6.89 ലക്ഷം വിലയുള്ള ഈ കാർ ഷോറൂമുകളിലേക്ക്, ബലേനോയുടെയും i20യുടെയും ടെൻഷൻ കൂടുന്നു

ടാറ്റ മോട്ടോഴ്‌സിന്റെ പുതിയ ആൾട്രോസ് ഫെയ്‌സ്‌ലിഫ്റ്റ് മോഡൽ വിപണിയിലെത്തി. ജൂൺ 2 മുതൽ ബുക്കിംഗ് ആരംഭിക്കുന്ന ഈ കാർ പുതിയ ഫീച്ചറുകളും സുരക്ഷാ സംവിധാനങ്ങളുമായി എത്തുന്നു.

നിലവിൽ ഇന്ത്യയിൽ എസ്‌യുവികളോടുള്ള ആവേശം വർദ്ധിച്ചുവരികയാണ്. ഇതൊക്കെയാണെങ്കിലും, പ്രീമിയം ഹാച്ച്ബാക്ക് കാറുകൾക്കും നല്ല ഡിമാൻഡുണ്ട്. ഹ്യുണ്ടായി i20, മാരുതി ബലേനോ, ടൊയോട്ട ഗ്ലാൻസ എന്നിവയാണ് ഈ വിഭാഗത്തിൽ ആധിപത്യം പുലർത്തുന്നത്. എന്നാൽ ഇപ്പോൾ ഇവയ്‌ക്കെല്ലാം കടുത്ത മത്സരം നൽകാൻ, ഒരു പുതിയ പ്രീമിയം ഹാച്ച്ബാക്ക് കാർ വിപണിയിലെത്തി. ജൂൺ 2 മുതൽ ഇതിന്റെ ബുക്കിംഗ് ആരംഭിക്കും. ഈ കാർ ഇപ്പോൾ കമ്പനിയുടെ ഷോറൂമുകളിൽ എത്തിത്തുടങ്ങിയിട്ടുണ്ട്.

ഏത് കാറിനെപ്പറ്റിയാണ് പറഞ്ഞുവരുന്നത് എന്നല്ലേ? ടാറ്റ ആൾട്രോസിന്‍റെ 2025 ലെ പുതിയ ഫെയ്‌സ്‌ലിഫ്റ്റ് മോഡലാണ് ഈ കാർ. കഴിഞ്ഞ ആഴ്ചയാണ് കമ്പനി ഈ കാർ പുറത്തിറക്കിയത്. കാറിന്‍റെ ഇന്റീരിയർ മുതൽ എക്സ്റ്റീരിയർ വരെ നിരവധി മാറ്റങ്ങൾ വരുത്തിയിട്ടുണ്ട്. ഇത് മാത്രമല്ല, ഈ കാർ പൂർണ്ണമായും ഫീച്ചർ ലോഡഡ് ആക്കിയിരിക്കുന്നു. ടാറ്റ മോട്ടോഴ്‌സിന്റെ ഈ പ്രീമിയം ഹാച്ച്ബാക്കിന്റെ ടോപ്പ് മോഡലിന് 11.49 ലക്ഷം രൂപയാണ് എക്സ്-ഷോറൂം വില. പെട്രോൾ, ഡീസൽ, 2 സിലിണ്ടർ സിഎൻജി കിറ്റ് എന്നിവയുടെ ഓപ്ഷനുമായാണ് കമ്പനി ഇത് അവതരിപ്പിച്ചിരിക്കുന്നത്. 

