുന്നതായും വ്യവസായത്തിലെ ഏറ്റവും അഭിലഷണീയമായ സയൻസ് അധിഷ്‌ഠിത ടാർഗെറ്റ് സംരംഭങ്ങളില്‍ ഒന്നാണ്  കമ്പനിക്കുള്ളതെന്നും വോൾവോ ഗ്രൂപ്പ് ഡെപ്യൂട്ടി സിഇഒ ജാൻ ഗുരാന്ദർ പറഞ്ഞു. 2030 ആകുമ്പോഴേക്കും വാഹനങ്ങൾ 40 ശതമാനമായി ഉയരും. "സ്വീഡന് പുറത്തുള്ള വോൾവോ ഗ്രൂപ്പിന്റെ ഏറ്റവും വലിയ ഗവേഷണ-വികസന സൈറ്റും ഞങ്ങളുടെ മറ്റ് ആഗോള പിന്തുണാ പ്രവർത്തനങ്ങളും ഇവിടെ സ്ഥിതി ചെയ്യുന്നതിനാൽ ഈ പരിവർത്തന യാത്രയിൽ ഇന്ത്യ ഒരു പ്രധാന പങ്ക് വഹിക്കാൻ പോകുകയാണ്.." ഗുറാൻഡർ കൂട്ടിച്ചേർത്തു.

“വെർച്വൽ റിയാലിറ്റി, ഹ്യൂമൻ ബോഡി മോഷൻ ട്രാക്കിംഗ്, വാഹനങ്ങളുടെ റിയലിസ്റ്റിക് ഡിജിറ്റൽ റെൻഡറിംഗ് തുടങ്ങിയ സാങ്കേതികവിദ്യകൾ ഉപയോഗിച്ച് ലോകമെമ്പാടുമുള്ള വോൾവോ എഞ്ചിനീയർമാരെ വെർച്വലായി ബന്ധിപ്പിക്കാനും സഹകരിക്കാനും അനുവദിക്കുന്നു.."  വോൾവോ ഗ്രൂപ്പ് ട്രക്ക്‌സ് ടെക്‌നോളജി, ഇന്ത്യ, വൈസ് പ്രസിഡന്റ് സി ആർ വിശ്വനാഥ് പറഞ്ഞു. ഇത് ഒരു സഹകരണ വിർച്ച്വൽ വർക്ക്‌സ്‌പേസ് ആയിട്ടാണ് രൂപകൽപ്പന ചെയ്‍തിരിക്കുന്നത് എന്നും അദ്ദേഹം വ്യക്തമാക്കി. 

ലാബിൽ പൂർണ്ണമായ ട്രക്കുകളും ഷാസികളും അഗ്രഗേറ്റുകളും സ്ഥാപിക്കാൻ കഴിയും എന്നും കമ്പനി പറയുന്നു. ഡ്രൈവിംഗ് സിമുലേറ്ററുകൾ, ടെസ്റ്റ് ബെഞ്ചുകൾ, 3D സ്കാനറുകൾ തുടങ്ങിയ സജ്ജീകരണങ്ങള്‍ ഉള്‍പ്പടെ, എഞ്ചിനീയർമാർക്കുള്ള വിവിധ സഹായ ഉപകരണങ്ങളും ഇതിലുണ്ട്. ആഗോള ഗതാഗത ലോകത്തിന്റെ ഭാവി രൂപപ്പെടുത്തുന്നതിൽ കമ്പനി ഒരു പ്രധാന പങ്ക് വഹിക്കുന്നുണ്ടെന്ന് വോൾവോ ഗ്രൂപ്പ് ഇന്ത്യ പ്രസിഡന്റും എംഡിയുമായ കമൽ ബാലി പറഞ്ഞു.

ഇലക്ട്രിക് മൊബിലിറ്റി, കണക്റ്റിവിറ്റി എന്നിവയ്‌ക്കൊപ്പം ഉയർന്നുവരുന്ന സാങ്കേതികവിദ്യകളും പുതിയ ബിസിനസ്സ് മോഡലുകളും സ്വീകരിക്കുന്നതിനുള്ള ആഗോള ഓർഗനൈസേഷൻ-വ്യാപകമായ ബിസിനസ്സ് പരിവർത്തനത്തിന്റെ മധ്യത്തിലാണ് വോൾവോ. ഗ്രൂപ്പ് വരുമാനത്തിന്റെ 50 ശതമാനവും സേവനങ്ങളിൽ നിന്നും മറ്റുമാണെന്നാണ് റിപ്പോര്‍ട്ടുകള്‍. 

വില 89.90 ലക്ഷം, ആ കിടിലന്‍ കാറുമായി വോൾവോ ഇന്ത്യ

കൊച്ചി: മുൻനിര ലക്ഷ്വറി എസ്‌യുവിയായ XC90 യുടെ (Volvo XC90) പുതിയ പെട്രോൾ മൈൽഡ്-ഹൈബ്രിഡ് എൻജിൻ പുറത്തിറക്കുന്നതായി പ്രഖ്യാപിച്ച് വോൾവോ കാർ ഇന്ത്യ (Volvo India).  ഒക്ടോബറിൽ വോൾവോ S90, വോൾവോ XC 60 എന്നീ വേരിയന്റുകളുടെ പെട്രോൾ മൈൽഡ്-ഹൈബ്രിഡ് എൻജിൻ പുറത്തിറക്കിയതിനു തൊട്ടുപിന്നാലെയുള്ള ഈ  ലോഞ്ചോട് കൂടി ഡീസലിൽ നിന്ന് പെട്രോൾ കാറുകളിലേക്കുള്ള   മാറ്റം പൂർണ്ണമാവുകയും  ആഗോളതലത്തിൽ കാർബൺ പ്രസരണം കുറയ്ക്കുന്നതിനായുള്ള കമ്പനിയുടെ  പ്രതിബദ്ധത ചൂണ്ടിക്കാട്ടുകയും  ചെയ്യുന്നുവെന്ന് കമ്പനി വാര്‍ത്താക്കുറിപ്പില്‍ അറിയിച്ചു.

