ബജറ്റ് ടൂവീലർ തേടുന്നോ? ഇതാ സ്പ്ലെൻഡറിനേക്കാൾ വില കുറഞ്ഞ അഞ്ച് മോട്ടോർസൈക്കിളുകൾ

ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന ഹീറോ സ്പ്ലെൻഡറിനേക്കാൾ വില കുറഞ്ഞതും എന്നാൽ മികച്ച മൈലേജും സവിശേഷതകളും നൽകുന്നതുമായ നിരവധി ബൈക്കുകൾ വിപണിയിലുണ്ട്. അവയെ പരിചയപ്പെടാം.

ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന മോട്ടോർസൈക്കിളാണ് ഹീറോ സ്പ്ലെൻഡർ. എന്നാൽ കേന്ദ്ര സർക്കാരിന്‍റെ പുതിയ ജിഎസ്‍ടി 2.0 പരിഷ്‍കാരങ്ങൾക്ക് ശേഷം ഈ ബൈക്ക് ഇപ്പോൾ 73,764 രൂപ പ്രാരംഭ എക്സ്-ഷോറൂം വിലയ്ക്ക് വാങ്ങാം. എങ്കിലും സ്പ്ലെൻഡറിനേക്കാൾ വിലകുറഞ്ഞതും എന്നാൽ കൂടുതൽ സവിശേഷതകളും മികച്ച മൈലേജും വാഗ്ദാനം ചെയ്യുന്നതുമായ നിരവധി മറ്റ് മോട്ടോർസൈക്കിളുകളും ഇന്ത്യൻ വിപണിയിലുണ്ട്. ബജറ്റിൽ ഒരു ശക്തമായ 100 സിസി ബൈക്ക് വാങ്ങാൻ നിങ്ങൾ ആഗ്രഹിക്കുന്നുവെങ്കിൽ ഇനിപ്പറയുന്ന മോട്ടോർസൈക്കിളുകൾ ഒരു നല്ല ഓപ്ഷൻ ആയിരിക്കും. ഇതാ അവയെ പരിചയപ്പെടാം.

ഹീറോ HF ഡീലക്സ്

ഹീറോ HF ഡീലക്‌സിനെ സ്‌പ്ലെൻഡറിന്റെ വിലകുറഞ്ഞ പതിപ്പായി കണക്കാക്കാം. 7.91 bhp കരുത്തും 8.05 Nm ടോർക്കും ഉത്പാദിപ്പിക്കുന്ന 97.2cc എഞ്ചിനാണ് ഇതിന് കരുത്ത് പകരുന്നത്. ഇത് ഏകദേശം 70 km/l മൈലേജ് വാഗ്ദാനം ചെയ്യുന്നു. 58,020 രൂപയാണ് എക്സ്-ഷോറൂം വില. ഇന്ധനം ലാഭിക്കാൻ സഹായിക്കുന്ന i3S (ഐഡിൽ സ്റ്റോപ്പ്-സ്റ്റാർട്ട്) സാങ്കേതികവിദ്യ ഹീറോ HF ഡീലക്സിൽ ഉൾപ്പെടുന്നു. 165mm ഗ്രൗണ്ട് ക്ലിയറൻസും സുഖപ്രദമായ ഇരിപ്പിടവും ഉള്ള ഈ ബൈക്ക് ഹീറോയുടെ പ്രകടനം ആഗ്രഹിക്കുന്നവർക്ക് ഒരു മികച്ച ഓപ്ഷനാണ്.

ബജാജ് പ്ലാറ്റിന 100

മികച്ച സുഖസൗകര്യങ്ങൾക്കും ഉയർന്ന മൈലേജിനും പേരുകേട്ടതാണ് ബജാജ് പ്ലാറ്റിന 100. 7.77 bhp കരുത്തും 8.3 Nm ടോർക്കും ഉത്പാദിപ്പിക്കുന്ന 102 സിസി എഞ്ചിനാണ് ഇതിന് കരുത്ത് പകരുന്നത്. 70 കിലോമീറ്റർ/ലിറ്റർ വരെ മൈലേജ് വാഗ്ദാനം ചെയ്യുന്ന ഇതിന്റെ എക്സ്-ഷോറൂം വില 65,407 രൂപ ആണ്. LED DRL, അലോയ് വീലുകൾ, 200 എംഎം ഗ്രൗണ്ട് ക്ലിയറൻസ് തുടങ്ങിയവ ഇതിൽ ഉൾപ്പെടുന്നു. സിബിഎസ് ബ്രേക്കിംഗ് സിസ്റ്റവും 11 ലിറ്റർ ഇന്ധന ടാങ്കും ഉള്ളതിനാൽ ദീർഘദൂര യാത്രയ്ക്കും ബജാജ് പ്ലാറ്റിന 100 അനുയോജ്യമാണ്.

