എറണാകുളം മെഡിക്കൽ കോളേജിലെ എ.ആർ.ടി സെന്‍ററിൽ കൗൺസിലർ ഒഴിവ്

കേരള സ്റ്റേറ്റ് എയിഡ്‌സ് കൺട്രോൾ സൊസൈറ്റിയുടെ കീഴിലുള്ള തസ്തികയിലേക്ക് ഫെബ്രുവരി നാല് രാവിലെ 11-ന് മെഡിക്കൽ കോളേജ് പ്രിൻസിപ്പാളിന്റെ ഓഫീസിൽ വാക്ക്-ഇൻ ഇന്റർവ്യൂ നടക്കും.

എറണാകുളം: എറണാകുളം സർക്കാർ മെഡിക്കൽ കോളേജിൽ പ്രവർത്തിക്കുന്ന എ.ആർ.ടി സെന്‍ററിൽ കൗൺസിലർ തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. കേരള സ്റ്റേറ്റ് എയിഡ്‌സ് കൺട്രോൾ സൊസൈറ്റിയുടെ കീഴിലുള്ള തസ്തികയിലേക്ക് ഫെബ്രുവരി നാല് രാവിലെ 11-ന് മെഡിക്കൽ കോളേജ് പ്രിൻസിപ്പാളിന്റെ ഓഫീസിൽ വാക്ക് ഇൻ ഇന്റർവ്യൂ നടക്കും. പ്രതിമാസ വേതനം 21,000 രൂപ.

യോഗ്യത: സോഷ്യൽ വർക്ക്, സൈക്കോളജി, ആന്ത്രപ്പോളജി, ഹ്യൂമൻ ഡെവലപ്‌മെന്റ് അല്ലെങ്കിൽ നഴ്‌സിംഗ് എന്നിവയിൽ ബിരുദവും കമ്പ്യൂട്ടർ പരിജ്ഞാനവും (എം.എസ് ഓഫീസ് അഭികാമ്യം), നാഷണൽ ഹെൽത്ത് പ്രോഗ്രാമിന് കീഴിൽ കൗൺസിലിംഗിൽ 3 വർഷത്തെ പ്രവൃത്തിപരിചയവും അല്ലെങ്കിൽ, മേൽപ്പറഞ്ഞ വിഷയങ്ങളിൽ ബിരുദാനന്തര ബിരുദവും കമ്പ്യൂട്ടർ പരിജ്ഞാനവും.

പ്രായപരിധി 40 വയസ്സിന് താഴെ.​താല്പര്യമുള്ള ഉദ്യോഗാർത്ഥികൾ വയസ്സ്, വിദ്യാഭ്യാസ യോഗ്യത, മേൽവിലാസം, ആധാർ, പ്രവൃത്തി പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും അവയുടെ പകർപ്പുകളും പാസ്പോർട്ട് സൈസ് ഫോട്ടോയും സഹിതം ഇന്റർവ്യൂവിന് ഹാജരാകണം. ഫോൺ : 0484-2754000, 0484-2764443