Scholarship| സംസ്ഥാനത്തിന് പുറത്തെ പ്രമുഖ സ്ഥാപനങ്ങളിൽ പഠിക്കുന്ന ഒ.ബി.സിക്കാർക്ക് സ്കോളർഷിപ്പ്
Synopsis
ഒ.ബി.സി വിഭാഗത്തിൽപെട്ട സംസ്ഥാനത്തിന് പുറത്തെ ദേശീയ പ്രാധാന്യമുള്ള വിദ്യാഭ്യാസ സ്ഥാപനങ്ങളിലോ ഐ.ഐ.ടി, ഐ.ഐ.എം, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് തുടങ്ങിയ ഉന്നത വിദ്യാഭ്യാസ സ്ഥാപനങ്ങളിലോ പ്രവേശനം ലഭിച്ച ബിരുദ, ബിരുദാനന്തര ബിരുദ വിദ്യാർത്ഥികൾക്ക് പോസ്റ്റ്മെട്രിക് സ്കോളർഷിപ്പ്
തിരുവനന്തപുരം: ഒ.ബി.സി വിഭാഗത്തിൽപെട്ട (OBC Students) സംസ്ഥാനത്തിന് പുറത്തെ ദേശീയ പ്രാധാന്യമുള്ള വിദ്യാഭ്യാസ സ്ഥാപനങ്ങളിലോ ഐ.ഐ.ടി, ഐ.ഐ.എം, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് തുടങ്ങിയ ഉന്നത വിദ്യാഭ്യാസ സ്ഥാപനങ്ങളിലോ മെറിറ്റ്/ റിസർവേഷൻ പ്രകാരം പ്രവേശനം ലഭിച്ച ബിരുദ, ബിരുദാനന്തര ബിരുദ വിദ്യാർത്ഥികൾക്ക് പിന്നാക്ക വിഭാഗ വികസന വകുപ്പ് മുഖേന നൽകുന്ന (Post Metric Scholarship) പോസ്റ്റ്മെട്രിക് സ്കോളർഷിപ്പിന് അപേക്ഷ ക്ഷണിച്ചു. കുടുംബ വാർഷിക വരുമാനം രണ്ടര ലക്ഷം രൂപയിൽ താഴെയായിരിക്കണം. www.egrantz.kerala.gov.in മുഖേന ഓൺലൈനായാണ് അപേക്ഷിക്കേണ്ടത്. വിശദാംശങ്ങൾ അടങ്ങിയ വിജ്ഞാപനം www.bcdd.kerala.gov.in ൽ ലഭ്യമാണ്. അവസാന തിയതി ഡിസംബർ 10. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളിൽ ബന്ധപ്പെടണം. കൊല്ലം മേഖലാ ഓഫീസ്- 0474 2914417, എറണാകുളം മേഖലാ ഓഫീസ്- 0484 2429130, കോഴിക്കോട് മേഖലാ ഓഫീസ്- 0495 2377786.
പോസ്റ്റ്മെട്രിക് സ്കോളർഷിപ്പ്
പ്ലസ് വൺ, പ്ലസ്ടു, ബിരുദം, ബിരുദാനന്തരബിരുദം, പി.എച്ച്.ഡി എന്നീ കോഴ്സുകള്ക്ക് പഠിക്കുന്ന മുസ്ലീം, ക്രിസ്ത്യന്, ബുദ്ധിസ്റ്റ്, സിക്ക്, പാഴ്സി വിദ്യാര്ത്ഥികള്ക്കായി കേന്ദ്ര ഗവര്മെന്റിന്റെ മൈനോരിറ്റി അഫയേഴ്സ് ഏര്പ്പെടുത്തി സംസ്ഥാന കോളേജ് വിദ്യാഭ്യാസ വകുപ്പ് മുഖാന്തിരം നടപ്പാക്കി വരുന്ന സ്കോളര്ഷിപ്പാണ് പോസ്റ്റ് മെട്രിക് സ്കോളർഷിപ്പ്. ടെക്നിക്കല്, വൊക്കേഷണല്, ഐടിഐ, ഐടിസി അഫിലിയേറ്റഡ് കോഴ്സുകള്ക്ക് പഠിക്കുന്നവര്ക്കും ഈ സ്കോളര്ഷിപ്പ് ലഭ്യമാകും. വാര്ഷിക കുടുംബവരുമാനം രണ്ട് ലക്ഷം രൂപയില് കവിയരുത്. മുന്വര്ഷത്തെ പരീക്ഷയില് അമ്പത് ശതമാനത്തില് കുറയാത്ത മാര്ക്കുണ്ടായിരിക്കണം. ഒരു കുടുംബത്തില് രണ്ടില് കൂടുതല് പേര്ക്ക് ഈ സ്കോളര്ഷിപ്പ് ലഭിക്കുകയില്ല. മറ്റ് സ്കോളര്ഷിപ്പോ സ്റ്റൈപ്പന്റോ വാങ്ങുന്നവരാകരുത്. പോസ്റ്റ് മെട്രിക് സ്കോളര്ഷിപ്പുകള് വര്ഷാവര്ഷം പുതുക്കണം.
പ്രീമെട്രിക് സ്കോളർഷിപ്പ്
ഒന്നുമുതല് പത്തുവരെയുള്ള ക്ലാസുകളില് പഠിക്കുന്ന പിന്നോക്കം നില്ക്കുന്ന വിദ്യാര്ത്ഥികള്ക്കായി കേന്ദ്ര ഗവര്മെന്റിന്റെ സഹായത്തോടെ നടപ്പാക്കി വരുന്ന സ്കോളര്ഷിപ്പാണിത്. ഒന്നാം ക്ലാസില് പഠിക്കുന്നവര്ക്ക് രക്ഷിതാക്കളുടെ വാര്ഷിക വരുമാനത്തിന്റെ അടിസ്ഥാനത്തിലാണ് സ്കോളര്ഷിപ്പ് നല്കുക. രക്ഷിതാക്കളുടെ വാര്ഷിക കുടുംബ വരുമാനം ഒരു ലക്ഷത്തില് കവിയരുത്. രണ്ടുമുതല് പത്ത് വരെ ക്ലാസില് പഠിക്കുന്നവര്ക്ക് മുന്വര്ഷത്തെ വാര്ഷിക പരീക്ഷയില് 50 ശതമാനത്തില് കുറയാത്ത മാര്ക്ക് ഉണ്ടായിരിക്കണം. മുന്വര്ഷം സ്കോളര്ഷിപ്പ് ലഭിച്ചവര് റിന്യൂവല് കോളം നിര്ബന്ധമായും മാര്ക്ക് ചെയ്യണം. ഒരു കുടുംബത്തില് പരമാവധി രണ്ട് കുട്ടികള് മാത്രമേ അപേക്ഷിക്കാന് പാടുള്ളൂ. നിശ്ചിത മാതൃകയിലുള്ള പൂരിപ്പിച്ച അപേക്ഷകള് അതത് സ്കൂളിലെ ഹെഡ്മാസ്റ്റര്ക്കാണ് സമര്പ്പിക്കേണ്ടത്.