ടാറ്റ ടിയാഗോയ്ക്ക് വിലക്കിഴിവ് ഓഫർ

ഇന്ത്യൻ വിപണിയിൽ ലഭ്യമായ ടാറ്റയുടെ ഏറ്റവും വിലകുറഞ്ഞ കാറാണ് ടിയാഗോ. MY2024 മോഡലിൽ 30,000 രൂപ വരെ കിഴിവ് ലഭിക്കുന്നു. പെട്രോൾ, സിഎൻജി മോഡലുകളിൽ മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകളും ലഭ്യമാണ്.

ഇന്ത്യൻ വിപണിയിൽ വിൽക്കുന്ന ടാറ്റയുടെ ഏറ്റവും വിലകുറഞ്ഞ കാർ ടിയാഗോ ആണ്. ഈ കാറിന്റെ 17 വകഭേദങ്ങൾ വിപണിയിലുണ്ട്. ടാറ്റ ടിയാഗോയുടെ എക്സ്-ഷോറൂം വില 4,99,990 രൂപയിൽ ആരംഭിക്കുന്നു. നിലവിൽ, ഈ ടാറ്റ കാറിൽ മൂന്ന് ഓഫറുകൾ ലഭ്യമാണ്. ടാറ്റ ടിയാഗോയുടെ MY2024 മോഡലിലാണ് ഈ കിഴിവ് ഓഫറുകൾ ലഭ്യമാകുന്നത്. ഈ വാഹനം വാങ്ങുമ്പോൾ 30,000 രൂപ വരെ ലാഭിക്കാം.

ടാറ്റ ടിയാഗോയിൽ കിഴിവ് ഓഫറുകൾ
ടാറ്റ ടിയാഗോയിൽ മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകൾ ലഭ്യമാണ്. ഈ കാറിന്റെ MY2024 മാനുവൽ പെട്രോൾ വേരിയന്റിന് 20,000 രൂപ വരെ കിഴിവ് നൽകുന്നു. ഈ ഓഫറിൽ XM, XT (O) മോഡലുകൾ ഉൾപ്പെടുന്നില്ല. ടാറ്റ ടിയാഗോയുടെ സിഎൻജി മോഡലിന് 15,000 രൂപ വരെ കിഴിവും നൽകുന്നു. ടാറ്റ ടിയാഗോ NRG യുടെ എല്ലാ വകഭേദങ്ങളിലും 30,000 രൂപ വരെ കിഴിവ് നൽകുന്നു.

ടാറ്റ ടിയാഗോയുടെ കരുത്ത്
1199 സിസി 1.2 ലിറ്റർ റെവോട്രോൺ പെട്രോൾ എഞ്ചിനാണ് ടാറ്റ ടിയാഗോയ്ക്ക് കരുത്തേകുന്നത്. കാറിലെ ഈ എഞ്ചിൻ 6,000 rpm-ൽ 86 bhp പവറും 3,300 rpm-ൽ 113 Nm ടോർക്കും ഉത്പാദിപ്പിക്കുന്നു. ടാറ്റ ടിയാഗോ സിഎൻജിയും വിപണിയിൽ ലഭ്യമാണ്. ടിയാഗോ സിഎൻജിയിലെ എഞ്ചിൻ 6,000 ആർപിഎമ്മിൽ 75.5 പിഎസ് പവറും 3,500 ആർപിഎമ്മിൽ 96.5 എൻഎം ടോർക്കും ഉത്പാദിപ്പിക്കുന്നു. ഈ കാറിന് 242 ലിറ്റർ ബൂട്ട് സ്പേസ് ഉണ്ട്. ടാറ്റ ടിയാഗോയ്ക്ക് 170 mm ഗ്രൗണ്ട് ക്ലിയറൻസ് ഉണ്ട്. ഈ ടാറ്റ കാറിന് മുന്നിൽ ഡിസ്ക് ബ്രേക്കുകളും പിന്നിൽ ഡ്രം ബ്രേക്കുകളുമുണ്ട്.

ടാറ്റ ടിയാഗോ മൈലേജ്
ടാറ്റ ടിയാഗോയുടെ പെട്രോൾ മാനുവൽ വേരിയന്റ് ലിറ്ററിന് 20.09 കിലോമീറ്റർ മൈലേജ് നൽകുന്നു. ഓട്ടോമാറ്റിക് ട്രാൻസ്മിഷനുള്ള ഈ കാർ ലിറ്ററിന് 19 കിലോമീറ്റർ മൈലേജ് നൽകുന്നു. അതേസമയം CNG മോഡിൽ ഈ കാർ മികച്ച മൈലേജ് നൽകുന്നു. മാനുവൽ ട്രാൻസ്മിഷനിൽ 26.49 കിലോമീറ്റർ/കിലോഗ്രാം മൈലേജും ഓട്ടോമാറ്റിക് ട്രാൻസ്മിഷനിൽ 28.06 കിലോമീറ്റർ/കിലോഗ്രാം മൈലേജും ടിയാഗോ സിഎൻജി വാഗ്ദാനം ചെയ്യുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.