എസ് സി ഇ ആർ ടി ഒഴിവുകൾ; അസിസ്റ്റന്റ് പ്രൊഫസർ, റിസർച്ച് ഓഫീസർ: ഡെപ്യൂട്ടേഷൻ നിയമനം

സർക്കാർ സ്‌കൂളുകൾ, സർക്കാർ അദ്ധ്യാപക പരിശീലന കേന്ദ്രങ്ങൾ, സർക്കാർ കോളേജുകൾ, സർക്കാർ ട്രയിനിംഗ് കോളേജുകൾ, യൂണിവേഴ്‌സിറ്റികൾ എന്നിവയിൽ ജോലി ചെയ്യുന്ന യോഗ്യരായ അധ്യാപകർക്ക് നിശ്ചിത മാതൃകയിൽ അപേക്ഷിക്കാം.

തിരുവനന്തപുരം: സംസ്ഥാന വിദ്യാഭ്യാസ ഗവേഷണ പരിശീലന സ്ഥാപനമായ എസ്.സി.ഇ.ആർ.ടി (കേരള) (SEERT Kerala) യിലേക്ക് ഇക്കണോമിക്‌സ്, പോളിറ്റിക്കൽ സയൻസ്, ഉറുദു, കന്നഡ, ഫിസിക്കൽ എഡ്യൂക്കേഷൻ, ഇംഗ്ലീഷ്, ഇവാല്യൂവേഷൻ, വൊക്കേഷണൽ എഡ്യൂക്കേഷൻ, മാത്തമാറ്റിക്‌സ്, സംസ്‌കൃതം, നോൺ ഫോർമൽ എഡ്യൂക്കേഷൻ എന്നീ വിഷയങ്ങളിൽ അസിസ്റ്റന്റ് പ്രൊഫസർ/ റിസർച്ച് ഓഫീസർ തസ്തികകളിലേക്ക് (deputation appointment) ഡെപ്യൂട്ടേഷൻ വ്യവസ്ഥയിൽ നിയമിക്കും. 

ഇതിനായി സർക്കാർ സ്‌കൂളുകൾ, സർക്കാർ അദ്ധ്യാപക പരിശീലന കേന്ദ്രങ്ങൾ, സർക്കാർ കോളേജുകൾ, സർക്കാർ ട്രയിനിംഗ് കോളേജുകൾ, യൂണിവേഴ്‌സിറ്റികൾ എന്നിവയിൽ ജോലി ചെയ്യുന്ന യോഗ്യരായ അധ്യാപകർക്ക് നിശ്ചിത മാതൃകയിൽ അപേക്ഷിക്കാം. വകുപ്പു മേലധികാരികളുടെ എൻ.ഒ.സി സഹിതം ഡിസംബർ 10ന് മുമ്പായി ഡയറക്ടർ, എസ്.സി.ഇ.ആർ.ടി വിദ്യാഭവൻ, പുജപ്പുര, തിരുവനന്തപുരം 12 എന്ന വിലാസത്തിൽ അപേക്ഷ ലഭിക്കണം. അഭിമുഖം നടത്തിയായിരിക്കും നിയമനത്തിനായുള്ളവരെ തെരെഞ്ഞെടുക്കുന്നത്. വിശദാംശങ്ങൾ എസ്.സി.ഇ.ആർ.ടി വെബ്‌സൈറ്റിൽ (www.scert.kerala.gov.in) ലഭ്യമാണ്.

പൊതു വിദ്യാഭ്യാസ വകുപ്പിനുകീഴിലുള്ള ഒരു കേരള സർക്കാർസ്വയംഭരണ സ്ഥാപനമാണ് സ്റ്റേറ്റ് കൗൺസിൽ ഓഫ് എഡ്യൂക്കേഷണൽ റിസർച്ച് ആൻഡ് ട്രെയിനിംഗ് (എസ്.സി.ഇ.ആർ.ടി.-കേരളം). ഇത് ദേശീയ തലത്തിലുള്ള എൻ.സി.ഇ.ആർ.ടി.-യുടെ മാതൃകയിൽ സ്ഥാപിതമാണ്, കൂടാതെ പ്രീ-പ്രൈമറി മുതൽ ഹയർ സെക്കൻഡറി വരെ സ്കൂൾ വിദ്യാഭ്യാസത്തിന്റെ അക്കാദമിക കാര്യങ്ങളിൽ ഒരു സുപ്രധാന സ്ഥാപനമായി പ്രവർത്തിക്കുന്നു.നയ രൂപീകരണം, പാഠ്യപദ്ധതി വികസനം, അദ്ധ്യാപന-പഠന സാമഗ്രികൾ തയ്യാറാക്കൽ, വിദ്യാഭ്യാസ ഗവേഷണങ്ങൾ, വിദ്യാഭ്യാസത്തിന്റെ തൊഴിൽവൽക്കരണം എന്നിവ മുതൽ സംസ്ഥാനത്തെ അധ്യാപക വിദ്യാഭ്യാസ പരിപാടികൾ വരെ സ്ഥാപനത്തിന്റെ വിവിധ പ്രവർത്തനങ്ങളിൽ ഉൾക്കൊള്ളുന്നു.

ദേശീയ തലത്തിൽ എൻ‌.സി‌.ഇ.ആർ‌.ടിയും സംസ്ഥാനതലത്തിൽ എസ്‌.സി‌.ഇ.ആർ‌.ടി-കളും സ്ഥാപിച്ച് സ്കൂൾ വിദ്യാഭ്യാസത്തിന്റെ അക്കാദമിക അടിത്തറ ശക്തിപ്പെടുത്തേണ്ടതിന്റെ ആവശ്യകത ദേശീയ വിദ്യാഭ്യാസനയം ഉയർത്തിക്കാട്ടി 1994-ലാണ് കേരളത്തിൽ എസ്‌സി‌ഇആർ‌ടി സ്ഥാപിതമായത്. പാഠ്യപദ്ധതി രൂപപ്പെടുത്തുകയും നടപ്പാക്കുകയും ചെയ്യുക, വിഭവ സാമഗ്രികൾ തയ്യാറാക്കുക, കേരളത്തിലെ സ്കൂളുകളിൽ ഉന്നതനിലവാരമുള്ള വിദ്യാഭ്യാസം ഉറപ്പാക്കുന്ന മൂല്യനിർണ്ണയ സംവിധാനം വികസിപ്പിക്കുക എന്നിവയിലൂടെ സ്കൂൾ വിദ്യാഭ്യാസത്തിൽ ഗുണനിലവാരമുള്ള സംരംഭങ്ങൾക്ക് എസ്‌സി‌ഇആർ‌ടി പ്രതിജ്ഞാബദ്ധമാണ്. സംസ്ഥാനത്തെ സ്കൂൾ വിദ്യാഭ്യാസത്തിന് ഒരു പുതിയ ദർശനം പ്രാപ്തമാക്കുന്നതിനായി നേരത്തെ പൊതുവിദ്യാഭ്യാസ വകുപ്പിന്റെ ഭാഗമായി പ്രവർത്തിച്ചിരുന്ന സ്റ്റേറ്റ് ഇൻസ്റ്റിറ്റ്യൂട്ട് ഓഫ് എഡ്യൂക്കേഷൻ (എസ്.ഐ.ഇ) എസ്‌.സി‌.ഇ.ആർ‌.ടി ആയി പുനഃസംഘടിപ്പിക്കുകയാണുണ്ടായത്.