ജീപ്പിന് അമേരിക്കയില് പോയി മഹീന്ദ്ര കൊടുത്തത് മുട്ടന് പണി!
Synopsis
മഹീന്ദ്ര ആന്ഡ് മഹീന്ദ്രയുടെ അമേരിക്കന് നിരത്തിലെ ആദ്യ വാഹനം റോക്സര് വിപണിയിലെത്തി
ഇന്ത്യയിലെ ആഭ്യന്തര വാഹനനിര്മ്മാതാക്കളില് പ്രമുഖരായ മഹീന്ദ്ര ആന്ഡ് മഹീന്ദ്രയുടെ അമേരിക്കന് നിരത്തിലെ ആദ്യ വാഹനം റോക്സര് വിപണിയിലെത്തി. മഹീന്ദ്ര നോര്ത്ത് അമേരിക്ക (MANA) എന്ന ബ്രാന്ഡിന് കീഴിലെത്തുന്ന ഓഫ് റോഡര് വാഹനത്തിന് ഏകദേശം 15000 ഡോളര് (10 ലക്ഷം രൂപ) ആണ് വിപണി വില.
സൈഡ് ബൈ സൈഡ് വെഹിക്കിൾസ് എന്ന വിഭാഗത്തിലാണ് റോക്സർ അമേരിക്കയിൽ ഇറങ്ങുന്നത്. വാഹനം ദേശീയ പാതകളില് ഓടിക്കാനാവില്ല. ഓഫ് റോഡ് ഡ്രൈവിംഗിനു മാത്രമേ അനുവാദമുള്ളൂ.
ജനപ്രിയ വാഹനം ഥാറിന്റെ അടിസ്ഥാനത്തിലാണ് റോക്സറിന്റെ നിര്മ്മാണം. താറിലുണ്ടായിരുന്ന പ്ലാസ്റ്റിക്ക് ഡാഷ്ബോര്ഡിന് പകരം സീറ്റീലില് തീര്ത്തതാണ് റോക്സറിലെ ഡാഷ്ബോര്ഡ്. ഹെവി ഡ്യൂട്ടി വിഞ്ചസ്, ലൈറ്റ് ബാര്സ്, ഓഫ് റോഡ് വീല്സ് തുടങ്ങിയ ആക്സസറികളും വാഹനത്തിലുണ്ട്. 2.5 ലിറ്റര് ഫോര് സിലിണ്ടര് ടര്ബോ ഡീസല് എന്ജിനാണ് റോക്സറിന്റെ ഹൃദയം. 3200 ആര്പിഎമ്മില് പരമാവധി 62 ബിഎച്ച്പി കരുത്തും 1400-2200 ആര്പിഎമ്മില് 195 എന്എം ടോര്ക്കുമേകും ഈ എന്ജിന്. 5 സ്പീഡ് മാനുവലാണ് ഗിയര്ബോക്സ്.
ഐക്കണിക്ക് ബ്രാന്ഡായ ജീപ്പിന്റെ ജന്മദേശമാണ് അമേരിക്ക. അതുകൊണ്ടു തന്നെ നിയമപ്രശ്നങ്ങള് ഒഴിവാക്കാന് ഇവിടെയുള്ള ജീപ്പില്നിന്ന് പല മാറ്റങ്ങളും റോക്സറിലുണ്ട്. മുന്ഭാഗം നന്നായി അഴിച്ചുപണിത വാഹനത്തിന് ഇരുവശങ്ങളില് ഡോറുകളുമില്ല. ഹാര്ഡ് ടോപ്പ് റൂഫും ഒഴിവാക്കിയിട്ടുണ്ട്. മഹീന്ദ്രയുടെ മിഷിഗണിലെ നിര്മാണ കേന്ദ്രത്തിലാണ് റോക്സറിന്റെ നിര്മാണം പൂര്ത്തീകരിച്ചത്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.