മാരുതി ഇ വിറ്റാരയും ടൊയോട്ട അർബൻ ക്രൂയിസർ ഇവിയും: എന്താണ് പ്രതീക്ഷിക്കേണ്ടത്?

മാരുതി സുസുക്കി ഇ വിറ്റാരയും ടൊയോട്ട കിർലോസ്‌കർ മോട്ടോറും അർബൻ ക്രൂയിസർ ഇവിയുമായി ഇലക്ട്രിക് വാഹന വിപണിയിൽ പ്രവേശിക്കാൻ ഒരുങ്ങുകയാണ്.

മാരുതി സുസുക്കി ഇ വിറ്റാരയുമായും ടൊയോട്ട കിർലോസ്‌കർ മോട്ടോറും (TKM) അർബൻ ക്രൂയിസർ ഇവിയുമായി ഇലക്ട്രിക് വാഹന വിപണിയിൽ പ്രവേശിക്കാൻ ഒരുങ്ങുകയാണ്. രണ്ട് ഇലക്ട്രിക് വാഹനങ്ങളുടെയും പ്രൊഡക്ഷൻ-സ്പെക്ക് പതിപ്പുകൾ നേരത്തേ എത്തിയിട്ടുണ്ട്. 2025 സെപ്റ്റംബറോടെ ഇലക്ട്രിക് വിറ്റാര വിൽപ്പനയ്‌ക്കെത്തുമെന്ന് മാരുതി സുസുക്കി സ്ഥിരീകരിച്ചു, അതേസമയം പുതിയ ടൊയോട്ട ഇലക്ട്രിക് എസ്‌യുവി 2025 അവസാനത്തോടെ എത്താൻ സാധ്യതയുണ്ട്. ടൊയോട്ട അർബൻ ക്രൂയിസർ ഇവി അടിസ്ഥാനപരമായി ഇ വിറ്റാരയുടെ റീ-ബാഡ്‍ജ് ചെയ്ത പതിപ്പാണ്. ഇതിൽ ടൊയോട്ടയുടെ സിഗ്നേച്ചർ ഗ്രില്ലും കുറച്ച് ഡിസൈൻ മാറ്റങ്ങളും ഉൾപ്പെടുന്നു. പ്ലാറ്റ്‌ഫോം, സവിശേഷതകൾ, ബാറ്ററി, ഘടകങ്ങൾ എന്നിവ രണ്ട് ഇലക്ട്രിക് വാഹനങ്ങളും പങ്കിടും.

രണ്ട് ഇലക്ട്രിക് എസ്‌യുവികളും നിരവധി സാങ്കേതികവിദ്യകൾ പങ്കിടും. മാരുതി ഇ വിറ്റാരയും ടൊയോട്ട അർബൻ ക്രൂയിസർ ഇവിയും 49kWh ഉം 61kWh എന്നിങ്ങനെ രണ്ട് ബാറ്ററി പായ്ക്കുകളോടെയാണ് വരുന്നത്. ചെറിയ ബാറ്ററി പായ്ക്ക് ഫ്രണ്ട് ആക്‌സിൽ-മൗണ്ടഡ് 143bhp മോട്ടോറുമായി ജോടിയാക്കിയിരിക്കുന്നു. അതേസമയം വലിയ ബാറ്ററി 173bhp മോട്ടോറുമായി ഘടിപ്പിച്ചിരിക്കുന്നു. രണ്ട് സജ്ജീകരണങ്ങൾക്കുമുള്ള ടോർക്ക് ഔട്ട്‌പുട്ട് 193Nm ആണ്. എന്നിരുന്നാലും കൃത്യമായ റേഞ്ച് കണക്കുകൾ ഇതുവരെ വെളിപ്പെടുത്തിയിട്ടില്ല. വലിയ ബാറ്ററി പായ്ക്ക് 500 കിലോമീറ്ററിലധികം റേഞ്ച് നൽകുമെന്ന് മാരുതി സുസുക്കി സ്ഥിരീകരിച്ചു.

ഇലക്ട്രിക് വിറ്റാരയുടെയും അർബൻ ക്രൂയിസർ ഇവിയുടെയും ക്യാബിൻ ലേഔട്ടും സവിശേഷതകളും സമാനമാണ്. രണ്ട് ഇലക്ട്രിക് വാഹനങ്ങളിലും 10.25 ഇൻഫോടെയ്ൻമെന്റ് സിസ്റ്റവും 10.1 ഇഞ്ച് ഇൻസ്ട്രുമെന്റ് ക്ലസ്റ്ററും ഉണ്ട്. ഇൻഫോടെയ്ൻമെന്റ് സിസ്റ്റം ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റിയെ പിന്തുണയ്ക്കും. ഡാഷ്‌ബോർഡിൽ തിരശ്ചീനമായി സ്ഥാപിച്ചിരിക്കുന്ന ചതുരാകൃതിയിലുള്ള എസി വെന്റുമായാണ് ഇവികൾ വരുന്നത്. ഇലക്ട്രിക് വിറ്റാരയ്ക്ക് ബ്രൗൺ-കറുപ്പ് ക്യാബിൻ തീം ഉള്ളപ്പോൾ, ടൊയോട്ട ഇവിക്ക് സിംഗിൾ-ടോൺ തീം ഉണ്ട്.

ടൊയോട്ട അർബൻ ക്രൂയിസർ ഇവിയുടെ പിൻ സീറ്റുകൾ 40:20:40 എന്ന സ്ലൈഡ് ആൻഡ് റീക്ലൈൻ അനുപാതവും 40:20:40 സ്പ്ലിറ്റ്-ഫോൾഡിംഗ് ഫംഗ്ഷനുമായാണ് വരുന്നതെന്ന് വെളിപ്പെടുത്തി. ഇ വിറ്റാരയിലും അർബൻ ക്രൂയിസർ ഇവിയിലും ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ തുടങ്ങിയ സവിശേഷതകൾ വാഗ്ദാനം ചെയ്യുന്ന ഒരു ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം) സ്യൂട്ട് സജ്ജീകരിച്ചിരിക്കുന്നു.