16 ഇഞ്ച് അലോയ് വീലുകളോടെയാണ് പുതിയ അൾട്രോസ് പുറത്തിറക്കിയിരിക്കുന്നത്. ഹെഡ്‌ലാമ്പുകൾ മുതൽ കണക്റ്റഡ് ഡിആർഎൽ, ടെയിൽ ലൈറ്റുകൾ വരെ എക്സ്റ്റീരിയറിൽ നിരവധി മാറ്റങ്ങൾ വന്നിട്ടുണ്ട്. കാറിന്റെ മുൻവശത്തെ ഗ്രിൽ മുതൽ ബമ്പറും പിൻവശത്തെ ബമ്പറും വരെ എല്ലാത്തിനും ഒരു പുതിയ രൂപം നൽകിയിട്ടുണ്ട്. ഇത്തവണ, ഫ്ലഷ് ഡോർ ഹാൻഡിലുകൾ പോലുള്ള പുതിയ സൗന്ദര്യവർദ്ധക അപ്‌ഡേറ്റുകൾ കാറിൽ നൽകിയിട്ടുണ്ട്.

ഈ വിഭാഗത്തിലെ ഏറ്റവും സുരക്ഷിതമായ ഹാച്ച്ബാക്കുകളിൽ ഒന്നാണ് ആൾട്രോസ്. ഗ്ലോബൽ NCAP ക്രാഷ് ടെസ്റ്റിൽ മുതിർന്നവർക്കുള്ള സുരക്ഷാ റേറ്റിംഗിൽ 5-സ്റ്റാർ റേറ്റിംഗും കുട്ടികളുടെ സുരക്ഷാ റേറ്റിംഗിൽ 4-സ്റ്റാർ റേറ്റിംഗും ലഭിച്ച ആൽഫ RC പ്ലാറ്റ്‌ഫോമിലാണ് ഇത് നിർമ്മിച്ചിരിക്കുന്നത്. 2025 ആൾട്രോസിൽ 6 എയർബാഗുകൾ, SOS എമർജൻസി കോളിംഗ്, ഉയരം ക്രമീകരിക്കാവുന്ന സീറ്റ് ബെൽറ്റുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ക്യാമറയുള്ള റിവേഴ്‌സ് പാർക്കിംഗ് സെൻസറുകൾ, ചൈൽഡ് സീറ്റുകൾക്കുള്ള ഐസോഫിക്സ്  ആങ്കറേജുകൾ തുടങ്ങിയവ സ്റ്റാൻഡേർഡായി ലഭിക്കും.

ഇതിൽ നിങ്ങൾക്ക് രണ്ട് സ്‌ക്രീനുകൾ ലഭിക്കും. ഇതിന് 10.25 ഇഞ്ച് ഇൻഫോടെയ്ൻമെന്റ് സിസ്റ്റവും നാവിഗേഷൻ മാപ്പ് വ്യൂ ഉള്ള ഡിജിറ്റൽ ഇൻസ്ട്രുമെന്റ് ക്ലസ്റ്ററും ഉണ്ടായിരിക്കും. ഇതിനുപുറമെ, വയർലെസ് ഫോൺ ചാർജിംഗ്, ക്ലൈമറ്റ് കൺട്രോൾ, ക്രൂയിസ് കൺട്രോൾ, എയർ പ്യൂരിഫയർ, റിയർ എസി വെന്റുകൾ, തുടകൾക്ക് അധിക പിന്തുണ തുടങ്ങിയവ ലഭ്യമാണ്.

ഡീസലിലും ലഭ്യമായ ഇന്ത്യയിലെ ഏക പ്രീമിയം ഹാച്ച്ബാക്ക് കാറാണിത്. ഇതിൽ 1.2 ലിറ്റർ പെട്രോൾ, 1.5 ലിറ്റർ ഡീസൽ, 1.2 ലിറ്റർ പെട്രോൾ-സിഎൻജി എഞ്ചിൻ എന്നിവ ലഭിക്കും.  സ്‍മാർട്ട്, പ്യുവർ, ക്രിയേറ്റീവ്, അക്കംപ്ലിഷ്ഡ് എസ് എന്നീ നാല് വേരിയന്റുകളിലാണ് ആൾട്രോസ് പുറത്തിറക്കിയിരിക്കുന്നത്. ജൂൺ 2 മുതൽ ഈ കാറിന്റെ ബുക്കിംഗ് ആരംഭിക്കും.