കിലോമീറ്ററിന് വെറും 50 പൈസ ചെലവ്; കേരളത്തിന്റെ ഇലക്ട്രിക്ക് ഓട്ടോ ഉടനെന്ന് മുഖ്യമന്ത്രി
Synopsis
ഒരു കിലോമീറ്റര് ഓടാന് വെറും 50 പൈസ മാത്രം ചിലവു വരുന്ന കേരളത്തിന്റെ ഇലക്ട്രിക് ഓട്ടോ വിപണിയിലെത്തിക്കാനുള്ള നടപടിക്രമങ്ങള് തുടങ്ങി. മുഖ്യമന്ത്രി പിണറായി വിജയന് ഫേസ് ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്.
തിരുവനന്തപുരം: ഒരു കിലോമീറ്റര് ഓടാന് വെറും 50 പൈസ മാത്രം ചിലവു വരുന്ന കേരളത്തിന്റെ ഇലക്ട്രിക് ഓട്ടോ വിപണിയിലെത്തിക്കാനുള്ള നടപടിക്രമങ്ങള് തുടങ്ങി. മുഖ്യമന്ത്രി പിണറായി വിജയന് തന്റെ ഫേസ് ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്.
പൊതുമേഖലാ സ്ഥാപനമായ കേരളാ ഓട്ടോ മൊബൈല് ലിമിറ്റഡ് നിര്മ്മിച്ച ഇ- ഓട്ടോ സി.എം.വി.ആര് സര്ട്ടിഫിക്കേഷന് ലഭിക്കുന്നതിനുള്ള നടപടികള് ആരംഭിച്ചെന്നും സര്ട്ടിഫിക്കേഷന് ലഭിച്ചാല് ഇ- ഓട്ടോ പിപണിയില് എത്തിക്കുമെന്നും മുഖ്യമന്ത്രി അറിയിച്ചു.
സംസ്ഥാനസര്ക്കാറിന്റെ ഇ - വെഹിക്കിള് നയത്തിന്റെ അടിസ്ഥാനത്തിലാണ് വായു മലിനീകരണവും ശബ്ദമലിനീകരണവും കുറഞ്ഞ ഇ-ഓട്ടോയ്ക്ക് രൂപം നല്കിയതെന്നും ഒരു കിലോ മീറ്ററിന് അമ്പത് പൈസയില് താഴെ മാത്രമേ ചെലവു വരൂ എന്നതാണ് ഇ-ഓട്ടോയുടെ മറ്റൊരു പ്രത്യേകതയെന്നും ഒരു പ്രാവശ്യം പൂര്ണ്ണമായും ചാര്ജ്ജ് ചെയ്താല് നൂറ് കിലോ മീറ്റര് വരെ യാത്ര ചെയ്യാമെന്നും മൂന്ന് മണിക്കൂര് കൊണ്ട് ബാറ്ററി പൂര്ണ്ണമായും ചാര്ജ്ജ് ചെയ്യാന് സാധിക്കുമെന്നും മുഖ്യമന്ത്രി ഫേസ് ബുക്ക് പോസ്റ്റില് വ്യക്തമാക്കി.
പോസ്റ്റിന്റെ പൂര്ണ രൂപം
കേരളത്തിന്റെ ഇലക്ട്രിക് ഓട്ടോ വിപണിയിലെത്തിക്കാനുള്ള നടപടിക്രമങ്ങള് തുടങ്ങി. പൊതുമേഖലാ സ്ഥാപനമായ കേരളാ ഓട്ടോ മൊബൈല് ലിമിറ്റഡ് നിര്മ്മിച്ച ഇ - ഓട്ടോ സിഎംവിആര് സര്ട്ടിഫിക്കേഷന് ലഭിക്കുന്നതിനുള്ള നടപടികള് ആരംഭിച്ചു. സര്ട്ടിഫിക്കേഷന് ലഭിച്ചാല് ഇ - ഓട്ടോ പിപണിയില് എത്തിക്കും.
സംസ്ഥാനസര്ക്കാറിന്റെ ഇ - വെഹിക്കിള് നയത്തിന്റെ അടിസ്ഥാനത്തിലാണ് വായു മലിനീകരണവും ശബ്ദമലിനീകരണവും കുറഞ്ഞ ഇ - ഓട്ടോയ്ക്ക് രൂപം നല്കിയത്. ഒരു കിലോ മീറ്ററിന് അമ്പത് പൈസയില് താഴെ മാത്രമേ ചെലവു വരൂ എന്നതാണ് ഇ- ഓട്ടോയുടെ പ്രത്യേകത. ഒരു പ്രാവശ്യം പൂര്ണ്ണമായും ചാര്ജ്ജ് ചെയ്താല് നൂറ് കിലോ മീറ്റര് വരെ യാത്ര സാധ്യമാകും. മൂന്ന് മണിക്കൂര് കൊണ്ട് ബാറ്ററി പൂര്ണ്ണമായും ചാര്ജ്ജ് ചെയ്യാനും സാധിക്കും. സ്റ്റാന്റുകളിലും മറ്റും ചാര്ജ്ജിംഗ് സംവിധാനം ഒരുക്കിയാല് തടസങ്ങളില്ലാതെ ഓട്ടം സാധ്യമാക്കാം.
അഞ്ചു മാസം കൊണ്ടു തന്നെ ഇ - ഓട്ടോ സജ്ജമാക്കാന് കേരളാ ഓട്ടോ മൊബൈല്സ് ലിമിറ്റഡിന് കഴിഞ്ഞു. ഇലക്ട്രിക് വാഹന വികസനത്തിനു വേണ്ടി കേരളാ ഓട്ടോമൊബൈല്സിന് കഴിഞ്ഞ ബജറ്റില് 10 കോടി രൂപ നീക്കി വെച്ചിരുന്നു. ഇത് ഉപയോഗിച്ച് കൂടുതല് ഇലക്ട്രിക് ഓട്ടോ രംഗത്തിറക്കാനാണ് തീരുമാനം.