കാത്തിരിപ്പ് അവസാനിച്ചു! റോയൽ എൻഫീൽഡ് കരുത്തുറ്റ ക്ലാസിക് 650 ബുള്ളറ്റ് പുറത്തിറക്കി

റോയൽ എൻഫീൽഡ് ഇന്ത്യൻ വിപണിയിൽ ക്ലാസിക് 650 പുറത്തിറക്കി. മൂന്ന് വകഭേദങ്ങളിൽ ലഭ്യമായ ഈ ബൈക്കിന് 648 സിസി എഞ്ചിനും ക്ലാസിക് രൂപകൽപ്പനയുമുണ്ട്. ബുക്കിംഗും വില്പനയും ആരംഭിച്ചു.

ഐക്കണിക്ക് പ്രീമിയം ക്രൂയിസർ ബൈക്ക് നിർമ്മാതാക്കളായ റോയൽ എൻഫീൽഡ് ഇന്ത്യൻ വിപണിയിൽ പുതിയൊരു ബൈക്ക് റോയൽ എൻഫീൽഡ് ക്ലാസിക് 650 പുറത്തിറക്കി. കമ്പനിയുടെ വലിയ ശേഷിയുള്ള 650 സിസി നിരയിലെ ആറാമത്തെ മോഡലാണ് പുതിയ ക്ലാസിക് 650. ക്ലാസിക് 650 ശ്രേണിയിലെ മറ്റ് പ്രധാന മോഡലുകളുടെ അതേ എഞ്ചിൻ പ്ലാറ്റ്‌ഫോമായിരിക്കും ഉപയോഗിക്കുക. കഴിഞ്ഞ വർഷം മിലാൻ ഓട്ടോ ഷോയിലാണ് ഈ ബൈക്ക് ആദ്യമായി പ്രദർശിപ്പിച്ചത്. ഹോട്ട്റോഡ്, ക്ലാസിക്, ക്രോം എന്നീ മൂന്ന് വകഭേദങ്ങളിലാണ് ബൈക്കിന്റെ നിര വരുന്നത്. ഇവയ്ക്ക് യഥാക്രമം 3.37 ലക്ഷം രൂപ, 3.41 ലക്ഷം രൂപ, 3.50 ലക്ഷം രൂപ എന്നിങ്ങനെയാണ് എക്സ്-ഷോറൂം വില. രാജ്യവ്യാപകമായി ഈ ബൈക്കിനുള്ള ബുക്കിംഗ്, ടെസ്റ്റ് റൈഡുകൾ, വിൽപ്പന എന്നിവ ആരംഭിച്ചു. ഡെലിവറി ഉടൻ ആരംഭിക്കും. 

രൂപത്തിലും രൂപകൽപ്പനയിലും ഈ ബൈക്ക് അതിന്‍റെ സഹോദര മോഡലായ ക്ലാസിക് 350 ന് സമാനമാണ്. നിങ്ങൾ കാണുന്ന ഏറ്റവും വലിയ മാറ്റം അതിന്റെ എഞ്ചിനാണ്. ഈ ബൈക്കിൽ 47hp കരുത്തും 52.3Nm ടോർക്കും ഉത്പാദിപ്പിക്കുന്ന 648 സിസി പാരലൽ-ട്വിൻ എഞ്ചിനാണ് സജ്ജീകരിച്ചിരിക്കുന്നത്. റോയൽ എൻഫീൽഡിലെ മറ്റ് 650 സിസി ബൈക്കുകളെപ്പോലെ, സ്ലിപ്പ്-ആൻഡ്-അസിസ്റ്റ് ക്ലച്ച് സഹിതം ആറ് സ്‍പീഡ് ഗിയർബോക്‌സാണ് ഇതിലും സജ്ജീകരിച്ചിരിക്കുന്നത്.  

ക്ലാസിക് 650 ന്റെ രൂപകൽപ്പനയെക്കുറിച്ച് പറയുകയാണെങ്കിൽ, ഇത് പ്രധാനമായും ക്ലാസിക് 350 ൽ നിന്ന് പ്രചോദനം ഉൾക്കൊണ്ടതാണ്. പൈലറ്റ് ലാമ്പുള്ള സിഗ്നേച്ചർ റൗണ്ട് ഹെഡ്‌ലാമ്പ്, ടിയർഡ്രോപ്പ് ആകൃതിയിലുള്ള ഇന്ധന ടാങ്ക്, ത്രികോണ സൈഡ് പാനലുകൾ, പിന്നിൽ വൃത്താകൃതിയിലുള്ള ടെയിൽ ലാമ്പ് അസംബ്ലി എന്നിവ ഇതിനുണ്ട്. ഇതിന് പീഷൂട്ടർ ശൈലിയിലുള്ള എക്‌സ്‌ഹോസ്റ്റ് ഉണ്ട്. ബൈക്കിന് ചുറ്റും എൽഇഡി ലൈറ്റിംഗ്, സെമി-ഡിജിറ്റൽ ഇൻസ്ട്രുമെന്റ് കൺസോൾ, സി-ടൈപ്പ് ചാർജിംഗ് പോർട്ട് തുടങ്ങിയവയും ഉണ്ട്. 

ക്ലാസിക് 650 സൂപ്പർ മെറ്റിയർ/ഷോട്ട്ഗൺ പ്ലാറ്റ്‌ഫോമിൽ നിർമ്മിച്ചത്. ഇത് ഒരേ സ്റ്റീൽ ട്യൂബുലാർ സ്പൈൻ ഫ്രെയിം, സബ്ഫ്രെയിം, സ്വിംഗാർ എന്നിവ ഉപയോഗിക്കുന്നു. സസ്പെൻഷനായി മുന്നിൽ 43 എംഎം ടെലിസ്കോപ്പിക് ഫോർക്ക് സജ്ജീകരണവും പിന്നിൽ ഇരട്ട ഷോക്ക് അബ്സോർബറുകളും ഉണ്ട്. ബ്രേക്കിംഗിനായി രണ്ട് ചക്രങ്ങളിലും ഡിസ്‍ക് ബ്രേക്കുകളും ഉണ്ട്. ഇരട്ട ചാനൽ എബിഎസ് സംവിധാനമാണ് ഇതിൽ ഉള്ളത് എന്നതാണ് പ്രത്യേകത. എങ്കിലും, ബൈക്കിൽ അലോയ് വീലുകൾക്ക് പകരം നാല് സ്‌പോക്ക് വീലുകൾ മാത്രമേ ഉള്ളൂ. ബൈക്കിന്റെ ഇന്ധന ടാങ്ക് ശേഷി 14.7 ലിറ്ററാണ്. സീറ്റ് ഉയരം 800 മില്ലിമീറ്ററാണ്. ഗ്രൗണ്ട് ക്ലിയറൻസ് 154 മില്ലിമീറ്ററാണ്. 243 കിലോഗ്രാം ഭാരമുണ്ട് ഈ റോൽ എൻഫീൽഡ് ബൈക്കിന്. ഇതുവരെ കണ്ടിട്ടുള്ളതിൽ വച്ച് ഏറ്റവും ഭാരമേറിയ റോയൽ എൻഫീൽഡാണിത്. വല്ലം റെഡ്, ബ്രണ്ടിംഗ്തോർപ്പ് ബ്ലൂ, ടീൽ ഗ്രീൻ, ബ്ലാക്ക് ക്രോം എന്നീ നാല് നിറങ്ങളിൽ ക്ലാസിക് 650 ലഭ്യമാകും.