സ്കോഡ കുഷാക് വില കൂടി, പക്ഷേ അടിസ്ഥാന വേരിയന്‍റിന് ഇപ്പോഴും 11 ലക്ഷത്തിൽ താഴെ മാത്രം

സ്കോഡ തങ്ങളുടെ കുഷാക് എസ്‌യുവിയുടെ വില 20,000 രൂപ വരെ വർദ്ധിപ്പിച്ചു. ഈ വില വർദ്ധനവ് 0.06% മുതൽ 1.24% വരെയാണ്, എന്നാൽ അടിസ്ഥാന വിലയിൽ മാറ്റമില്ല. പുതിയ മോഡലിൽ അധിക ഫീച്ചറുകളും ഉൾപ്പെടുത്തിയിട്ടുണ്ട്.

ചെക്ക് വാഹന ബ്രാൻഡായ സ്കോഡ ഇന്ത്യ ഈ മാസം അതായത് 2025 ഓഗസ്റ്റ് മാസത്തിൽ തങ്ങളുടെ ആഡംബര കുഷാക് എസ്‌യുവിയുടെ വിലയിൽ മാറ്റം വരുത്തി. കമ്പനി ഈ കാറിന്റെ വില 20,000 രൂപ വരെ വർദ്ധിപ്പിച്ചു. കമ്പനി അതിന്റെ വില 0.06 ശതമാനം മുതൽ 1.24 ശതമാനം വരെ കൂട്ടി. അതേസമയം അതിന്റെ ആരംഭ വിലയിൽ ഒരു മാറ്റവും ഉണ്ടായിട്ടില്ല എന്നതാണ് ശ്രദ്ധേയം. കമ്പനി അതിന്റെ പ്രാരംഭ എക്സ്-ഷോറൂം 10.99 ലക്ഷം രൂപയായി നിലനിർത്തിയിരിക്കുന്നു.

സ്കോഡ കുഷാക്കിൽ 1.0 ലിറ്റർ ടർബോ പെട്രോൾ എഞ്ചിൻ ലഭ്യമാണ്. ഈ എഞ്ചിൻ115 bhp പവറും 178 Nm ടോർക്കും ഉത്പാദിപ്പിക്കാൻ പ്രാപ്‍തമാണ്. ഇതിൽ കാണപ്പെടുന്ന 1.5 ലിറ്റർ ടർബോ പെട്രോൾ എഞ്ചിൻ 150 bhp പവറും 250 Nm ടോർക്കും ഉത്പാദിപ്പിക്കാൻ സാധിക്കും. ഇതിന് 6 സ്പീഡ് മാനുവൽ / ഓട്ടോമാറ്റിക് ഗിയർബോക്സ് ഓപ്ഷനുണ്ട്. ക്ലാസിക്, ഒനിക്സ്, സിഗ്നേച്ചർ, സ്‌പോർട്‌ലൈൻ, മോണ്ടെ കാർലോ, പ്രസ്റ്റീജ് എന്നീ ആറ് ട്രിമ്മുകളിലാണ് അപ്‌ഡേറ്റ് ചെയ്ത കുഷാഖ് ലൈനപ്പ് വരുന്നത്. എൻട്രി ലെവൽ ഒനിക്സ് ട്രിം ഇപ്പോൾ 16 ഇഞ്ച് അലോയ് വീലുകളുമായാണ് എത്തുന്നത്. അതേസമയം മിഡ്-ലെവൽ സിഗ്നേച്ചർ ട്രിം 17 ഇഞ്ച് അലോയ് വീലുകളുമായാണ് വരുന്നത്. ഓട്ടോ ഡിമ്മിംഗ് ഐആ‍ർവിഎം, ഇലക്ട്രിക് സൺറൂഫ്, റെയിൻ സെൻസിംഗ് വൈപ്പറുകൾ തുടങ്ങിയ സവിശേഷതകളും സിഗ്നേച്ചർ കിറ്റിന്റെ ഭാഗമാണ്.

കമ്പനി ഇപ്പോൾ സ്റ്റാൻഡേർഡായി അഞ്ച് വർഷം അല്ലെങ്കിൽ 1,25,000 കിലോമീറ്റർ വാറന്‍റി, ഏതാണ് ആദ്യം വരുന്നത് എന്ന രീതിയിൽ വാഗ്ദാനം ചെയ്യുന്നു. അതേസമയം സ്കോഡ കുഷാഖ് ക്ലാസിക് ബേസ് മോഡൽ വിലയ്ക്ക് 10,000 രൂപയുടെ നേരിയ വർധനവ് ലഭിച്ചു. ഇപ്പോൾ അതിന്റെ വില 10.99 ലക്ഷം രൂപയായി. അതേസമയം, ഉയർന്ന സ്റ്റാക്ക് ഉള്ള ഓണിക്സ് വേരിയന്റിൽ 16 ഇഞ്ച് അലോയ് വീലുകൾ നൽകിയിട്ടുണ്ട്. അതിനുശേഷം വില 10,000 രൂപ വർദ്ധിച്ചു. മിഡ്-സ്പെക്ക് കുഷാഖ് സിഗ്നേച്ചറിൽ 17 ഇഞ്ച് അലോയ് വീലുകൾ, സൺറൂഫ്, ഓട്ടോ-ഡിമ്മിംഗ് ഐആ‍വിഎം, റെയിൻ സെൻസിംഗ് വൈപ്പറുകൾ, പിൻ ഫോഗ് ലാമ്പുകൾ എന്നിവ ലഭ്യമാണ്.