കാർ ബേസ് വേരിയന്‍റ് വാങ്ങി മോഡിഫൈ ചെയ്താൽ കാത്തിരിക്കുന്നത് എട്ടിന്‍റെ പണികൾ

വിലയ്ക്ക് കൂടുതൽ പ്രാധാന്യം നൽകുന്ന ഇന്ത്യ പോലുള്ള കാർ മാർക്കറ്റുകളിൽ, പലരും ഒരു കാർ വാങ്ങുമ്പോൾ ബേസ് മോഡൽ വാങ്ങി പിന്നീട് അതിലേക്ക് വിവിധ ഫീച്ചറുകൾ ചേർക്കാറുണ്ട്.  ഈ രീതിയെ സാധാരണയായി “ബേസ് ടു ടോപ്പ് കൺവർഷൻ” എന്നാണ് വിളിക്കുന്നത്. ഉദാഹരണത്തിന്, ആളുകൾ പിന്നീട് കാറിൽ ചേർക്കുന്ന ചില സാധാരണ ഫീച്ചറുകളിൽ ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, അലോയ് വീലുകൾ, ലെതർ സീറ്റ് കവർസ്, ആംബിയന്റ് ലൈറ്റിംഗ്, ചിലപ്പോൾ സൺറൂഫ് വരെ ആളുകൾ ഇൻസ്റ്റാൾ ചെയ്യാറുണ്ട്.
ഇത് പലർക്കും ചിലവ് കുറച്ച് കൂടുതൽ ഫീച്ചറുകൾ ലഭിക്കുന്ന ഒരു നല്ല ഐഡിയ പോലെ തോന്നാം. എന്നാൽ, ഇത്തരത്തിലുള്ള ആഫ്റ്റർമാർക്കറ്റ് മോഡിഫിക്കേഷനുകൾ ചിലപ്പോൾ കാറിന്‍റെ വാറന്‍റി, റീസെയിൽ വാല്യു, വിശ്വാസ്യത എന്നിവയെ ബാധിക്കാനുള്ള സാധ്യതയുണ്ട്. ഇത് കൂടുതൽ വിശദമായി അറിയാം.