ഹോണ്ടയുടെ വിൽപ്പനയിൽ ഇടിവ്; പുതിയ എസ്‌യുവികൾ പ്രതീക്ഷ

2025 ജൂണിൽ ഹോണ്ട കാർസ് ഇന്ത്യയുടെ വിൽപ്പനയിൽ 22% ഇടിവ്. ആഭ്യന്തര വിൽപ്പന 3.9% കുറഞ്ഞപ്പോൾ കയറ്റുമതിയിൽ 89.8% ഇടിവ്. ഇന്ത്യൻ വിപണിയിൽ നാല് പുതിയ എസ്‌യുവികൾ പുറത്തിറക്കാനുള്ള പദ്ധതിയുമായി കമ്പനി.

ജാപ്പനീസ് വാഹന ബ്രാൻഡായ ഹോണ്ട കാർസ് ഇന്ത്യ 2025 ജൂണിൽ ആകെ 5,124 യൂണിറ്റ് വിൽപ്പന രേഖപ്പെടുത്തി. കമ്പനിയുടെ ആഭ്യന്തര വിൽപ്പന 4,618 യൂണിറ്റും കയറ്റുമതി 506 യൂണിറ്റുമാണ്. കഴിഞ്ഞ മാസം, 2025 മെയ് മാസത്തിൽ, 2025 മെയ് മാസത്തിൽ കമ്പനി ആകെ 5,985 യൂണിറ്റ് വിൽപ്പന രേഖപ്പെടുത്തി. കമ്പനിയുടെ ആഭ്യന്തര വിൽപ്പന 3,950 യൂണിറ്റും കയറ്റുമതി 2,035 യൂണിറ്റുമാണ്. 2024 ജൂണിൽ 4,804 ആഭ്യന്തര വിൽപ്പനയും 4,972 കയറ്റുമതി യൂണിറ്റുകളും രേഖപ്പെടുത്തിയിരുന്നു. മൊത്തത്തിലുള്ള വിൽപ്പനയിൽ 22 ശതമാനം ഇടിവാണ് ഈ വർഷം കാണിക്കുന്നത്. ആഭ്യന്തര വിൽപ്പന 3.9 ശതമാനം കുറഞ്ഞു. അതേസമയം കയറ്റുമതിയിൽ 89.8 ശതമാനം വാർഷിക ഇടിവ് രേഖപ്പെടുത്തി.

നിലവിലുള്ള വിപണി സാഹചര്യങ്ങളും ഉപഭോക്തൃ വികാരവും കണക്കിലെടുത്ത് നെറ്റ്‌വർക്കിലുടനീളം ഒപ്റ്റിമൽ ഇൻവെന്ററി ലെവലുകൾ നിലനിർത്തുന്നതിനായി ഈ മാസം വിതരണങ്ങൾ തമോഡറേറ്റ് ചെയ്യുന്നത് തുടർന്നു എന്ന് കമ്പനിയുടെ വിൽപ്പന പ്രകടനത്തെക്കുറിച്ച് ഹോണ്ട കാർസ് ഇന്ത്യ ലിമിറ്റഡിന്റെ മാർക്കറ്റിംഗ് ആൻഡ് സെയിൽസ് വൈസ് പ്രസിഡന്റ് കുനാൽ ബെഹൽ പറഞ്ഞു. മൺസൂണും വരാനിരിക്കുന്ന ഉത്സവ സീസണും കാരണം വരും മാസങ്ങളിൽ ആവശ്യകതയിൽ ക്രമേണ പുരോഗതി ഉണ്ടാകുമെന്ന് ശുഭാപ്തിവിശ്വാസം പുലർത്തുന്നുവെന്നും അദ്ദേഹം വ്യക്തമാക്കി.

2030 ആകുമ്പോഴേക്കും ഇന്ത്യൻ വിപണിയിൽ നാല് പുതിയ എസ്‌യുവികൾ പുറത്തിറക്കാൻ ഹോണ്ട കാർസ് ഇന്ത്യ നീക്കം നടത്തുന്നുണ്ട്. എലിവേറ്റ് ഇവി ഈ പട്ടികയിലെ ആദ്യത്തെ മോഡൽ ആയിരിക്കുമെന്ന് ബ്രാൻഡ് നേരത്തെ സ്ഥിരീകരിച്ചിരുന്നു, എന്നാൽ ഇത് പുറത്തിറക്കാനുള്ള പദ്ധതികൾ ഇപ്പോൾ ഉപേക്ഷിച്ചതായി കമ്പനി സ്ഥിരീകരിച്ചു. പകരം, ഇന്ത്യൻ വിപണിയിൽ ഒരു പുതിയ ഇലക്ട്രിക് എസ്‌യുവി നെയിംപ്ലേറ്റ് പുറത്തിറക്കും. അതിന്റെ നീളം 4 മീറ്ററിൽ കൂടുതലായിരിക്കും. വിദേശത്ത് വിൽക്കുന്ന ഹോണ്ട e:NY1 ആയിരിക്കും ഇതെന്നാണ് റിപ്പോർട്ടുകൾ.

കൂടാതെ, ബ്രാൻഡിന് സിബിയു റൂട്ട് വഴി ഇന്ത്യൻ വിപണിയിലേക്ക് കുറച്ച് മോഡലുകൾ അവതരിപ്പിക്കാനു കമ്പനിക്ക് പദ്ധതിയുണ്ട്. ഫോക്‌സ്‌വാഗൺ ഗോൾഫ് ജിടിഐയുമായി മത്സരിക്കാൻ ലിമിറ്റിഡ് എഡിഷൻ ഹോണ്ട സിവിക് ടൈപ്പ്-ആർ ഇന്ത്യൻ വിപണിയിലേക്ക് എത്തുമെന്നും റിപ്പോർട്ടുകൾ ഉണ്ട്.

രാജസ്ഥാനിലെ തപുകരയിൽ ഹോണ്ട കാർസ് ഇന്ത്യ ലിമിറ്റഡിന് ഒരു നിർമ്മാണ കേന്ദ്രം പ്രവർത്തിക്കുന്നുണ്ട്. ഇന്ത്യയിലുടനീളം കമ്പനിക്ക് വിപുലമായ ഡീലർഷിപ്പുകളുടെയും സേവന കേന്ദ്രങ്ങളുടെയും ശൃംഖലയുണ്ട്. യൂസ്‍ഡ് കാർ ബിസിനസ് പ്ലാറ്റ്‌ഫോം വഴി സർട്ടിഫൈഡ് പ്രീ-ഓൺഡ് വാഹനങ്ങൾ വാഗ്ദാനം ചെയ്യുന്ന ഹോണ്ട ഓട്ടോ ടെറസും എച്ച്സിഐഎല്ലും കമ്പനിയുടെ കീഴിൽ ഉണ്ട്.