പെട്രോള്, ഡീസല് വാഹനങ്ങള്ക്ക് മരണവാറന്റുമായി ജനറല് മോട്ടോഴ്സ്
Synopsis
വാഷിങ്ടൺ: പെട്രോള്, ഡീസല് വാഹനങ്ങള്ക്ക് മരണമണിയുമായി ജനറല് മോട്ടോഴ്സ്. 2023ന് മുമ്പ് പൂർണമായും മലിനീകരണ വിമുക്തമായ വാഹനങ്ങളിലേക്ക് മാറാനൊരുങ്ങുകയാണെന്ന് പ്രമുഖ അമേരിക്കന് വാഹന നിര്മ്മാതാക്കാളായ ജനറൽ മോട്ടോഴ്സ് വ്യക്തമാക്കി.
ഇതിനായി 22 പുതിയ മോഡലുകൾ പുറത്തിറക്കിയാവും ജി.എം മലിനീകരണ വിമുക്തമായ വാഹനലോകത്തിലേക്ക് ചുവടുവെക്കുക. പൂർണമായും ഇലക്ട്രിക്, ഹൈഡ്രജൻ തുടങ്ങിയവ ഉപയോഗിച്ച് പ്രവർത്തിക്കുന്ന വാഹനങ്ങൾ നിർമിക്കാനാണ് ജി.എമ്മിന്റെ പദ്ധതി. അടുത്ത 18 മാസങ്ങൾക്കുള്ളിൽ രണ്ട് ഇലക്ട്രിക് വാഹനങ്ങൾ പുറത്തിറക്കും.
എസ് യു വി, പിക്ക് അപ്, ട്രക്കുകൾ എന്നിവയാണ് കമ്പനി പ്രധാനമായും അമേരിക്കൻ വിപണിയിൽ പുറത്തിറക്കുന്നത്. ഭാവി ഇലക്ട്രിക്കാണെന്ന് മനസിലാക്കുന്നുവെന്നും മലിനീകരണമില്ലാതെ വാഹനലോകമാണ് ലക്ഷ്യമെന്നും ജനറല് മോട്ടോഴ്സ് എക്സിക്യൂട്ടിവ് വൈസ് പ്രസിഡൻറ് മാർക്ക് റെസ്സ് വ്യക്തമാക്കി.
മലിനീകരണ വിമുക്തമായ വാഹനങ്ങൾ 2023ന് മുമ്പ് പുറത്തിറക്കുമെന്ന് മറ്റ് പല പ്രമുഖ നിർമാതാക്കളും നേരത്തെ തന്നെ പ്രഖ്യാപിച്ചിരുന്നു.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.