ജര്‍മ്മന്‍ വാഹന നിര്‍മ്മാതാക്കളായ ബിഎംഡബ്ലിയുവിന്‍റെ സെവന്‍ സീരീസിന് പ്രത്യേകള്‍ ഏറെയാണ്. ഇപ്പോഴിതാ ആ സ്വപ്നവാഹനം സ്വന്തമാക്കിയിരിക്കുകയാണ് നടന്‍ ദിലീപ്.
പ്രധാനമന്ത്രി നരേന്ദ്ര മോദി ഉള്‍പ്പെടെയുള്ള ലോക നേതാക്കളുടെ ഇഷ്ട വാഹനം. ലോകത്തിലെ ഏറ്റവുമധികം നീളവും വീല്‍ബേസുമുള്ള ഏറ്റവും ആഡംബരം നിറഞ്ഞ വാഹനം. ജര്‍മ്മന്‍ വാഹന നിര്‍മ്മാതാക്കളായ ബിഎംഡബ്ലിയുവിന്‍റെ സെവന്‍ സീരീസിന് പ്രത്യേകള്‍ ഏറെയാണ്. ഇപ്പോഴിതാ ആ സ്വപ്നവാഹനം സ്വന്തമാക്കിയിരിക്കുകയാണ് നടന്‍ ദിലീപ്.
ദിലീപും അമ്മയും ചേർന്നാണ് വാഹനത്തിന്റെ താക്കോൽ ഏറ്റുവാങ്ങിയത്. എന്തായാലും വിവാദങ്ങള്‍ നിറഞ്ഞ സിനിമാ ജീവിതത്തിനിടെ താരത്തിന്‍റ പുത്തന്‍ വാഹന വിശേഷങ്ങള്‍ ആരാധകര്‍ ആവേശത്തോടെയാണ് സ്വീകരിക്കുന്നത്.
സെവന്‍ സീരിസിന്‍റെ ആറാംതലമുറയാണ് ഇപ്പോള്‍ നിരത്തിലോടുന്നത്. പെട്രോള്‍, ഡീസല്‍ വേരിയന്‍റുകളില്‍ നാലോളം വകഭേദങ്ങളിലെത്തുന്ന വാഹനം ചെന്നൈയിലെ പ്ലാന്‍റില്‍ അസംബിള്‍ ചെയ്താണ് ഇന്ത്യന്‍ വിപണിയിലെത്തുന്നത്.
ബിഎംഡബ്ല്യു നിരയിലെ ഏറ്റവും ആഡംബര സെഡാനാണ് 7 സീരീസ്. ബിഎംഡബ്ല്യുവിന്റെ ഏറ്റവും പുതിയ ട്വിന്‍പവര്‍ ടര്‍ബോ എന്‍ജിന്‍ ടെക്‌നോളജിയാണ് 7 സീരിസില്‍ ഉപയോഗിച്ചിരിക്കുന്നത്. ഏകദേശം ഒന്നരക്കോടി മുതലാണ് വാഹനങ്ങളുടെ കേരളത്തിലെ എക്‌സ്‌ഷോറൂം വില. ബെന്‍സ്, ഔഡി തുടങ്ങിയവരാണ് മുഖ്യ എതിരാളികള്‍. അടുത്തിടെ നടന്‍ ടൊവിനോയും സെവന്‍ സീരീസ് സ്വന്തമാക്കിയിരുന്നു.
മറ്റൊരു ജർമ്മൻ നിർമ്മാതാക്കളായ പോഷെയുടെ ആഡംബര എസ്‌യുവി പനമേര, കെയിൻ, ബിഎംഡബ്ല്യു എക്സ്6 തുടങ്ങിയ നിരവധി വാഹനങ്ങല്‍ ദിലീപിന്‍റെ വാഹന ശേഖരത്തിന്‍റെ ഭാഗമാണെന്നാണ് റിപ്പോര്‍ട്ടുകള്‍.