ഹോണ്ട ഷൈൻ 100

ഹോണ്ട ഷൈൻ 100 സ്പ്ലെൻഡറുമായി നേരിട്ട് മത്സരിക്കുന്നു. 7.38 bhp കരുത്തും 8.05 Nm ടോർക്കും ഉത്പാദിപ്പിക്കുന്ന 98.98cc എഞ്ചിനാണ് ഇതിന് കരുത്ത് പകരുന്നത്. ഇത് 55–60 km/l ഇന്ധനക്ഷമത വാഗ്ദാനം ചെയ്യുന്നു. 63,191 രൂപ ആണ് ഇതിന്റെ എക്സ്-ഷോറൂം വില. കോമ്പി ബ്രേക്കിംഗ് സിസ്റ്റം (CBS), ഒരു അനലോഗ് മീറ്റർ, 9 ലിറ്റർ ഇന്ധന ടാങ്ക് എന്നിവ സവിശേഷതകളിൽ ഉൾപ്പെടുന്നു. ഇതിന്റെ 168 എംഎം ഗ്രൗണ്ട് ക്ലിയറൻസും 786 എംഎം സീറ്റ് ഉയരവും നഗരപ്രദേശങ്ങൾക്കും ഗ്രാമപ്രദേശങ്ങൾക്കും അനുയോജ്യമാക്കുന്നു.

ടിവിഎസ് റേഡിയോൺ

ടിവിഎസ് റേഡിയൻ ഒരു പ്രീമിയം ലുക്കിലുള്ളതും സവിശേഷതകളാൽ സമ്പന്നവുമായ ബൈക്കാണ്, സ്പ്ലെൻഡറിന് നേരിട്ടുള്ള എതിരാളിയാണ് ടിവിഎസ് റേഡിയോൺ. 8.08 ബിഎച്ച്പിയും 8.7 എൻഎം ടോർക്കും ഉത്പാദിപ്പിക്കുന്ന 109.7 സിസി എഞ്ചിനാണ് ടിവിഎസ് റേഡിയോണിന് കരുത്ത് പകരുന്നത്. ഈ എഞ്ചിൻ ഏകദേശം 68.6 കിലോമീറ്റർ/ലിറ്റർ ഇന്ധനക്ഷമത വാഗ്ദാനം ചെയ്യുന്നു. 66,300 രൂപയാണ് എക്സ്-ഷോറൂം വില. റിവേഴ്‌സ് എൽസിഡി ഡിസ്‌പ്ലേ, യുഎസ്ബി ചാർജർ, സൈഡ്-സ്റ്റാൻഡ്, ലോ ബാറ്ററി ഇൻഡിക്കേറ്റർ തുടങ്ങിയ സവിശേഷതകളോടെയാണ് റേഡിയൻ വരുന്നത്.

ടിവിഎസ് സ്പോർട്ട്

സ്പ്ലെൻഡർ പോലുള്ള ഒരു ബൈക്കിൽ കൂടുതൽ സ്പോർട്ടിയർ ടച്ച് ആഗ്രഹിക്കുന്നുണ്ടെങ്കിൽ, ടിവിഎസ് സ്പോർട്ട് ഒരു മികച്ച ഓപ്ഷനാണ്. 8.18 ബിഎച്ച്പിയും 8.3 എൻഎം ടോർക്കും ഉത്പാദിപ്പിക്കുന്ന 109.7 സിസി എഞ്ചിനാണ് ഇതിന് കരുത്ത് പകരുന്നത്. ഇന്ധനക്ഷമത ഏകദേശം 70 കിലോമീറ്റർ/ലിറ്ററാണ്, ഇതിന്റെ വില 58,200 രൂപയാണ് എക്സ്-ഷോറൂം വില. യുഎസ്ബി ചാർജിംഗ് പോർട്ട്, എസ്ബിടി ബ്രേക്കിംഗ് സിസ്റ്റം, ഡിജിറ്റൽ-അനലോഗ് ക്ലസ്റ്റർ തുടങ്ങിയ സവിശേഷതകളോടെയാണ് ഈ ബൈക്ക് വരുന്നത്.