ടിവിഎസിന്‍റെ റെക്കോർഡ് കുതിപ്പ്: വിൽപ്പനയിൽ വൻ മുന്നേറ്റം

2025-26 സാമ്പത്തിക വർഷത്തിലെ മൂന്നാം പാദത്തിൽ ടിവിഎസ് മോട്ടോർ കമ്പനി 1.544 ദശലക്ഷം യൂണിറ്റ് വിൽപ്പന നടത്തി പുതിയ റെക്കോർഡ് സ്ഥാപിച്ചു. ഇരുചക്ര, മുച്ചക്ര, ഇലക്ട്രിക് വാഹന വിഭാഗങ്ങളിലും അന്താരാഷ്ട്ര വിപണിയിലും കമ്പനി ഗണ്യമായ വളർച്ച രേഖപ്പെടുത്തി.  

2025-26 സാമ്പത്തിക വർഷത്തിലെ മൂന്നാം പാദത്തിൽ ടിവിഎസ് മോട്ടോർ കമ്പനി ഓട്ടോ വ്യവസായത്തിൽ പുതിയ റെക്കോർഡ് സൃഷ്ടിച്ചു. ഈ പാദത്തിൽ കമ്പനി 1.544 ദശലക്ഷം യൂണിറ്റ് വിൽപ്പന എന്ന എക്കാലത്തെയും ഉയർന്ന വിൽപ്പന രേഖപ്പെടുത്തി. ഇത് പ്രതിവർഷം 27 ശതമാനം വളർച്ചയാണ് കാണിക്കുന്നത്. ഇരുചക്ര, മുച്ചക്ര, അന്താരാഷ്ട്ര വിപണികളിൽ ടിവിഎസിന്റെ തുടർച്ചയായ ശക്തി ഈ നേട്ടം പ്രകടമാക്കുന്നു.

2025 സാമ്പത്തിക വർഷത്തിലെ 1.183 ദശലക്ഷം യൂണിറ്റുകളുമായി താരതമ്യം ചെയ്യുമ്പോൾ, 2026 സാമ്പത്തിക വർഷത്തിലെ മൂന്നാം പാദത്തിൽ ടിവിഎസ് ഇരുചക്ര വാഹന വിൽപ്പന 25% വർധിച്ച് 1.484 ദശലക്ഷം യൂണിറ്റായി. മോട്ടോർ സൈക്കിൾ, സ്കൂട്ടർ വിഭാഗങ്ങൾക്ക് ശക്തമായ ഡിമാൻഡ് ലഭിച്ചു. ഇത് മൊത്തത്തിലുള്ള വിൽപ്പനയെ നേരിട്ട് സ്വാധീനിച്ചു.

ഈ പാദത്തിൽ ടിവിഎസിന്റെ ത്രീ വീലർ ബിസിനസിൽ ഗണ്യമായ കുതിച്ചുചാട്ടം ഉണ്ടായി. 2025 സാമ്പത്തിക വർഷത്തിന്റെ മൂന്നാം പാദത്തിലെ 0.29 ലക്ഷം യൂണിറ്റുകളിൽ നിന്ന് 2026 സാമ്പത്തിക വർഷത്തിൽ 0.60 ലക്ഷം യൂണിറ്റുകളായി വിൽപ്പന 106% വർദ്ധിച്ചു. ഈ വളർച്ച വർദ്ധിച്ചുവരുന്ന ഡിമാൻഡിനെ പ്രതിഫലിപ്പിക്കുന്നു. പ്രത്യേകിച്ച് വാണിജ്യ, അവസാന മൈൽ മൊബിലിറ്റി വിഭാഗങ്ങളിൽ.

ടിവിഎസ് മോട്ടോർ കമ്പനി വിദേശ വിപണികളിലും മികച്ച പ്രകടനം കാഴ്ചവച്ചു. അന്താരാഷ്ട്ര വിൽപ്പന 40% വർധിച്ച് 4.10 ലക്ഷം യൂണിറ്റായി, കഴിഞ്ഞ വർഷം ഇതേ പാദത്തിൽ ഇത് 2.94 ലക്ഷം യൂണിറ്റായിരുന്നു.

2025 ഡിസംബർ മാസം ടിവിഎസിന് ഒരു സുപ്രധാന മാസമായിരുന്നു. ഈ മാസം കമ്പനി 481,389 യൂണിറ്റുകൾ വിറ്റു, 2024 ഡിസംബറിനേക്കാൾ 50% വർധന. ആഭ്യന്തര ഇരുചക്ര വാഹന വിപണിയിൽ ശക്തമായ വളർച്ചയുണ്ടായി. കമ്പനിയുടെ മൊത്തം ഇരുചക്ര വാഹന വിൽപ്പന 48% വർദ്ധിച്ച് 461,071 യൂണിറ്റിലെത്തി. ആഭ്യന്തര ഇരുചക്ര വാഹന വിൽപ്പന 54% വർദ്ധിച്ച് 330,362 യൂണിറ്റിലെത്തി.

മോട്ടോർസൈക്കിൾ, സ്കൂട്ടർ വിൽപ്പനയെക്കുറിച്ച് പറയുമ്പോൾ, മോട്ടോർസൈക്കിൾ വിൽപ്പന 50% വർധിച്ച് 2,16,867 യൂണിറ്റിലെത്തി. സ്‍കൂട്ടറുകൾ 1,98,017 യൂണിറ്റുകളുടെ വിൽപ്പന കൈവരിച്ചു. 48 ശതമാനമാണ് വളർച്ച. ഇലക്ട്രിക് വാഹന വിഭാഗത്തിൽ 77 ശതമാനം കുതിച്ചുചാട്ടവും നടത്തി. ടിവിഎസിന്റെ ഇലക്ട്രിക് വാഹന നിരയുടെ ഡിമാൻഡ് അതിവേഗം വളരുകയാണ്. 2024 ഡിസംബറിൽ 20,171 യൂണിറ്റുകളിൽ നിന്ന് 2025 ഡിസംബറിൽ ഇലക്ട്രിക് വാഹന വിൽപ്പന 77% വർധിച്ച് 35,605 യൂണിറ്റുകളായി. കമ്പനിയുടെ മൊത്തം കയറ്റുമതി 40% വർദ്ധിച്ച് 146,022 യൂണിറ്റിലെത്തി. ഇരുചക്ര വാഹന കയറ്റുമതി 35% വർദ്ധിച്ചപ്പോൾ, മുച്ചക്ര വാഹന വിൽപ്പന 110% വർദ്ധിച്ച് 20,318 യൂണിറ്റിലെത്തി.

2026 സാമ്പത്തിക വർഷത്തെ മൂന്നാം പാദത്തിലെയും 2025 ഡിസംബർ മാസത്തിലെയും കണക്കുകൾ ടിവിഎസ് മോട്ടോർ കമ്പനി നിലവിൽ പൂർണ്ണ വളർച്ചയിലാണെന്ന് വ്യക്തമാക്കുന്നു. ഇരുചക്ര വാഹനങ്ങൾ, ഇലക്ട്രിക് വാഹനങ്ങൾ, മുച്ചക്ര വാഹനങ്ങൾ, അന്താരാഷ്ട്ര ബിസിനസ്സ് എന്നിവയുൾപ്പെടെ എല്ലാ വിഭാഗങ്ങളിലും ശക്തമായ പ്രകടനം കാഴ്ചവച്ചതായും ടിവിഎസ് വ്യക്തമാക്കുന്നു.