89. 90 ലക്ഷം രൂപയാണ്  പുതിയ പെട്രോൾ മൈൽഡ്-ഹൈബ്രിഡ് വോൾവോ XC90 യുടെ എക്സ് ഷോറൂം വില . 90, 60 സീരീസിലെ എല്ലാ വോൾവോ കാറുകളിലും വോൾവോയുടെ അത്യാധുനിക മോഡുലർ  ഫീച്ചറുകൾ  അവതരിപ്പിക്കുന്ന സ്‌കേലബിൾ പ്രോഡക്‌ട് ആർക്കിടെക്ചറിൽ (എസ്‌പിഎ) പുറത്തിറക്കിയ ആദ്യത്തെ കാറാണിത്. ഏഴ് സീറ്റുകളുമായാണ്  പുതിയ XC90 എത്തിയിരിക്കുന്നത്.

XC90-ലെ നൂതന സാങ്കേതിക വിദ്യകൾ  ഡ്രൈവർക്ക്  കൂടുതൽ വ്യക്തിഗത സൗകര്യവും  മൊബിലിറ്റി സംവിധാനവും സാധ്യമാക്കുന്നു. റോഡിലുള്ള ശ്രദ്ധ നഷ്ടപ്പെടാതെ തന്നെ ഹെഡ്-അപ്പ് ഡിസ്‌പ്ലേയിലൂടെ  നിങ്ങളുടെ വേഗത കാണുവാനും  ടേൺ-ബൈ-ടേൺ നാവിഗേഷൻ പിന്തുടരുവാനും ഫോൺ കോളുകൾക്ക് മറുപടി നൽകുവാനും മറ്റും നിങ്ങൾക്ക് സാധിക്കുന്നു . കാർ ഫംഗ്‌ഷനുകൾ, നാവിഗേഷൻ, കണക്ടഡ്   സേവനങ്ങൾ, ഇൻ-കാർ എന്റർടെയ്‌ൻമെൻറ്  ആപ്ലിക്കേഷനുകൾ എന്നിവ സംയോജിപ്പിച്ചു കൊണ്ടുള്ള മികച്ച  ടച്ച് സ്‌ക്രീൻ ഇന്റർഫേസാണ്  XC90-നുള്ളത് . ബോറോൺ സ്റ്റീലിന്റെ വ്യാപകമായ ഉപയോഗവും കാറിനുള്ളിലും പുറത്തുമായി  ആളുകളെ സംരക്ഷിക്കാൻ രൂപകൽപ്പന ചെയ്‌തിരിക്കുന്ന നിരവധി സുരക്ഷാ  സംവിധാനങ്ങളുമെല്ലാം  ഇന്നുവരെകണ്ടതിൽ വെച്ച് ഏറ്റവും ശക്തമായ വോൾവോ കാറുകൾ നിലനിർത്തുന്നതിൽ  SPA പ്ലാറ്റ്ഫോമിന് വഴിയൊരുക്കി.

ക്യാബിനിനുള്ളിൽ PM 2.5 ലെവലുകൾ അളക്കുന്നതിന് സെൻസറുള്ള ഏറ്റവും പുതിയ അഡ്വാൻസ്ഡ് എയർ ക്ലീനർ സാങ്കേതികവിദ്യയാണ്  പുതിയ XC90 യിലുള്ളത് .ഇത് കാറിനുള്ളിലെ വായുവിന്റെ ഗുണനിലവാരം ഉറപ്പുവരുത്തുകയും . വായു മലിനീകരണത്തിലൂടെയുണ്ടാകുന്ന ആരോഗ്യ പ്രശ്നങ്ങൾ  ഇല്ലാതാക്കി കാറിൽ മികച്ച  അന്തരീക്ഷം ഉറപ്പാക്കുന്നു. ഈ ഘടകങ്ങളെല്ലാം ഡ്രൈവറുടെ ഏകാഗ്രത വർദ്ധിപ്പിക്കാൻ സഹായിക്കുകന്ന തരത്തിലുള്ളതാണ് .അത്യാധുനിക സ്കാൻഡിനേവിയൻ ഡിസൈനിൽ തടി , ക്രിസ്റ്റൽ, ലോഹം തുടങ്ങിയ ഹൈ-എൻഡ് മെറ്റീരിയലുകളുടെ സംയോജനത്തോടെ നിർമ്മിച്ചിരിക്കുന്ന  XC90  ക്യാബിൻ കാറിന്  ലക്ഷ്വറി മൊബിലിറ്റി അന്തരീക്ഷം പ്രദാനം ചെയ്യുന്നു.

പ്രാരംഭകാല ഓഫറായി  S90, XC60 മൈൽഡ് ഹൈബ്രിഡുകളിൽ നൽകിയിരിക്കുന്നത് പോലെ,75,000 രൂപയും അതിനു  ബാധകമായ നികുതിയുമടച്ചാൽ ലഭിക്കുന്ന  3 വർഷത്തെ റെഗുലർ മെയ്ന്റനൻസ്, വെയർ ആൻഡ് ടിയർ കോസ്റ്റ്  ഉൾപ്പെടുന്ന വോൾവോ സേവന പാക്കേജും നൽകുന്നതായും കമ്പനി അറിയിച്ചു.